ਕੀ ਸਰਦੀਆਂ 'ਚ ਤੁਹਾਡੇ ਹੱਥ ਤੇ ਪੈਰ ਰਹਿੰਦੇ ਹਨ ਬਰਫ਼ ਵਾਂਗ ਠੰਢੇ, ਜਾਣੋ ਕਾਰਨ

ਹੱਥਾਂ-ਪੈਰਾਂ ਦਾ ਠੰਢਾ ਹੋਣਾ

ਸਰਦੀਆਂ ਵਿੱਚ ਹੱਥਾਂ-ਪੈਰਾਂ ਦਾ ਠੰਢਾ ਹੋਣਾ ਆਮ ਗੱਲ ਹੈ। ਪਰ ਕੀ ਤੁਸੀਂ ਕਦੇ ਦੇਖਿਆ ਹੈ ਕਿ ਕੁਝ ਲੋਕਾਂ ਦੇ ਹੱਥ-ਪੈਰ ਬਹੁਤ ਠੰਢੇ ਰਹਿੰਦੇ ਹਨ?

ਕਈ ਵਾਰ ਜਦੋਂ ਸਰਦੀ ਘੱਟ ਜਾਂਦੀ ਹੈ ਤਾਂ ਉਨ੍ਹਾਂ ਦੇ ਹੱਥ-ਪੈਰ ਬਰਫ਼ ਵਾਂਗ ਠੰਡੇ ਹੋ ਜਾਂਦੇ ਹਨ ਅਤੇ ਪਾਰਾ ਡਿੱਗਣ ਨਾਲ ਇਹ ਸਮੱਸਿਆ ਹੋਰ ਵਧ ਜਾਂਦੀ ਹੈ।

ਹੱਥ-ਪੈਰ ਠੰਢੇ ਹੋਣ ਦਾ ਕਾਰਨ

ਮਾਹਿਰਾਂ ਦਾ ਕਹਿਣਾ ਹੈ ਕਿ ਜਦੋਂ ਪਾਰਾ ਬਹੁਤ ਜ਼ਿਆਦਾ ਡਿੱਗਦਾ ਹੈ, ਤਾਂ ਆਕਸੀਜਨ ਸਹੀ ਪੱਧਰ 'ਤੇ ਉਂਗਲਾਂ ਅਤੇ ਪੈਰਾਂ ਦੀਆਂ ਉਂਗਲਾਂ ਤੱਕ ਨਹੀਂ ਪਹੁੰਚਦੀ ਤੇ ਇਸ ਕਾਰਨ ਹਥੇਲੀਆਂ ਤੇ ਪੈਰਾਂ ਦੀਆਂ ਉਂਗਲਾਂ ਠੰਢੀਆਂ ਰਹਿਣ ਲੱਗਦੀਆਂ ਹਨ।

ਅਨੀਮੀਆ ਹੋ ਸਕਦੈ ਕਾਰਨ

ਜੇਕਰ ਤੁਹਾਡੇ ਸਰੀਰ ਵਿੱਚ ਖੂਨ ਦੀ ਕਮੀ ਹੈ ਯਾਨੀ ਤੁਹਾਨੂੰ ਅਨੀਮੀਆ ਹੈ ਤਾਂ ਤੁਹਾਨੂੰ ਇਹ ਸਮੱਸਿਆ ਜ਼ਿਆਦਾ ਮਹਿਸੂਸ ਹੋ ਸਕਦੀ ਹੈ।

ਸ਼ੂਗਰ ਹੋ ਸਕਦੀ ਹੈ ਕਾਰਨ

ਜੇਕਰ ਪੂਰਾ ਸਰੀਰ ਗਰਮ ਹੋਣ ਦੇ ਬਾਵਜੂਦ ਵੀ ਹੱਥ-ਪੈਰ ਠੰਢੇ ਰਹਿੰਦੇ ਹਨ ਤਾਂ ਇਸ ਨੂੰ ਨਜ਼ਰਅੰਦਾਜ਼ ਨਹੀਂ ਕਰਨਾ ਚਾਹੀਦਾ। ਸ਼ੂਗਰ ਦੇ ਮਰੀਜ਼ਾਂ ਨੂੰ ਵੀ ਇਹ ਸਮੱਸਿਆ ਹੋ ਸਕਦੀ ਹੈ।

ਵਿਟਾਮਿਨ ਬੀ12 ਦੀ ਕਮੀ

ਸਰੀਰ ਵਿੱਚ ਵਿਟਾਮਿਨ ਬੀ12 ਦੀ ਕਮੀ ਦੇ ਕਾਰਨ ਸਰਦੀਆਂ ਵਿੱਚ ਤੁਹਾਡੇ ਹੱਥ ਪੈਰ ਠੰਢੇ ਰਹਿ ਸਕਦੇ ਹਨ। ਜੇਕਰ ਤੁਹਾਡਾ ਕੋਲੈਸਟ੍ਰਾਲ ਜ਼ਿਆਦਾ ਹੈ ਤਾਂ ਵੀ ਸਰਦੀਆਂ ਵਿੱਚ ਤੁਹਾਡੇ ਪੈਰ ਠੰਢੇ ਰਹਿੰਦੇ ਹਨ।

ਪੋਸ਼ਣ ਦੀ ਕਮੀ

ਖ਼ੂਨ ਦਾ ਸੰਚਾਰ ਖ਼ਰਾਬ ਹੋਣ ਕਾਰਨ ਹੱਥ-ਪੈਰ ਵੀ ਠੰਢੇ ਰਹਿੰਦੇ ਹਨ। ਸਰੀਰ ਵਿੱਚ ਪੋਸ਼ਣ ਦੀ ਕਮੀ ਵੀ ਇਸ ਦਾ ਕਾਰਨ ਹੋ ਸਕਦੀ ਹੈ।