ਵਿਧਾਇਕਾ ਨਰਿੰਦਰ ਕੌਰ ਭਰਾਜ 7 ਅਕਤੂਬਰ 2022 ਦਿਨ ਸ਼ੁੱਕਰਵਾਰ ਨੂੰ ਵਿਆਹ ਦੇ ਬੰਧਨ ’ਚ ਬੱਝ ਜਾਵੇਗੀ।
ਨਰਿੰਦਰ ਆਮ ਆਦਮੀ ਪਾਰਟੀ ਦੇ ਵਰਕਰ ਤੇ ਆਪਣੇ ਪੁਰਾਣੇ ਕਲਾਸਮੇਟ ਮਨਦੀਪ ਲੱਖੇਵਾਲ ਨਾਲ ਲਾਵਾਂ ਲੈ ਕੇ ਗ੍ਰਹਿਸਥ ਜੀਵਨ ’ਚ ਪ੍ਰਵੇਸ਼ ਕਰੇਗੀ।
ਵਿਆਹ ਦਾ ਸਮਾਗਮ ਬੇਹੱਦ ਸਾਦਗੀ ਭਰਿਆ ਹੋਵੇਗਾ। ਇਕ ਗੁਰਦੁਆਰੇ ’ਚ ਰਸਮਾਂ ਨਿਭਾਈਆਂ ਜਾਣਗੀਆਂ।
ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਤੇ ਰਿਸ਼ਤੇਦਾਰਾਂ ਤੋਂ ਇਲਾਵਾ ਚੋਣਵੇਂ ਮਹਿਮਾਨ ਹੀ ਇਸ ਵਿਆਹ ਸਮਾਗਮ ’ਚ ਸ਼ਿਰਕਤ ਕਰਨਗੇ।
ਨਰਿੰਦਰ ਕੌਰ ਭਰਾਜ ਸਭ ਤੋਂ ਘੱਟ ਉਮਰ ਦੀ ਵਿਧਾਇਕਾ ਹੈ ਤੇ ਮਾਪਿਆਂ ਦੀ ਇਕਲੌਤੀ ਪੁੱਤਰੀ ਹੈ।
ਵਿਧਾਇਕ ਨਰਿੰਦਰ ਕੌਰ ਭਰਾਜ ਸੰਗਰੂਰ ਦੇ ਬਲਾਕ ਭਵਾਨੀਗਡ਼੍ਹ ਦੇ ਪਿੰਡ ਭਰਾਜ ਦੀ ਰਹਿਣ ਵਾਲੀ ਹੈ। ਕਾਂਗਰਸ ਦੇ ਵਿਜੇਇੰਦਰ ਸਿੰਗਲਾ ਤੇ ਭਾਜਪਾ ਦੇ ਅਰਵਿੰਦ ਖੰਨਾ ਨੂੰ ਹਰਾ ਕੇ ਪਹਿਲੀ ਵਾਰ ਵਿਧਾਇਕ ਚੁਣੀ ਗਈ ਹੈ।
ਸਾਲ 2014 ਦੀਆਂ ਲੋਕ ਸਭਾ ਚੋਣਾਂ ਦੌਰਾਨ ਆਪ ਉਮੀਦਵਾਰ ਭਗਵੰਤ ਮਾਨ ਦੇ ਹੱਕ ’ਚ ਆਪਣੇ ਪਿੰਡ ’ਚ ਇਕਲੌਤਾ ਬੂਥ ਲਗਾ ਕੇ ਚਰਚਾ ’ਚ ਆਈ ਤੇ ਭਗਵੰਤ ਮਾਨ ਜ਼ਰੀਏ ਸਿਆਸਤ ’ਚ ਕਦਮ ਰੱਖਿਆ।
ਨਰਿੰਦਰ ਕੌਰ ਭਰਾਜ ਕੱਲ੍ਹ ਮਨਦੀਪ ਸਿੰਘ ਲੱਖੇਵਾਲ ਨਾਲ ਵਿਆਹ ਕਰਵਾ ਕੇ ਨਵੇਂ ਜੀਵਨ ਦਾ ਆਗਾਜ਼ ਕਰੇਗੀ। ਦੁਆ ਹੈ ਇਹ ਜੋਡ਼ੀ ਸਦਾ ਸਲਾਮਤ ਰਹੇ।