ਚਿਪਚਿਪੀਆਂ ਪਾਣੀ ਦੀਆਂ ਬੋਤਲਾਂ ਨੂੰ ਇਨ੍ਹਾਂ ਹੈਕਸ ਨਾਲ ਕਰੋ ਸਾਫ਼

ਪੀਣ ਵਾਲੇ ਪਾਣੀ ਦੀਆਂ ਬੋਤਲਾਂ ਨੂੰ ਸਾਫ਼ ਕਰਨਾ ਅਕਸਰ ਇੱਕ ਔਖਾ ਕੰਮ ਜਾਪਦਾ ਹੈ, ਜਿਸ ਕਾਰਨ ਜ਼ਿਆਦਾਤਰ ਲੋਕ ਸਾਦੇ ਪਾਣੀ ਨਾਲ ਇਨ੍ਹਾਂ ਨੂੰ ਧੋ ਕੇ ਦੁਬਾਰਾ ਵਰਤੋਂ ਕਰਦੇ ਹਨ।

ਪਰ ਇਨ੍ਹਾਂ ਵਿਚ ਲੁਕੇ ਕੀਟਾਣੂ ਸਿਹਤ ਲਈ ਹਾਨੀਕਾਰਕ ਹਨ। ਹਾਲਾਂਕਿ, ਰੋਜ਼ਾਨਾ ਵਰਤੋਂ ਨਾਲ, ਬੋਤਲ ਅਕਸਰ ਚਿਪਕ ਜਾਂਦੀ ਹੈ, ਜਿਸ ਨੂੰ ਡਿਟਰਜੈਂਟ ਤੋਂ ਬਿਨਾਂ ਚੰਗੀ ਤਰ੍ਹਾਂ ਸਾਫ਼ ਕਰਨਾ ਮੁਸ਼ਕਲ ਹੋ ਜਾਂਦਾ ਹੈ।

ਤਰੀਕਾ 1

ਇੱਕ ਕਟੋਰੀ ਵਿੱਚ ਨਿੰਬੂ ਦਾ ਰਸ ਲਓ। ਡਿਟਰਜੈਂਟ ਜਾਂ ਲਿਕਵਿਡ ਕਲੀਨਰ ਪਾਓ, ਮਿਕਸ ਕਰਨ ਤੋਂ ਬਾਅਦ, ਸਕ੍ਰਬ ਦੀ ਮਦਦ ਨਾਲ ਬੋਤਲ 'ਤੇ ਲਗਾਓ ਅਤੇ ਇਸ ਨੂੰ ਰਗੜੋ। ਇਸ ਨੂੰ ਪਾਣੀ ਨਾਲ ਧੋ ਕੇ ਸਾਫ਼ ਕੱਪੜੇ ਦੀ ਮਦਦ ਨਾਲ ਪੂੰਝ ਲਓ।

ਤਰੀਕਾ 2

ਕਟੋਰੀ ਵਿੱਚ ਡਿਟਰਜੈਂਟ ਪਾ ਕੇ ਘੋਲ ਬਣਾ ਲਓ। ਟਿਸ਼ੂ ਪੇਪਰ ਪਾ ਕੇ ਬੋਤਲ ਦੇ ਅੰਦਰ ਰੱਖ ਕੇ ਚੰਗੀ ਤਰ੍ਹਾਂ ਹਿਲਾਓ 5-7 ਮਿੰਟ ਲਈ ਛੱਡ ਦਿਓ। ਹੁਣ ਟਿਸ਼ੂ ਪੇਪਰ ਲੈ ਕੇ ਬਾਹਰੀ ਸਟਿੱਕੀ ਹਿੱਸੇ ਨੂੰ ਸਾਫ਼ ਕਰੋ ਤੇ ਇਸਨੂੰ ਹੌਲੀ-ਹੌਲੀ ਪੂੰਝੋ।

ਤਰੀਕਾ 3

ਵੱਡਾ ਭਾਂਡਾ ਲਓ। ਹੁਣ ਇਸ ਵਿਚ ਸਾਫ਼ ਨਿੰਮ ਦੀਆਂ ਪੱਤੀਆਂ ਅਤੇ ਨਿੰਬੂ ਦੇ ਟੁਕੜੇ ਪਾਓ। ਮਿਸ਼ਰਣ ਨੂੰ ਉਬਾਲੋ, ਗੈਸ ਬੰਦ ਕਰੋ ਤੇ ਘੋਲ ਥੋੜਾ ਠੰਢਾ ਹੋਣ ਤੋਂ ਬਾਅਦ, ਇਸ ਵਿਚ ਕੱਚ ਅਤੇ ਸਟੀਲ ਦੀਆਂ ਬੋਤਲਾਂ ਰੱਖੋ।

ਇਸ ਨੂੰ 20 ਮਿੰਟ ਲਈ ਛੱਡਣ ਤੋਂ ਬਾਅਦ, ਇਸਨੂੰ ਬਾਹਰ ਕੱਢੋ ਅਤੇ ਸਾਬਣ ਨਾਲ ਸਾਫ਼ ਕਰੋ। ਹੁਣ ਇਸ ਨੂੰ ਸਾਫ਼ ਪਾਣੀ ਨਾਲ ਧੋ ਕੇ ਸੁਕਾ ਲਓ।

ਤਰੀਕਾ 4

ਇਕ ਵੱਡੇ ਭਾਂਡੇ 'ਚ ਗਰਮ ਪਾਣੀ, ਨਮਕ ਅਤੇ ਡਿਸ਼ ਸਾਬਣ, ਸੋਡਾ ਮਿਲਾ ਲਓ। ਘੋਲ ਨੂੰ ਹਿਲਾਓ ਅਤੇ ਬੋਤਲਾਂ ਨੂੰ ਪਾਣੀ ਵਿੱਚ 10 ਮਿੰਟ ਲਈ ਡੁਬੋ ਦਿਓ। ਤੇ ਬੋਤਲਾ ਨੂੰ ਸਾਫ ਕਰ ਲਓ।