ਟਰੰਪ ਨਾਲ ਮਤਭੇਦਾਂ ਤੋਂ ਬਾਅਦ ਰਿਪਬਲਿਕਨ ਸੰਸਦ ਮੈਂਬਰ ਟੇਲਰ ਗ੍ਰੀਨ ਦੇਣਗੇ ਅਸਤੀਫਾ, ਡੈਮੋਕ੍ਰੇਟਿਕ ਪਾਰਟੀ ਨੇ ਕੀ ਲਾਏ ਦੋਸ਼?

ਵਾਸ਼ਿੰਗਟਨ, ਰਾਇਟਰ: ਅਮਰੀਕਾ ’ਚ ਸੱਤਾ ’ਚ ਰਹਿਣ ਵਾਲੀ ਰਿਪਬਲਿਕਨ ਪਾਰਟੀ ਦੀ ਰਾਜਨੀਤੀ ’ਚ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਸਮਰਥਕ ਰਹੀ ਜਾਰਜੀਆ ਦੀ ਸੰਸਦ ਮੈਂਬਰ ਮਾਰਜੋਰੀ ਟੇਲਰ ਗ੍ਰੀਨ ਨੇ ਪ੍ਰਤੀਨਿਧੀ ਸਭਾ ਤੋਂ ਅਸਤੀਫਾ ਦੇਣ ਦਾ ਫੈਸਲਾ ਕੀਤਾ ਹੈ। ਇਹ ਮੰਨਿਆ ਜਾ ਰਿਹਾ ਹੈ ਕਿ ਉਹ ਟਰੰਪ ਨਾਲ ਹਾਲੀਆ ਮਹੀਨਿਆਂ ’ਚ ਉੱਭਰੇ ਮਤਭੇਦਾਂ ਕਾਰਨ ਅਸਤੀਫਾ ਦੇ ਰਹੀਆਂ ਹਨ। ਉਨ੍ਹਾਂ ਦੇ ਅਸਤੀਫੇ ਤੋਂ ਬਾਅਦ ਪ੍ਰਤੀਨਿਧੀ ਸਭਾ ’ਚ ਰਿਪਬਲਿਕਨ ਪਾਰਟੀ ਦੀ ਵਿਰੋਧੀ ਡੈਮੋਕ੍ਰੇਟਿਕ ਪਾਰਟੀ ’ਤੇ ਪਹੁੰਚ ਘਟ ਜਾਵੇਗੀ।

ਇਕ ਸਮੇਂ ਟਰੰਪ ਦੀ ਮਜ਼ਬੂਤ ਸਮਰਥਕ ਰਹੀ ਟੇਲਰ ਗ੍ਰੀਨ, ਰਾਸ਼ਟਰਪਤੀ ਦੇ ‘ਅਮਰੀਕਾ ਪਹਿਲਾਂ’ ਮੁਹਿੰਮ ਨਾਲ ਸ਼ੁਰੂ ਤੋਂ ਜੁੜੀ ਰਹੀ ਹਨ ਪਰ ਹਾਲੀਆ ਮਹੀਨਿਆਂ ’ਚ ਨਾਬਾਲਿਗ ਲੜਕੀਆਂ ਨਾਲ ਜਿਨਸੀ ਸੋਸ਼ਣ ਦੇ ਦੋਸ਼ੀ ਜੈਫਰੀ ਐਪਸਟਾਈਨ ਦੀਆਂ ਫਾਈਲਾਂ ਨੂੰ ਜਨਤਕ ਕਰਨ ਤੇ ਕੁਝ ਹੋਰ ਮਸਲਿਆਂ ’ਤੇ ਟਰੰਪ ਨਾਲ ਉਨ੍ਹਾਂ ਦੇ ਮਤਭੇਦ ਸਾਹਮਣੇ ਆਏ ਹਨ। ਵਿਰੋਧੀ ਡੈਮੋਕ੍ਰੇਟਿਕ ਪਾਰਟੀ ਦਾ ਦੋਸ਼ ਹੈ ਕਿ ਐਪਸਟਾਈਨ ਦੇ ਇਕ ਸਮੇਂ ਟਰੰਪ ਨਾਲ ਡੂੰਘੇ ਸੰਬੰਧ ਸਨ।

ਗ੍ਰੀਨ ਨੇ ਇੰਟਰਨੈਟ ਮੀਡੀਆ ’ਤੇ 10 ਮਿੰਟ ਦੇ ਵੀਡੀਓ ਬਿਆਨ ’ਚ ਅਸਤੀਫੇ ਦਾ ਐਲਾਨ ਕੀਤਾ। ਏਬੀਸੀ ਨਿਊਜ਼ ਨਾਲ ਇੰਟਰਵਿਊ ’ਚ ਟਰੰਪ ਨੇ ਕਿਹਾ ਕਿ ਗ੍ਰੀਨ ਦਾ ਅਸਤੀਫਾ ਪੰਜ ਜਨਵਰੀ ਨੂੰ ਲਾਗੂ ਹੋਵੇਗਾ। ਇਹ ਦੇਸ਼ ਲਈ ਇਕ ਵੱਡੀ ਖ਼ਬਰ ਹੈ।