ਲੰਡਨ, ਏਐੱਨਆਈ : ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜੌਨਸਨ ਅਪ੍ਰੈਲ 'ਚ ਭਾਰਤ ਦਾ ਦੌਰਾ ਕਰਨਗੇ। ਬੋਰਿਸ ਜੌਨਸਨ ਦੇ ਭਾਰਤ ਦੌਰੇ ਦਾ ਮਕਸਦ ਯੂਕੇ ਲਈ ਹੋਰ ਜ਼ਿਆਦਾ ਅਵਸਰਾਂ ਨੂੰ ਤਲਾਸ਼ਣਾ ਪਵੇਗਾ। ਨਾਲ ਹੀ ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਦੇ ਇਸ ਦੌਰੇ ਦਾ ਉਦੇਸ਼ ਭਾਰਤ ਨਾਲ ਮਿਲ ਕੇ ਚੀਨ ਦੀਆਂ ਚਾਲਬਾਜ਼ੀਆਂ ਖ਼ਿਲਾਫ਼ ਖੜ੍ਹੇ ਹੋਣਾ ਹੈ। ਦੱਸ ਦੇਈਏ ਕਿ ਬੋਰਿਸ ਜੌਨਸਨ ਗਣਤੰਤਰ ਦਿਵਸ ਦੇ ਅਵਸਰ 'ਤੇ ਭਾਰਤ 'ਚ ਮੁੱਖ ਮਹਿਮਾਨ ਵਜੋਂ ਭਾਰਤ ਆਉਣ ਵਾਲੇ ਸਨ, ਪਰ ਕੋਰੋਨਾ ਮਹਾਮਾਰੀ ਕਾਰਨ ਉਨ੍ਹਾਂ ਦਾ ਇਹ ਦੌਰਾ ਰੱਦ ਹੋ ਗਿਆ ਸੀ।

ਬੋਰਿਸ ਜੌਨਸਨ ਅਪ੍ਰੈਲ ਦੇ ਅਖੀਰ 'ਚ ਭਾਰਤ ਦਾ ਦੌਰਾ ਕਰਨਗੇ। ਇਸ ਖੇਤਰ 'ਚ ਬ੍ਰਿਟੇਨ ਦੇ ਅਵਸਰਾਂ ਨੂੰ ਹੱਲਾਸ਼ੇਰੀ ਦੇਣ ਦੇ ਯਤਨਾਂ ਤਹਿਤ ਯੂਰਪੀ ਸੰਘ ਨਾਲ ਬ੍ਰਿਟੇਨ ਦੇ ਬਾਹਰ ਨਿਕਲਣ ਤੋਂ ਬਾਅਦ ਉਨ੍ਹਾਂ ਦੀ ਪਹਿਲੀ ਪ੍ਰਮੁੱਖ ਕੌਮਾਂਤਰੀ ਯਾਤਰਾ ਕੀ ਹੋਵੇਗੀ। ਦੱਸ ਦੇਈਏ ਕਿ ਸੰਯੁਕਤ ਰਾਜ ਅਮਰੀਕਾ ਦੇ ਨਾਲ ਆਪਣੇ ਮਜ਼ਬੂਤ ਸਬੰਧਾਂ ਨੂੰ ਰਾਖਵਾਂ ਕਰਦੇ ਹੋਏ ਇੰਡੋ-ਪੈਸੀਫਿਕ ਖੇਤਰ 'ਚ ਆਪਣੇ ਪ੍ਰਭਾਵ ਦਾ ਵਿਸਤਾਰ ਕਰਨ ਦੇ ਉਦੇਸ਼ ਨਾਲ ਬ੍ਰਿਟਿਸ਼ ਸਰਕਾਰ ਮੰਗਲਵਾਰ ਨੂੰ ਦੇਸ਼ ਦੀ ਬ੍ਰੈਗਜ਼ਿਟ ਰੱਖਿਆ ਤੇ ਵਿਦੇਸ਼ ਨੀਤੀ ਦੀਆਂ ਤਰਜੀਹਾਂ ਨੂੰ ਸਾਮਣੇ ਰੱਖੇਗੀ।

ਅਸਲ ਵਿਚ ਯੂਰਪੀ ਯੂਨੀਅਨ ਦੇ ਬਾਹਰ ਹੋਣ ਤੋਂ ਬਾਅਦ ਹੁਣ ਬੋਰਿਸ ਜੌਨਸਨ ਬ੍ਰਿਟਿਨ ਲਈ ਨਵੀਆਂ ਸੰਭਾਵਨਾਵਾਂ ਤਲਾਸ਼ ਰਹੇ ਹਨ। ਚੀਨ ਤੋਂ ਯੂਕੇ ਦਾ ਕਈ ਮੁੱਦਿਆਂ 'ਤੇ ਮਤਭੇਦ ਕਿਸੇ ਕੋਲੋਂ ਲੁਕਿਆ ਨਹੀਂ ਹੈ। ਅਜਿਹੇ ਵਿਚ ਭਾਰਤ ਨਾਲ ਖੜ੍ਹੇ ਹੋ ਕੇ ਬੋਰਿਸ ਜੌਨਸਨ ਇਕ ਤੀਰ ਨਾਲ ਦੋ ਨਿਸ਼ਾਨੇ ਸਾਧਣਾ ਚਾਹੁੰਦੇ ਹਨ। ਇਸ ਵਿਚ ਕੁਝ ਵੀ ਗ਼ਲਤ ਨਹੀਂ ਹੈ। ਏਧਰ, ਚੀਨ ਨੂੰ ਘੇਰਨ ਲਈ ਭਾਰਤ, ਅਮਰੀਕਾ, ਜਾਪਾਨ ਤੇ ਆਸਟ੍ਰੇਲੀਆ ਦੀ ਚੌਕੜੀ ਨਾਲ ਬਣੇ ਕਵਾਡ ਸੰਗਠਨ ਨੇ ਵੀ ਕਮਰਸ ਕੱਸ ਲਈ ਹੈ। ਮੌਜੂਦਾ ਦੌਰ 'ਚ ਇਹ ਘਟਨਾਕ੍ਰਮ ਆਪਣੇ-ਆਪ 'ਚ ਮਹੱਤਵਪੂਰਨ ਹੈ। ਇਸ ਨੂੰ ਗ੍ਰਹਿ ਯੁੱਧ ਦੀ ਸਮਾਪਤੀ ਤੋਂ ਬਾਅਦ ਸਭ ਤੋਂ ਜ਼ਿਕਰਯੋਗ ਆਲਮੀ ਪਹਿਲ ਕਿਹਾ ਜਾ ਰਿਹਾ ਹੈ।

Posted By: Seema Anand