ਗਲਾਸਗੋ (ਸਕਾਟਲੈਂਟ) : ਗਲਾਸਗੋ ’ਚ ਹੋਏ ਸੰਯੁਕਤ ਰਾਸ਼ਟਰ ਦੇ ਪੌਣ-ਪਾਣੀ ਸੰਮੇਲਨ ਕਾਪ-26 ਵੈਸੇ ਤਾਂ ਕਈ ਕਾਰਨਾਂ ਨਾਲ ਮਹੱਤਵਪੂਰਨ ਰਿਹਾ। ਇਕ ਪਾਸੇ ਇੰਟਰਨੈੱਟ ਮੀਡੀਆ ’ਤੇ ਆਪਣੀ ਦਾਅਵੇਦਾਰੀ ਸਾਬਿਤ ਕਰਨ ਤੋਂ ਬਾਅਦ ਭਾਰਤ ਦੀ ਪ੍ਰਸ਼ੰਸਾ ਕੀਤੀ ਗਈ, ਉਥੇ ਦੂਜੇ ਪਾਸੇ ਸੰਮੇਲਨ ਦੌਰਾਨ ਖਾਣ-ਪੀਣ ਦੀ ਵਿਵਸਥਾ ਤੇ ਮੈਨਿਊ ’ਤੇ ਵੀ ਚਰਚਾ ਹੋਈ। ਦੱਸਣਯੋਗ ਹੈ ਕਿ 2016 ’ਚ ਗੈਸਟ੍ਰੋਡਿਪਲੋਮੈਸੀ ਦੇ ਇਕ ਖੋਜ ਪੱਤਰ ’ਚ ਪਾਇਆ ਗਿਆ ਕਿ ਇਕੱਠਿਆਂ ਖਾਣਾ ਖਾਣ ਨਾਲ ਖਾਣਾ ਖਾਣ ਵਾਲਿਆਂ ਵਿਚਾਲੇ ਬਿਹਤਰ ਸਮਾਜਿਕ ਸੰਪਰਕ ਸਥਾਪਤ ਹੋਇਆ। ਦੂਜੇ ਸ਼ਬਦਾਂ ਵਿਚ ਕਹੀਏ ਤਾਂ ਇਹ ਸੰਪਰਕ ਬਾਕੀ ਹਾਲਾਤ ’ਚ ਹੋਈ ਗੱਲਬਾਤ ਤੋਂ ਜ਼ਿਆਦਾ ਪ੍ਰਭਾਵੀ ਰਿਹਾ।

ਕਿਹਾ ਵੀ ਗਿਆ ਹੈ ਕਿ ਚੰਗਾ ਖਾਣ-ਪੀਣ ਫ਼ਾਇਦੇਮੰਦ ਸੌਦੇ ਦਾ ਮਾਰਗ ਦਿਖਾਉਂਦਾ ਹੈ। ਬਿਹਤਰ ਖਰਡ਼ੇ ਦਾ ਰਸਤਾ ਸੁਆਦ ਅਤੇ ਸਿਹਤ ਤੋਂ ਹੋ ਕੇ ਜਾਂਦਾ ਹੈ। ਦਰਅਸਲ, ਸੰਮੇਲਨ ’ਚ 13 ਦਿਨਾਂ ਤਕ ਲਗਾਤਾਰ ਸੈਸ਼ਨਾਂ ਲਈ ਕੁਝ ਵਾਰਤਾਕਾਰਾਂ ਨੇ ਰਾਤਾਂ ਨੂੰ ਜਾਗਣ ਦਾ ਫ਼ੈਸਲਾ ਲਿਆ ਜਿਸ ਕਾਰਨ ਸੰਮੇਲਨ ਸਥਾਨ ’ਤੇ ਅਨਿਸ਼ਚਿਤ ਕਾਲ ਦੀ ਗੱਲਬਾਤ ਲਈ ਰਾਤ ਭਰ ਕੈਫੇਟੇਰੀਆ ਖੁੱਲ੍ਹਾ ਰਿਹਾ। ਲਿਹਾਜ਼ਾ ਕੈਨੇਡਾ ਦੇ ਵਾਰਤਾਕਾਰ ਵੀਰਵਾਰ ਰਾਤ ਪਿੱਜ਼ੇ ਦੇ ਡੱਬੇ ਫਡ਼ੇ ਹੋਏ ਆਪਣੇ ਕਮਰਿਆਂ ਵਿਚ ਜਾਂਦੇ ਦਿਸੇ। ਉਥੇ ਅਮਰੀਕੀ ਵਫ਼ਦ ਦੇ ਕੁਝ ਮੈਂਬਰਾਂ ਨੇ ਸਥਾਨਕ ਬਾਜ਼ਾਰ ਤੋਂ ਬ੍ਰੈੱਡ, ਪੀਨਟ ਬਟਰ, ਜੈਲੀ ਤੋਂ ਇਲਾਵਾ ਕੁਝ ਸੈਂਡਵਿਚ ਖ਼ਰੀਦੇ। ਅਲਜੀਰੀਆਈ ਵਾਰਤਾਕਾਰ ਨੇ ਖਾਣੇ ਦੀ ਟੇਬਲ ’ਤੇ ਹੀ ਬੈਠ ਕੇ ਖਾਣਾ ਖਾਧਾ ਤਾਂ ਦੋ ਸਕਾਟਿਸ਼ ਵਾਰਤਾਕਾਰਾਂ ਨੇ ਦੁਪਹਿਰ ਦੇ ਖਾਣੇ ਦੇ ਨਾਲ ਹੋਰਨਾਂ ਵਾਰਤਾਕਾਰਾਂ ਨਾਲ ਸਮਾਂ ਬਿਤਾਇਆ। ਟਰਾਂਸਪੋਰਟ ਸਕੱਤਰ ਪੀ ਬਟੀਗਿਏਗ ਨੇ ਆਪਣੀ ਯਾਤਰਾ ਦੌਰਾਨ ਨਾਸ਼ਤੇ ਵਿਚ ਹੈਗਿਸ ਲਿਆ ਤਾਂ ਅਲੈਗਜੈਂਡਰੀਆ ਓਕਾਸਿਓ-ਕੋਰਟੇਜ, ਡੀ-ਐੱਨ.ਵਾਈ., ਸਕਾਟਲੈਂਡ ਦੇ ਪੀਣ ਵਾਲੇ ਪਦਾਰਥ ਦੇ ਬਾਰੇ ਵਿਚ ਇੰਸਟਾਗ੍ਰਾਮ ’ਤੇ ਸਾਂਝਾ ਕੀਤਾ।

Posted By: Tejinder Thind