ਨਵੀਂ ਦਿੱਲੀ, ਟੈੱਕ ਡੈਸਕ : ਭਾਰਤ ਵਰਗੇ ਦੇਸ਼ਾਂ 'ਚ ਚੀਨੀ ਸਮਾਰਟਫ਼ੋਨ ਦਾ ਬੋਲਬਾਲਾ ਹੈ। Xiaomi, Oppo, Realme ਅਤੇ Vivo ਭਾਰਤ ਵਿਚ ਟਾਪ ਦੇ 5 ਸਮਾਰਟਫ਼ੋਨ ਬ੍ਰਾਂਡ ਹਨ। ਉਹੀ 5G ਸਮਾਰਟਫ਼ੋਨ ਬਾਜ਼ਾਰ 'ਤੇ ਚੀਨੀ ਸਮਾਰਟਫ਼ੋਨ ਬ੍ਰਾਂਡ Realme ਦਾ ਕਬਜ਼ਾ ਹੈ। Realme ਭਾਰਤ ਦਾ ਨੰਬਰ-1 5G ਸਮਾਰਟਫ਼ੋਨ ਬ੍ਰਾਂਡ ਬਣ ਕੇ ਉਭਰਿਆ ਹੈ। ਅੰਕੜਿਆਂ ਮੁਤਾਬਕ ਭਾਰਤ ਦੇ ਸਮਾਰਟਫ਼ੋਨ ਬਾਜ਼ਾਰ 'ਤੇ ਕਰੀਬ 80 ਫੀਸਦੀ ਚੀਨੀ ਸਮਾਰਟਫ਼ੋਨ ਬ੍ਰਾਂਡਾਂ ਦਾ ਕਬਜ਼ਾ ਹੈ। ਭਾਵ ਭਾਰਤ ਵਿਚ ਮੌਜੂਦ ਹਰ 10 ਵਿੱਚੋਂ 8 ਚੀਨੀ ਸਮਾਰਟਫ਼ੋਨ ਹਨ। ਪਰ ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਚੀਨ 'ਚ ਚੀਨੀ ਬ੍ਰਾਂਡ ਵਾਲੇ ਸਮਾਰਟਫ਼ੋਨਜ਼ ਨੂੰ ਤਰਜੀਹ ਨਹੀਂ ਦਿੱਤੀ ਜਾਂਦੀ।

ਚੀਨ ਦਾ ਨੰਬਰ 1 ਸਮਾਰਟਫ਼ੋਨ ਬ੍ਰਾਂਡ ਕਿਹੜਾ

ਅਕਤੂਬਰ 2021 ਦੀ ਰਿਪੋਰਟ ਦੇ ਅਨੁਸਾਰ, ਓਪੋ ਨੂੰ ਪਿੱਛੇ ਛੱਡਦੇ ਹੋਏ, ਐਪਲ ਚੀਨ ਵਿਚ ਟਾਪ ਦਾ ਸਮਾਰਟਫ਼ੋਨ ਬ੍ਰਾਂਡ ਬਣ ਗਿਆ ਹੈ। ਐਪਲ ਆਈਫ਼ੋਨ ਸਮਾਰਟਫ਼ੋਨ ਚੀਨ 'ਚ ਸਭ ਤੋਂ ਜ਼ਿਆਦਾ ਪਸੰਦ ਕੀਤਾ ਜਾਂਦਾ ਹੈ। ਰਿਸਰਚ ਫਰਮ ਕਾਊਂਟਰਪੁਆਇੰਟ ਦੀ ਰਿਪੋਰਟ ਮੁਤਾਬਕ ਅਕਤੂਬਰ ਮਹੀਨੇ 'ਚ ਐਪਲ ਆਈਫ਼ੋਨ 13 ਸੀਰੀਜ਼ ਦੇ ਸਮਾਰਟਫ਼ੋਨਜ਼ 'ਚ ਪਿਛਲੇ ਮਹੀਨੇ ਦੇ ਮੁਕਾਬਲੇ 46 ਫੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ ਹੈ। ਚੀਨ ਦੀਆਂ ਦਿੱਗਜ ਤਕਨੀਕੀ ਕੰਪਨੀਆਂ ਹੁਆਵੇਈ, ਵੀਵੋ, ਓਪੋ ਚੋਟੀ ਦੇ ਸਮਾਰਟਫ਼ੋਨ ਬ੍ਰਾਂਡ ਬਣਨ 'ਚ ਅਸਫ਼ਲ ਰਹੀਆਂ ਹਨ।

ਐਪਲ ਨੇ ਓਪੋ ਅਤੇ ਵੀਵੋ ਨੂੰ ਛੱਡਿਆ ਪਿੱਛੇ

ਇਸ ਸਾਲ ਮਾਰਚ 'ਚ ਓਪੋ ਚੀਨ ਦੀ ਸਭ ਤੋਂ ਵੱਡੀ ਸਮਾਰਟਫ਼ੋਨ ਕੰਪਨੀ ਬਣ ਕੇ ਉਭਰੀ ਸੀ। ਪਰ ਵੀਵੋ ਮਾਰਚ 2021 ਵਿਚ ਟਾਪ ਬਣਨ ਵਿਚ ਕਾਮਯਾਬ ਰਿਹਾ। ਪਰ ਅਕਤੂਬਰ 'ਚ ਐਪਲ ਇਨ੍ਹਾਂ ਸਾਰੀਆਂ ਕੰਪਨੀਆਂ ਨੂੰ ਪਿੱਛੇ ਛੱਡਦੇ ਹੋਏ ਚੀਨ ਦੀ ਪ੍ਰਮੁੱਖ ਸਮਾਰਟਫ਼ੋਨ ਕੰਪਨੀ ਬਣ ਗਈ ਹੈ। ਦਸੰਬਰ 2015 ਤੋਂ ਬਾਅਦ ਇਹ ਪਹਿਲੀ ਵਾਰ ਹੈ ਜਦੋਂ ਐਪਲ ਚੀਨ ਵਿਚ ਟਾਪ ਦੇ ਸਮਾਰਟਫ਼ੋਨ ਬ੍ਰਾਂਡ ਦੇ ਰੂਪ ਵਿਚ ਉਭਰਿਆ ਹੈ। ਰਿਪੋਰਟ ਮੁਤਾਬਕ Huawei ਪਿਛਲੇ ਕੁਝ ਸਮੇਂ ਤੋਂ ਪ੍ਰੀਮੀਅਮ ਸਮਾਰਟਫ਼ੋਨ ਬਾਜ਼ਾਰ ਤੋਂ ਬਾਹਰ ਹੈ। ਪਿਛਲੇ 5 ਤੋਂ 6 ਮਹੀਨਿਆਂ 'ਚ ਹੁਆਵੇਈ ਦੀ ਮਾਰਕੀਟ ਸ਼ੇਅਰ 'ਚ ਜ਼ਬਰਦਸਤ ਗਿਰਾਵਟ ਆਈ ਹੈ। ਇਸ ਦਾ ਸਿੱਧਾ ਫਾਇਦਾ ਐਪਲ ਨੂੰ ਮਿਲਿਆ ਹੈ।

ਕਿਸਦਾ ਕਿੰਨਾ ਮਾਰਕੀਟ ਸ਼ੇਅਰ

Apple - 22 ਪ੍ਰਤੀਸ਼ਤ

Vivo - 20 ਪ੍ਰਤੀਸ਼ਤ

Oppo - 18 ਪ੍ਰਤੀਸ਼ਤ

Huawei - 8 ਪ੍ਰਤੀਸ਼ਤ

Posted By: Ramandeep Kaur