ਜੇਐੱਨਐੱਨ, ਕਾਬੁਲ/ਏਐੱਨਆਈ : ਅਫਗਾਨਿਸਤਾਨ ਦੇ ਪੰਜਸ਼ੀਰ ਸੂਬੇ 'ਤੇ ਕਬਜ਼ੇ ਲਈ ਤਾਲਿਬਾਨ ਤੇ ਨੈਸ਼ਨਲ ਰਜਿਸਟੈਂਸ ਫੋਰਸ ਵਿਚਕਾਰ ਲੜਾਈ ਜਾਰੀ ਹੈ। ਸਪੁਤਨਿਕ ਨੇ ਸ਼ਨਿਚਰਵਾਰ ਨੂੰ ਰਜਿਸਟੈਂਸ ਫੋਰਸ ਦੇ ਹਵਾਲੇ ਤੋਂ ਦੱਸਿਆ ਕਿ ਲੜਾਈ 'ਚ 600 ਤਾਲਿਬਾਨੀ ਅੱਤਵਾਦੀ ਨੂੰ ਮਾਰ ਸੁੱਟਿਆ ਗਿਆ ਹੈ।

ਰਜਿਸਟੈਂਸ ਫੋਰਸ ਦੇ ਬੁਲਾਰੇ ਫਹੀਮ ਦਸ਼ਤੀ ਨੇ ਟਵੀਟ ਕੀਤਾ, 'ਪੰਜਸ਼ੀਰ ਦੇ ਵੱਖ-ਵੱਖ ਜ਼ਿਲ੍ਹਿਆਂ 'ਚ ਸਵੇਰ ਤੋਂ ਹੁਣ ਤਕ ਕਰੀਬ 600 ਤਾਲਿਬਾਨ ਦਾ ਸਫਾਇਆ ਹੋ ਚੁੱਕਿਆ ਹੈ। 1,000 ਤੋਂ ਜ਼ਿਆਦਾ ਤਾਲਿਬਾਨ ਨੂੰ ਫੜ ਲਿਆ ਗਿਆ ਹੈ ਜਾਂ ਉਨ੍ਹਾਂ ਨੂੰ ਆਤਮ ਸਮਰਪਣ ਕਰ ਦਿੱਤਾ ਹੈ। ਬੁਲਾਰੇ ਨੇ ਅੱਗੇ ਕਿਹਾ ਕਿ ਤਾਲਿਬਾਨ ਨੂੰ ਹੋਰ ਅਫਗਾਨ ਪ੍ਰਾਂਤਾਂ ਤੋਂ ਸਪਲਾਈ ਨਹੀਂ ਮਿਲ ਪਾ ਰਹੀ ਹੈ।'

ਇਸ ਵਿਚਕਾਰ, 'ਖੇਤਰ 'ਚ ਬਾਰੂਦੀ ਸੁਰੰਗਾਂ ਦੀ ਮੌਜੂਦਗੀ ਕਾਰਨ ਪੰਜਸ਼ੀਰ ਰਜਿਸਟੈਂਸ ਫੋਰਸ ਖ਼ਿਲਾਫ਼ ਤਾਲਿਬਾਨ ਦਾ ਹਮਲਾ ਹੌਲੀ ਹੋ ਗਿਆ ਹੈ। ਤਾਲਿਬਾਨ ਦੇ ਇਕ ਸੂਤਰ ਨੇ ਕਿਹਾ ਕਿ ਪੰਜਸ਼ੀਰ 'ਚ ਲੜਾਈ ਜਾਰੀ ਹੈ ਪਰ ਰਾਜਧਾਨੀ ਬਾਜਾਰਕ ਤੇ ਪ੍ਰਾਂਤੀਅ ਗਵਰਨਰ ਦੇ ਪਰਿਸਰ ਵੱਲੋਂ ਜਾਣ ਵਾਲੀ ਬਾਰੂਦੀ ਸੁਰੰਗਾਂ ਦੀ ਕਾਰਨ ਅੱਗੇ ਵਧਣ 'ਚ ਪਰੇਸ਼ਾਨੀ ਹੋ ਰਹੀ ਹੈ।

ਪੰਜਸ਼ੀਰ ਨੈਸ਼ਨਲ ਰਜਿਸਟੈਂਸ ਫੋਰਸ ਦਾ ਗੜ੍ਹ ਹੈ, ਜਿਸ ਦੀ ਅਗਵਾਈ ਮਰਹੂਮ ਸਾਬਕਾ ਅਫਗਾਨ ਗੁਰਿੱਲਾ ਕਮਾਂਡਰ ਅਹਿਮਦ ਸ਼ਾਹ ਮਸੂਦ ਦੇ ਬੇਟੇ ਅਹਿਮਦ ਸਮੂਦ ਤੇ ਅਫਗਾਨਿਸਤਾਨ ਦੇ ਸਾਬਕਾ ਉਪ-ਰਾਸ਼ਟਰਪਤੀ ਅਮਰੁਲਾ ਸਾਲੇਹ ਕਰ ਰਹੇ ਹਨ, ਜਿਨ੍ਹਾਂ ਨੇ ਖ਼ੁਦ ਨੂੰ ਕਾਰਜਕਾਰੀ ਰਾਸ਼ਟਰਪਤੀ ਐਲਾਨ ਕੀਤਾ ਹੋਇਆ ਹੈ।

Posted By: Amita Verma