ਕੁਆਲਿਟੀ ਟ੍ਰਾਂਸਮਿਸ਼ਨ, ਸਪਲੈਂਡਿਡ ਰੂਫਿੰਗ ਅਤੇ ਹਰਪਿੰਦਰ ਸਿੱਧੂ ਦੇ ਸਹਿਯੋਗ ਨਾਲ ਇਹ ਪ੍ਰੋਗਰਾਮ ਸੰਨੀ ਸੂਦ, ਦਲਜੀਤ ਬੈਂਸ ਤੇ ਉਨ੍ਹਾਂ ਦੀ ਟੀਮ ਵੱਲੋਂ ਕਰਵਾਇਆ ਗਿਆ ਸੀ। ਇਸ ਸੱਭਿਆਚਾਰਕ ਪ੍ਰੋਗਰਾਮ ਵਿਚ ਬੱਚੇ, ਔਰਤਾਂ ਤੇ ਬਜ਼ੁਰਗ ਵੀ ਵੱਡੀ ਗਿਣਤੀ 'ਚ ਹਾਜ਼ਰ ਸਨ। ਪੰਜਾਬ ਦੀ ਮਾਡਲ ਵਜੋਂ ਪਛਾਣ ਬਣਾ ਚੁੱਕੀ ਸ਼ਹਿਨਾਜ਼ ਗਿੱਲ ਨੇ ਪਹਿਲੀ ਵਾਰ ਸਟੇਜ ਪਰਫਾਰਮੈਂਸ ਦਿੰਦਿਆਂ ਤਿੰਨ ਪੰਜਾਬੀ ਗੀਤ ਗਾਏ ਅਤੇ ਕਈ ਹੋਰ ਗੀਤਾਂ ਵਿਚ ਰਵਿੰਦਰ ਗਰੇਵਾਲ ਦਾ ਸਾਥ ਵੀ ਦਿੱਤਾ।ਸਾਫ਼-ਸੁਥਰੇ ਗੀਤ ਗਾ ਕੇ ਇਨ੍ਹਾਂ ਗਾਇਕਾਂ ਨੇ ਦਰਸ਼ਕਾਂ ਦੀ ਵਾਹ-ਵਾਹੀ ਲੁੱਟੀ।ਇਸ ਮੌਕੇ ਸੁਰੱਖਿਆ ਦੇ ਪੁਖ਼ਤਾ ਪ੍ਰਬੰਧ ਕੀਤੇ ਗਏ ਸਨ।