ਨਵੀਂ ਦਿੱਲੀ, ਲਾਈਫਸਟਾਈਲ ਡੈਸਕ। Viral Video : ਭਾਰਤੀ ਭੋਜਨ ਪੂਰੀ ਦੁਨੀਆ ਵਿੱਚ ਮਸ਼ਹੂਰ ਹੈ। ਇਹ ਆਪਣੇ ਵਿਲੱਖਣ ਖੁਸ਼ਬੂਦਾਰ ਮਸਾਲਿਆਂ ਅਤੇ ਸ਼ਾਨਦਾਰ ਸੁਆਦ ਲਈ ਜਾਣਿਆ ਜਾਂਦਾ ਹੈ। ਦੁਨੀਆ ਵਿਚ ਬਹੁਤ ਘੱਟ ਲੋਕ ਹੋਣਗੇ ਜਿਨ੍ਹਾਂ ਨੇ ਆਪਣੀ ਜ਼ਿੰਦਗੀ ਵਿਚ ਕਿਸੇ ਸਮੇਂ ਭਾਰਤੀ ਪਕਵਾਨਾਂ ਦਾ ਸਵਾਦ ਨਾ ਲਿਆ ਹੋਵੇ। ਭਾਰਤੀ ਭੋਜਨ ਵਿੱਚ ਨਾ ਸਿਰਫ਼ ਵੰਨ-ਸੁਵੰਨਤਾ ਹੈ, ਸਗੋਂ ਕਈ ਤਰ੍ਹਾਂ ਦੇ ਸਵਾਦ ਵੀ ਉਪਲਬਧ ਹਨ। ਹਾਲ ਹੀ 'ਚ ਆਸਟ੍ਰੇਲੀਆ ਦੀ ਇਕ ਛੋਟੀ ਬੱਚੀ ਨੇ ਵੀ ਪਹਿਲੀ ਵਾਰ ਇਕ ਰੈਸਟੋਰੈਂਟ 'ਚ ਭਾਰਤੀ ਭੋਜਨ ਦਾ ਸਵਾਦ ਲਿਆ ਅਤੇ ਉਸ ਦਾ ਰਿਐਕਸ਼ਨ ਇੰਟਰਨੈੱਟ 'ਤੇ ਵਾਇਰਲ ਹੋ ਗਿਆ ਹੈ।

ਇਸ ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ, ਕੈਪਸ਼ਨ ਲਿਖਿਆ, "ਭਾਰਤੀ ਭੋਜਨ ਨੂੰ ਪਹਿਲੀ ਵਾਰ ਅਜ਼ਮਾਉਣਾ ਹਮੇਸ਼ਾ ਸ਼ੇਅਰ ਕਰਨ ਦਾ ਅਨੁਭਵ ਹੁੰਦਾ ਹੈ !"

ਵੀਡੀਓ ਅਪ੍ਰੈਲ ਦੇ ਸ਼ੁਰੂ ਵਿੱਚ ਪੋਸਟ ਕੀਤਾ ਗਿਆ ਸੀ ਅਤੇ ਉਦੋਂ ਤੋਂ ਇਸ ਨੂੰ ਹਜ਼ਾਰਾਂ ਲਾਈਕਸ ਮਿਲ ਚੁੱਕੇ ਹਨ। ਕਲਿੱਪ ਵਿੱਚ, ਇੱਕ ਬੱਚੀ ਨੂੰ ਇੱਕ ਭਾਰਤੀ ਰੈਸਟੋਰੈਂਟ ਵਿੱਚ ਚਾਵਲ ਅਤੇ ਕੜ੍ਹਾਈ-ਚਿਕਨ ਦਾ ਆਨੰਦ ਲੈਂਦੇ ਦੇਖਿਆ ਜਾ ਸਕਦਾ ਹੈ। ਇਸ ਤੋਂ ਬਾਅਦ ਉਹ ਅੰਬ ਦੀ ਕੁਲਫੀ ਖਾਂਦੀ ਹੈ। ਖਾਣਾ ਖਾਣ ਤੋਂ ਬਾਅਦ ਬੱਚੀ ਨੂੰ ਫੈਨਿਲ (ਸੌਂਫ) ਵੀ ਚਖਾਈ ਜਾਂਦੀ ਹੈ, ਜੋ ਆਮ ਤੌਰ 'ਤੇ ਭਾਰਤ ਵਿਚ ਖਾਣੇ ਤੋਂ ਬਾਅਦ ਖਾਧੀ ਜਾਂਦੀ ਹੈ।

ਇਸ ਮਾਊਥ ਫਰੇਸ਼ਨਰ ਨੂੰ ਚੱਖਣ 'ਤੇ ਛੋਟੀ ਬੱਚੀ ਦੀ ਪ੍ਰਤੀਕਿਰਿਆ ਦੇਖਣਾ ਕਾਫੀ ਦਿਲਚਸਪ ਹੈ। ਲੜਕੀ ਰੈਸਟੋਰੈਂਟ ਦੇ ਸਟਾਫ ਨਾਲ ਗੱਲਬਾਤ ਕਰਦੀ ਵੀ ਨਜ਼ਰ ਆ ਰਹੀ ਹੈ।

ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀ ਗਈ ਇਸ ਪੋਸਟ 'ਤੇ ਯੂਜ਼ਰਸ ਪੁੱਛ ਰਹੇ ਹਨ ਕਿ ਬੱਚੀ ਨੂੰ ਖਾਣਾ ਪਸੰਦ ਆਇਆ ਜਾਂ ਨਹੀਂ। ਇਕ ਵਿਅਕਤੀ ਨੇ ਟਿੱਪਣੀ ਕਰਦੇ ਹੋਏ ਲਿਖਿਆ, ''ਮੇਰੀ ਗੱਲ ਯਾਦ ਰੱਖੋ, ਜਦੋਂ ਇਕ ਵਾਰ ਤੁਸੀਂ ਭਾਰਤੀ ਭੋਜਨ ਦਾ ਸੁਆਦ ਚਖ਼ ਲੈਂਦੇ ਹੋ, ਉਸ ਤੋਂ ਬਾਅਦ ਤੁਹਾਨੂੰ ਕੁਝ ਵੀ ਪਸੰਦ ਨਹੀਂ ਆਉਂਦਾ।'' ਇਕ ਹੋਰ ਯੂਜ਼ਰ ਨੇ ਲਿਖਿਆ, ''ਉਮੀਦ ਹੈ ਕਿ ਉਸ ਨੂੰ ਇਹ ਪਸੰਦ ਆਇਆ ਹੋਵੇਗਾ, ਜਦਕਿ ਤੀਜੇ ਵਿਅਕਤੀ ਨੇ ਲਿਖਿਆ, ''ਮੈਨੂੰ ਯਕੀਨ ਹੈ ਕਿ ਬੱਚੀ ਨੂੰ ਅੰਬ ਦੀ ਕੁਲਫੀ ਬਹੁਤ ਪਸੰਦ ਆਈ ਹੋਵੇਗੀ… ਅਤੇ ਮੈਨੂੰ ਵੀ ਸੌਂਫ ਪਸੰਦ ਨਹੀਂ ਹੈ।"

Posted By: Ramanjit Kaur