ਜੇ ਤੇਜ਼ ਧੁੱਪ 'ਚ ਆਉਣ ਚੱਕਰ ਤਾਂ ਇਨ੍ਹਾਂ ਟਿਪਸ ਨੂੰ ਅਜ਼ਮਾ ਲਓ

ਅਸੀਂ ਸਾਰੇ ਗਰਮੀ ਦੇ ਕਹਿਰ ਨੂੰ ਦੇਖ ਰਹੇ ਹਾਂ। 40 ਡਿਗਰੀ ਤਾਪਮਾਨ ਸਾਰਿਆਂ ਨੂੰ ਅੰਦਰੋਂ ਝੁਲਸ ਰਿਹਾ ਹੈ। ਬਹੁਤ ਸਾਰੇ ਲੋਕ ਅਜਿਹੇ ਹੁੰਦੇ ਹਨ ਜਿਨ੍ਹਾਂ ਨੂੰ ਧੁੱਪ ਵਿੱਚ ਤੁਰਦੇ ਸਮੇਂ ਚੱਕਰ ਆਉਂਦੇ ਹਨ, ਉਨ੍ਹਾਂ ਦੀਆਂ ਅੱਖਾਂ ਸਾਹਮਣੇ ਹਨੇਰਾ ਆ ਜਾਂਦਾ ਹੈ ਜਾਂ ਉਹ ਕੁਝ ਹੀ ਸਮੇਂ ਵਿੱਚ ਹੋਸ਼ ਗੁਆ ਬੈਠਦੇ ਹਨ।

ਇਸ ਨੂੰ ਨਜ਼ਰਅੰਦਾਜ਼ ਕਰਨਾ ਖ਼ਤਰਨਾਕ ਹੋ ਸਕਦਾ ਹੈ। ਇਹ ਹੀਟ ਸਟ੍ਰੋਕ ਜਾਂ ਡੀਹਾਈਡਰੇਸ਼ਨ ਦਾ ਸੰਕੇਤ ਹੋ ਸਕਦਾ ਹੈ, ਪਰ ਘਬਰਾਉਣ ਦੀ ਕੋਈ ਲੋੜ ਨਹੀਂ ਹੈ। ਕੁਝ ਸਹੀ ਕਦਮ ਚੁੱਕ ਕੇ ਸਥਿਤੀ ਨੂੰ ਕਾਬੂ ਕੀਤਾ ਜਾ ਸਕਦਾ ਹੈ।

ਧੁੱਪ ਵਿੱਚ ਚੱਕਰ ਆਉਣਾ

ਸਰੀਰ ਵਿੱਚ ਪਾਣੀ ਦੀ ਕਮੀ, ਥਕਾਵਟ,ਬੀਪੀ ਵਿੱਚ ਗਿਰਾਵਟ,ਸਿਰ ਦਾ ਜ਼ਿਆਦਾ ਗਰਮ ਹੋਣਾ।

ਤਾਂ ਕੀ ਕਰਨਾ ਚਾਹੀਦੈ

ਜੇ ਤੁਹਾਨੂੰ ਚੱਕਰ ਆਉਂਦੇ ਹਨ ਤਾਂ ਤੁਰਨਾ ਜਾਂ ਖੜ੍ਹਾ ਹੋਣਾ ਖ਼ਤਰਨਾਕ ਹੋ ਸਕਦਾ ਹੈ। ਕਿਸੇ ਦਰੱਖਤ ਦੀ ਛਾਂ ਹੇਠ ਜਾਂ ਕਿਸੇ ਦੁਕਾਨ ਜਾਂ ਨੇੜੇ ਦੀ ਕਿਸੇ ਠੰਢੀ ਜਗ੍ਹਾ 'ਤੇ ਬੈਠੋ।

ORS ਜਾਂ ਨਿੰਬੂ ਪਾਣੀ ਪੀਓ

ਧੁੱਪ ਵਿੱਚ ਪਸੀਨਾ ਵਹਾਉਣ ਨਾਲ ਸਰੀਰ ਵਿੱਚੋਂ ਪਾਣੀ, ਸੋਡੀਅਮ ਅਤੇ ਪੋਟਾਸ਼ੀਅਮ ਬਾਹਰ ਨਿਕਲ ਜਾਂਦਾ ਹੈ। ORS ਘੋਲ ਪੀਣ ਦੀ ਕੋਸ਼ਿਸ਼ ਕਰੋ, ਜੇਕਰ ORS ਉਪਲਬਧ ਨਹੀਂ ਹੈ ਤਾਂ ਘੁੱਟ ਭਰ ਕੇ ਨਿੰਬੂ ਪਾਣੀ ਪੀਓ। ਇਹ ਇਲੈਕਟ੍ਰੋਲਾਈਟ ਨੂੰ ਸੰਤੁਲਿਤ ਕਰੇਗਾ ਅਤੇ ਊਰਜਾ ਪ੍ਰਦਾਨ ਕਰੇਗਾ।

ਖੂਨ ਦਾ ਪ੍ਰਵਾਹ

ਠੰਢੇ ਪਾਣੀ ਨਾਲ ਆਪਣਾ ਚਿਹਰਾ ਧੋ ਲਓ। ਸਿਰ 'ਤੇ ਗਿੱਲਾ ਟਿਸ਼ੂ ਰੱਖੋ। ਇਸ ਨਾਲ ਤਾਪਮਾਨ ਘੱਟ ਜਾਵੇਗਾ ਅਤੇ ਖੂਨ ਦਾ ਪ੍ਰਵਾਹ ਆਮ ਹੋ ਜਾਵੇਗਾ।

ਡੂੰਘੇ ਸਾਹ ਲਓ

ਆਪਣੀਆਂ ਅੱਖਾਂ ਬੰਦ ਕਰੋ ਅਤੇ ਡੂੰਘਾ ਸਾਹ ਲਓ। ਇਹ ਦਿਮਾਗੀ ਪ੍ਰਣਾਲੀ ਨੂੰ ਸ਼ਾਂਤ ਕਰਦਾ ਹੈ ਅਤੇ ਚੱਕਰ ਆਉਣੇ ਨੂੰ ਘਟਾਉਣ ਵਿੱਚ ਮਦਦ ਕਰਦਾ ਹੈ।

all photo credit- social media