ਘੰਟਿਆਂ ਬਾਅਦ ਵੀ ਨਰਮ ਰਹੇਗੀ ਪੂੜੀ, ਆਟਾ ਗੁੰਨਦੇ ਸਮੇਂ ਪਾਓ ਇਹ 2 ਚੀਜ਼ਾਂ

ਟਿਪਸ 1

ਪੂੜੀ ਆਟੇ ਵਿੱਚ ਦਹੀਂ ਵਰਤਣਾ ਇੱਕ ਪਰੰਪਰਾਗਤ ਤਰੀਕਾ ਹੈ ਜੋ ਆਟੇ ਨੂੰ ਨਰਮ ਕਰਦਾ ਹੈ ਤੇ ਇਸ ਵਿੱਚ ਥੋੜਾ ਜਿਹਾ ਤੇਜ਼ ਸੁਆਦ ਵੀ ਜੋੜਦਾ ਹੈ। ਦਹੀਂ ਦੀ ਕੁਦਰਤੀ ਐਸਿਡਿਟੀ ਅਤੇ ਨਮੀ ਆਟੇ ਨੂੰ ਹਾਈਡਰੇਟ ਕਰਦੀ ਹੈ।

ਇਸ ਦਾ ਫਾਇਦਾ

ਦਹੀਂ ਆਟੇ ਦੇ ਪ੍ਰੋਟੀਨ ਨੂੰ ਨਰਮ ਕਰਦੀ ਹੈ, ਜਿਸ ਨਾਲ ਤੁਹਾਨੂੰ ਨਰਮ ਪੂੜੀ ਮਿਲਦੀ ਹੈ। ਆਟਾ ਗੁੰਨਣ ਤੋਂ ਬਾਅਦ ਸਖ਼ਤ ਨਹੀਂ ਹੁੰਦਾ।

ਦਹੀਂ ਨੂੰ ਕਿਵੇਂ ਇਸਤੇਮਾਲ ਕਰਨੈ

ਇੱਕ ਕੱਪ ਆਟੇ ਵਿੱਚ ਲਗਪਗ 2 ਚਮਚ ਦਹੀਂ ਪਾਓ। ਆਟੇ ਨੂੰ ਗੁੰਨਦੇ ਸਮੇਂ ਇਸ ਨੂੰ ਮਿਲਾਓ ਤਾਂ ਕਿ ਆਟਾ ਮੁਲਾਇਮ ਅਤੇ ਨਰਮ ਬਣ ਜਾਵੇ। ਇਸ ਤੋਂ ਬਾਅਦ ਇਸ ਨੂੰ ਢੱਕ ਕੇ ਕੁਝ ਸਮੇਂ ਲਈ ਇਕ ਪਾਸੇ ਰੱਖ ਦਿਓ।

ਟਿਪਸ 2

ਸੂਜੀ ਦੀ ਥੋੜ੍ਹੀ ਜਿਹੀ ਮਾਤਰਾ ਨੂੰ ਜੋੜਨ ਨਾਲ ਆਟੇ ਨੂੰ ਵਧੀਆ ਬਣਤਰ ਮਿਲਦੀ ਹੈ। ਇਸ ਕਾਰਨ ਪੂੜੀ ਅੰਦਰੋਂ ਨਰਮ ਰਹਿੰਦੇ ਹੋਏ ਚੰਗੀ ਤਰ੍ਹਾਂ ਫੁੱਲ ਜਾਂਦੀ ਹੈ।

ਸੂਜੀ ਅੰਦਰੋਂ ਨਰਮ ਰਹਿੰਦੇ ਹੋਏ ਬਾਹਰੋਂ ਥੋੜੀ ਜਿਹੀ ਕੁਰਕੁਰੀ ਹੁੰਦੀ ਹੈ। ਤਲ਼ਣ ਦੇ ਦੌਰਾਨ, ਸੂਜੀ ਆਟੇ ਦੇ ਅੰਦਰ ਫੁੱਲਣ 'ਚ ਮਦਦ ਕਰਦੀ ਹੈ, ਜੋ ਪੂੜੀ ਨੂੰ ਨਰਮ ਅਤੇ ਫੁਲਕੀ ਰੱਖਦੀ ਹੈ।

ਸੂਜੀ ਨੂੰ ਕਿਵੇਂ ਜੋੜਨਾ ਹੈ

ਇੱਕ ਕੱਪ ਆਟੇ ਲਈ ਲਗਪਗ 1 ਤੋਂ 2 ਚਮਚ ਬਰੀਕ ਸੂਜੀ ਦੀ ਵਰਤੋਂ ਕਰੋ। ਆਟੇ ਨੂੰ ਚੰਗੀ ਤਰ੍ਹਾਂ ਗੁੰਨ੍ਹਣਾ ਜ਼ਰੂਰੀ ਹੈ, ਤਾਂ ਜੋ ਸੂਜੀ ਬਰਾਬਰ ਮਿਲ ਜਾਵੇ। ਆਟੇ ਵਿਚ ਪਾਣੀ ਪਾਓ ਅਤੇ ਇਸ ਨੂੰ ਮੁਲਾਇਮ ਗੁਨ੍ਹੋ।

ਨਰਮ ਪੂੜੀ ਲਈ ਟਿਪਸ

ਆਟੇ ਨੂੰ ਗੁੰਨਣ ਤੋਂ ਬਾਅਦ ਆਟੇ ਨੂੰ ਢੱਕ ਕੇ ਘੱਟੋ-ਘੱਟ 10-15 ਮਿੰਟ ਲਈ ਇਕ ਪਾਸੇ ਰੱਖ ਦਿਓ। ਇਹ ਆਟੇ ਵਿੱਚ ਮੌਜੂਦ ਗਲੂਟਨ ਨੂੰ ਚੰਗੀ ਤਰ੍ਹਾਂ ਕੰਮ ਕਰਨ ਵਿੱਚ ਮਦਦ ਕਰਦਾ ਹੈ

ਕੋਸੇ ਪਾਣੀ ਦੀ ਵਰਤੋਂ ਕਰੋ

ਆਟੇ ਨੂੰ ਗੁੰਨਦੇ ਸਮੇਂ ਠੰਢੇ ਪਾਣੀ ਦੀ ਬਜਾਏ ਕੋਸੇ ਪਾਣੀ ਦੀ ਵਰਤੋਂ ਕਰੋ। ਗਰਮ ਪਾਣੀ ਆਟੇ ਨੂੰ ਜ਼ਿਆਦਾ ਨਮੀ ਦਿੰਦਾ ਹੈ, ਜਿਸ ਨਾਲ ਆਟੇ ਨੂੰ ਨਰਮ ਹੋ ਜਾਂਦਾ ਹੈ