ਜੇ ਵਰਤਦੇ ਹੋ ਨਕਲੀ ਨੋਟ ਤਾਂ ਜਾਣੋ ਕੀ ਮਿਲੇਗੀ ਸਜ਼ਾ

ਪੈਸਾ ਅੱਜ ਦੇ ਸਮੇਂ ਵਿੱਚ ਹਰ ਵਿਅਕਤੀ ਦੀ ਪਹਿਲੀ ਲੋੜ ਹੈ। ਇਸ ਦੇ ਬਿਨਾ ਜੀਵਨ ਲਗਪਗ ਅਧੂਰਾ ਹੈ। ਹਰ ਕੋਈ ਇਸ ਪੈਸੇ ਲਈ ਹੀ ਜੀਵਨ ਵਿੱਚ ਸੰਘਰਸ਼ ਕਰ ਰਿਹਾ ਹੈ।

ਕੁਝ ਲੋਕ ਪੈਸਾ ਕਮਾਉਣ ਲਈ ਗਲਤ ਰਸਤੇ ਅਪਣਾਉਂਦੇ ਹਨ, ਤਾਂ ਕੁਝ ਇਸ ਪੈਸੇ ਨੂੰ ਹੀ ਬਣਾਉਣ ਦਾ ਗਲਤ ਤਰੀਕਾ ਲੱਭ ਲੈਂਦੇ ਹਨ। ਤੁਸੀਂ ਅਕਸਰ ਸੁਣਿਆ ਹੋਵੇਗਾ ਕਿ ਕੁਝ ਲੋਕ ਨਕਲੀ ਨੋਟ ਬਣਾਉਣ ਦਾ ਕਾਰੋਬਾਰ ਕਰਦੇ ਹਨ।

ਨਕਲੀ ਨੋਟਾਂ ਦੀ ਵਰਤੋਂ ਗੈਰ-ਕਾਨੂੰਨੀ

ਭਾਰਤੀ ਕਾਨੂੰਨ ਦੇ ਅਨੁਸਾਰ ਕਿਸੇ ਵੀ ਵਿਅਕਤੀ ਲਈ ਨਕਲੀ ਨੋਟ ਆਪਣੇ ਕੋਲ ਰੱਖਣਾ ਜਾਂ ਇਸਦਾ ਬਾਜ਼ਾਰ ਵਿੱਚ ਇਸਤੇਮਾਲ ਕਰਨਾ ਗੈਰ-ਕਾਨੂੰਨੀ ਹੈ।

ਆਈਪੀਸੀ ਦੀ ਧਾਰਾ 489 ਅ ਤੋਂ 489 ਈ ਤੱਕ ਦੇ ਤਹਿਤ ਨਕਲੀ ਨੋਟਾਂ ਦਾ ਇਸਤੇਮਾਲ ਕਰਨਾ ਸਜ਼ਾਯੋਗ ਮੰਨਿਆ ਜਾਂਦਾ ਹੈ। ਇਸ ਜੁਰਮ ਲਈ ਮੁਲਜ਼ਮ ਨੂੰ ਉਮਰ ਕੈਦ ਤੇ ਜੁਰਮਾਨਾ ਦੋਵੇਂ ਦੀ ਸਜ਼ਾ ਸੁਣਾਈ ਜਾ ਸਕਦੀ ਹੈ।

ਅਰਥਵਿਵਸਥਾ ਨੂੰ ਨੁਕਸਾਨ

ਨਕਲੀ ਕਰੰਸੀ ਕਿਸੇ ਵੀ ਦੇਸ਼ ਨੂੰ ਘੁਣ ਵਾਂਗ ਅੰਦਰੋਂ ਖੋਖਲਾ ਕਰ ਦਿੰਦੀ ਹੈ। ਇਸ ਨਾਲ ਦੇਸ਼ ਦੀ ਅਰਥਵਿਵਸਥਾ ਨੂੰ ਭਾਰੀ ਨੁਕਸਾਨ ਹੁੰਦਾ ਹੈ। ਜਾਣੇ-ਅਣਜਾਣੇ ਇਸਦੀ ਵਰਤੋਂ ਕਰਨ 'ਤੇ ਜੇਲ੍ਹ ਦੀ ਸਜ਼ਾ ਵੀ ਮਿਲ ਸਕਦੀ ਹੈ।

ਨਕਲੀ ਕਰੰਸੀ ਸਰਕੂਲੇਟ ਕਰਨਾ

ਜੇ ਤੁਹਾਨੂੰ ਪਤਾ ਹੈ ਕਿ ਤੁਹਾਡੇ ਕੋਲ ਜੋ ਨੋਟ ਹੈ, ਉਹ ਨਕਲੀ ਹੈ ਅਤੇ ਫਿਰ ਵੀ ਤੁਸੀਂ ਇਸਨੂੰ ਸਰਕੂਲੇਟ ਕਰਦੇ ਹੋ, ਤਾਂ ਤੁਹਾਡੇ ਖਿਲਾਫ ਸਖਤ ਕਾਰਵਾਈ ਹੋ ਸਕਦੀ ਹੈ। ਅਜਿਹਾ ਕਰਨ 'ਤੇ 7 ਸਾਲ ਦੀ ਸਜ਼ਾ ਵੀ ਹੋ ਸਕਦੀ ਹੈ।

ਪਹਿਚਾਣ ਕਿਵੇਂ ਕਰੀਏ

ਤੁਸੀਂ ਨੋਟ ਦੇ ਵਾਟਰਮਾਰਕ, ਸੁਰੱਖਿਆ ਧਾਗੇ, ਮਾਈਕ੍ਰੋਲੇਟਿੰਗ ਤੇ ਆਰਬੀਆਈ ਦੁਆਰਾ ਜਾਰੀ ਦਿਸ਼ਾ-ਨਿਰਦੇਸ਼ਾਂ ਦੀ ਜਾਂਚ ਕਰਕੇ ਅਸਲੀ ਅਤੇ ਨਕਲੀ ਨੋਟ ਵਿੱਚ ਫਰਕ ਕਰ ਸਕਦੇ ਹੋ।