ਨਿਆ ਸ਼ਰਮਾ ਟੈਲੀਵਿਜ਼ਨ ਇੰਡਸਟਰੀ ਦੀ ਟਾਪ ਮੋਸਟ ਸਟਾਰ ਹੈ। ਅਦਾਕਾਰਾ ਨੇ 2010 'ਚ ਸ਼ੋਅ 'ਕਾਲੀ-ਏਕ ਅਗਨੀਪਰੀਕਸ਼ਾ' ਨਾਲ ਅਦਾਕਾਰੀ ਦੀ ਸ਼ੁਰੂਆਤ ਕੀਤੀ ਸੀ। ਪਛਾਣ ਸੀਰੀਅਲ 'ਏਕ ਹਜ਼ਾਰਾਂ ਮੈਂ ਮੇਰੀ ਬਹਨਾ ਹੈ' ਤੋਂ ਮਿਲੀ।
ਇਸ ਸ਼ੋਅ ਤੋਂ ਬਾਅਦ ਨਿਆ ਸ਼ਰਮਾ ਸਟਾਰਡਮ ਦੀ ਇੰਨੀ ਉੱਚੀ ਪੌੜੀ ਚੜ੍ਹ ਗਈ ਕਿ ਉਹ ਕਦੇ ਹੇਠਾਂ ਨਹੀਂ ਆਈ ਅਤੇ ਹੁਣ ਉਸ ਦੇ ਸਟਾਰਡਮ ਨੂੰ ਹੋਰ ਚੰਨ ਲੱਗ ਗਏ ਹਨ। ਨਿਆ ਸ਼ਰਮਾ ਜਲਦ ਹੀ ਫਿਲਮ 'ਚ ਡੈਬਿਊ ਕਰਨ ਜਾ ਰਹੀ ਹੈ।
ਨਿਆ ਸ਼ਰਮਾ ਛੋਟੇ ਪਰਦੇ ਦੀ ਮਸ਼ਹੂਰ ਅਦਾਕਾਰਾ ਬਣ ਚੁੱਕੀ ਹੈ। ਅੱਜ ਉਹ ਟੈਲੀਵਿਜ਼ਨ ਇੰਡਸਟਰੀ ਦਾ ਮਸ਼ਹੂਰ ਚਿਹਰਾ ਬਣ ਚੁੱਕੀ ਹੈ। ਉਨ੍ਹਾਂ ਦੇ ਪ੍ਰਸ਼ੰਸਕ ਉਨ੍ਹਾਂ ਨੂੰ ਐਕਟਿੰਗ ਕਰਦੇ ਦੇਖਣਾ ਪਸੰਦ ਕਰਦੇ ਹਨ।
ਇਹ ਉਸਦੀ ਪ੍ਰਸਿੱਧੀ ਦੇ ਨਾਲ-ਨਾਲ ਲੋਕਾਂ ਦੇ ਪਿਆਰ ਦਾ ਕਮਾਲ ਹੈ ਕਿ ਹੁਣ ਇਹ ਅਦਾਕਾਰਾ ਜਲਦੀ ਹੀ ਵੱਡੇ ਪਰਦੇ 'ਤੇ ਵੀ ਦਸਤਕ ਦੇਣ ਜਾ ਰਹੀ ਹੈ।
ਉਨ੍ਹਾਂ ਨੇ ਸੋਸ਼ਲ ਮੀਡੀਆ 'ਤੇ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ, ਜਿਨ੍ਹਾਂ 'ਚ ਉਨ੍ਹਾਂ ਦੇ ਆਉਣ ਵਾਲੇ ਪ੍ਰੋਜੈਕਟ ਦੀ ਝਲਕ ਦੇਖਣ ਨੂੰ ਮਿਲੀ ਹੈ।
ਅਭਿਨੇਤਰੀ ਨੇ ਹਾਲ ਹੀ ਵਿੱਚ ਨਿਰਦੇਸ਼ਕ ਸਾਈਂ ਪਵਨ ਬਾਸਮਤੀ ਲਈ ਇੱਕ ਗੀਤ ਦੀ ਸ਼ੂਟਿੰਗ ਪੂਰੀ ਕੀਤੀ ਹੈ। ਹਾਲਾਂਕਿ ਗੀਤ ਅਤੇ ਫਿਲਮ ਦੇ ਟਾਈਟਲ ਬਾਰੇ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ।
ਨਿਆ ਦਾ ਅਸਲੀ ਨਾਂ ਨੇਹਾ ਸ਼ਰਮਾ ਹੈ। ਪਰ ਟੈਲੀਵਿਜ਼ਨ ਦੀ ਦੁਨੀਆ ਦਾ ਹਿੱਸਾ ਬਣਨ ਤੋਂ ਪਹਿਲਾਂ ਉਸ ਨੇ ਆਪਣਾ ਨਾਂ ਨੇਹਾ ਤੋਂ ਬਦਲ ਕੇ ਨਿਆ ਰੱਖ ਲਿਆ। ਉਹ 'ਨਾਗਿਨ 4', 'ਇਸ਼ਕ' ਵਰਗੇ ਕਈ ਸ਼ੋਅਜ਼ 'ਚ ਕੰਮ ਕਰ ਚੁੱਕੀ ਹੈ।