ਕੌਫੀ ਦੇ ਹਰ ਘੁੱਟ 'ਚ ਛੁਪਿਆ ਹੈ ਲੰਬੀ ਉਮਰ ਦਾ ਰਾਜ਼

ਕੀ ਤੁਸੀਂ ਜਾਣਦੇ ਹੋ ਕਿ ਤੁਹਾਡੀ ਰੋਜ਼ਾਨਾ ਇੱਕ ਜਾਂ ਦੋ ਕੱਪ ਬਲੈਕ ਕੌਫੀ ਤੁਹਾਨੂੰ ਲੰਬੀ ਉਮਰ ਦੇ ਸਕਦੀ ਹੈ? ਹਾਂ, ਇੱਕ ਨਵੀਂ ਖੋਜ ਦੇ ਅਨੁਸਾਰ, ਹਰ ਰੋਜ਼ ਇੱਕ ਜਾਂ ਦੋ ਕੱਪ ਬਲੈਕ ਕੌਫੀ ਪੀਣ ਨਾਲ ਮੌਤ ਦਾ ਖ਼ਤਰਾ 14% ਘੱਟ ਸਕਦਾ ਹੈ।

ਬਲੈਕ ਕੌਫੀ

ਖੋਜਕਰਤਾਵਾਂ ਦਾ ਮੰਨਣਾ ਹੈ ਕਿ ਕੌਫੀ ਵਿੱਚ ਮੌਜੂਦ ਬਾਇਓਐਕਟਿਵ ਮਿਸ਼ਰਣ ਇਸਦੇ ਸਿਹਤ ਲਾਭਾਂ ਦਾ ਮੁੱਖ ਕਾਰਨ ਹਨ। ਇਹਨਾਂ ਲਾਭਾਂ ਨੂੰ ਪੂਰੀ ਤਰ੍ਹਾਂ ਪ੍ਰਾਪਤ ਕਰਨ ਲਈ ਤੁਹਾਨੂੰ ਆਪਣੀ ਕੌਫੀ ਵਿੱਚ ਦੁੱਧ ਜਾਂ ਚੀਨੀ ਪਾਉਣ ਤੋਂ ਬਚਣਾ ਚਾਹੀਦਾ ਹੈ।

ਖੋਜ ਵਿੱਚ ਪਾਇਆ ਗਿਆ ਹੈ ਕਿ ਜਦੋਂ ਕੌਫੀ ਵਿੱਚ ਜ਼ਿਆਦਾ ਮਾਤਰਾ ਵਿੱਚ ਖੰਡ ਤੇ ਦੁੱਧ ਮਿਲਾਇਆ ਜਾਂਦਾ ਹੈ ਤਾਂ ਇਸਦੇ ਸਿਹਤ ਲਾਭ ਘੱਟ ਜਾਂਦੇ ਹਨ। ਜੇਕਰ ਤੁਸੀਂ ਆਪਣੀ ਕੌਫੀ ਦਾ ਵੱਧ ਤੋਂ ਵੱਧ ਲਾਭ ਉਠਾਉਣਾ ਚਾਹੁੰਦੇ ਹੋ ਤਾਂ ਇਸਨੂੰ ਦੁੱਧ ਅਤੇ ਖੰਡ ਤੋਂ ਬਿਨਾਂ ਪੀਣ ਦੀ ਕੋਸ਼ਿਸ਼ ਕਰੋ।

ਅਧਿਐਨ ਕੀ ਕਹਿੰਦਾ ਹੈ?

ਇਹ ਅਧਿਐਨ ਦ ਜਰਨਲ ਆਫ਼ ਨਿਊਟ੍ਰੀਸ਼ਨ ਵਿੱਚ ਪ੍ਰਕਾਸ਼ਿਤ ਹੋਇਆ ਹੈ। 1999 ਤੋਂ 2018 ਤੱਕ ਦੇ ਯੂਐਸ ਨੈਸ਼ਨਲ ਹੈਲਥ ਐਂਡ ਨਿਊਟ੍ਰੀਸ਼ਨ ਐਗਜ਼ਾਮੀਨੇਸ਼ਨ ਸਰਵੇ ਦੇ ਅੰਕੜਿਆਂ ਦਾ ਵਿਸ਼ਲੇਸ਼ਣ ਕੀਤਾ ਗਿਆ ਸੀ। ਇਸ ਖੋਜ ਵਿੱਚ 20 ਸਾਲ ਤੇ ਇਸ ਤੋਂ ਵੱਧ ਉਮਰ ਦੇ 46,000 ਤੋਂ ਵੱਧ ਲੋਕਾਂ ਦੀਆਂ ਖਾਣ-ਪੀਣ ਦੀਆਂ ਆਦਤਾਂ ਦਾ ਅਧਿਐਨ ਕੀਤਾ ਗਿਆ ਸੀ।

ਇਹ ਪਹਿਲਾ ਅਧਿਐਨ ਹੈ ਜੋ ਇਹ ਮਾਪਦਾ ਹੈ ਕਿ ਕਿੰਨੀ ਖੰਡ ਅਤੇ ਦੁੱਧ ਮਿਲਾਇਆ ਜਾ ਰਿਹਾ ਹੈ। ਖੋਜ ਵਿੱਚ ਪਾਇਆ ਗਿਆ ਕਿ ਥੋੜ੍ਹੀ ਮਾਤਰਾ ਵਿੱਚ ਕੌਫੀ ਅਤੇ ਦੁੱਧ ਮਿਲਾਉਣ ਨਾਲ ਵੀ ਮੌਤ ਦੇ ਜੋਖਮ ਨੂੰ 14% ਘਟਾਉਣ ਵਿੱਚ ਮਦਦ ਮਿਲੀ, ਪਰ ਸਭ ਤੋਂ ਵੱਡਾ ਲਾਭ ਬਲੈਕ ਕੌਫੀ ਨਾਲ ਜੁੜਿਆ ਹੋਇਆ ਸੀ।

ਕਿੰਨੇ ਕੱਪ ਕੌਫੀ ਪੀਣਾ ਸਹੀ ਹੈ?

ਖੋਜਕਰਤਾਵਾਂ ਨੇ ਇਹ ਵੀ ਪਾਇਆ ਕਿ ਰੋਜ਼ਾਨਾ 2 ਤੋਂ 3 ਕੱਪ ਕੌਫੀ ਪੀਣ ਨਾਲ ਕਿਸੇ ਵੀ ਕਾਰਨ ਮੌਤ ਦੇ ਜੋਖਮ ਨੂੰ 17% ਤੱਕ ਘਟਾਇਆ ਜਾ ਸਕਦਾ ਹੈ। ਤਿੰਨ ਕੱਪ ਤੋਂ ਵੱਧ ਪੀਣਾ ਸਹੀ ਨਹੀਂ। ਇਸਦਾ ਮਤਲਬ ਹੈ ਕਿ ਦਰਮਿਆਨੀ ਮਾਤਰਾ ਵਿੱਚ ਕੌਫੀ ਪੀਣਾ ਸਭ ਤੋਂ ਵੱਧ ਲਾਭਦਾਇਕ ਹੈ।

image credit- google, freepic, social media