ਗਾਇਕਾ ਤੇ ਕਾਮੇਡੀਅਨ ਸੁਗੰਧਾ ਮਿਸ਼ਰਾ ਦੇ ਘਰ 'ਚ ਖੁਸ਼ੀਆਂ ਆਉਣ ਵਾਲੀਆਂ ਹਨ । ਉਹ ਜਲਦੀ ਹੀ ਮਾਂ ਬਣਨ ਵਾਲੀ ਹੈ। ਇਹ ਖੁਸ਼ਖਬਰੀ ਕਿਸੇ ਹੋਰ ਨੇ ਨਹੀਂ ਸਗੋਂ ਸੁਗੰਧਾ ਮਿਸ਼ਰਾ ਨੇ ਸੁਣਾਈ ਹੈ।
ਸੁਗੰਧਾ ਮਿਸ਼ਰਾ ਨੇ ਪਤੀ ਸੰਕੇਤ ਭੌਂਸਲੇ ਨਾਲ ਤਸਵੀਰਾਂ ਸ਼ੇਅਰ ਕਰਕੇ ਖੁਸ਼ਖਬਰੀ ਦਿੱਤੀ ਹੈ। ਉਸ ਨੇ ਪ੍ਰੈਗਨੈਂਸੀ ਤੇ ਆਪਣੇ ਬੇਬੀ ਬੰਪ ਨੂੰ ਫਲਾਂਟ ਕੀਤਾ।
ਦੋਵਾਂ ਨੇ ਇੱਕ ਅਧਿਕਾਰਤ ਪੋਸਟ ਕਰਕੇ ਆਪਣੇ ਪ੍ਰਸ਼ੰਸਕਾਂ ਨੂੰ ਦੱਸਿਆ ਕਿ ਉਹ ਜਲਦੀ ਹੀ ਮਾਤਾ-ਪਿਤਾ ਬਣਨ ਜਾ ਰਹੇ ਹਨ। ਇਸ ਦੌਰਾਨ ਉਨ੍ਹਾਂ ਨੇ ਕੈਪਸ਼ਨ 'ਚ ਲਿਖਿਆ, 'ਕੋਈ ਜਲਦੀ ਆ ਰਿਹਾ ਹੈ।
ਸੁਗੰਧਾ ਮਿਸ਼ਰਾ ਦੀ ਪ੍ਰੈਗਨੈਂਸੀ ਬਾਰੇ ਸੁਣ ਫੈਨਜ਼ ਵੀ ਸੁਗੰਧਾ ਤੇ ਸੰਕੇਤ ਨੂੰ ਢੇਰ ਸਾਰਾ ਪਿਆਰ ਤੇ ਸ਼ੁਭਕਾਮਨਾਵਾਂ ਦੇ ਰਹੇ ਹਨ।
35 ਸਾਲ ਦੀ ਸੁਗੰਧਾ ਮਿਸ਼ਰਾ ਨੇ ਸਾਲ 2021 ਵਿੱਚ ਸੰਕੇਤ ਨਾਲ ਵਿਆਹ ਕੀਤਾ ਸੀ। ਦੋਵਾਂ ਦੇ ਵਿਆਹ ਨੂੰ 2 ਸਾਲ ਹੋ ਚੁੱਕੇ ਹਨ। ਦੋਵੇਂ ਟੀਵੀ ਇੰਡਸਟਰੀ ਦਾ ਹਿੱਸਾ ਰਹਿ ਚੁੱਕੇ ਹਨ।
ਸੁਗੰਧਾ ਦੇ ਪਤੀ ਪੇਸ਼ੇ ਤੋਂ ਡਾਕਟਰ ਹਨ ਅਤੇ ਕਾਮੇਡੀਅਨ ਵੀ। ਉਹ 'ਦਿ ਕਪਿਲ ਸ਼ਰਮਾ ਸ਼ੋਅ' 'ਚ ਸੰਜੇ ਦੱਤ ਦੀ ਸ਼ਾਨਦਾਰ ਮਿਮਿਕਰੀ ਕਰਦੇ ਨਜ਼ਰ ਆ ਚੁੱਕੇ ਹਨ।