ਬੱਚੇਦਾਨੀ ਦੇ ਕੈਂਸਰ 'ਚ ਸ਼ੁਰੂਆਤੀ ਪੜਾਅ 'ਚ ਹੀ ਦਿਖਾਈ ਦਿੰਦੇ ਹਨ ਲੱਛਣ

By Neha diwan2024-03-20, 13:17 ISTpunjabijagran.com

ਬੱਚੇਦਾਨੀ ਦਾ ਕੈਂਸਰ

ਬੱਚੇਦਾਨੀ ਦਾ ਕੈਂਸਰ ਇੱਕ ਖਤਰਨਾਕ ਬਿਮਾਰੀ ਹੈ ਜਿਸਦਾ ਪਤਾ ਪੀੜਤ ਦੇ ਸ਼ਿਕਾਰ ਹੋਣ ਤੋਂ ਬਾਅਦ ਹੀ ਹੁੰਦਾ ਹੈ। ਜ਼ਿਆਦਾਤਰ ਮਾਮਲਿਆਂ ਵਿੱਚ ਕੈਂਸਰ ਦਾ ਪਤਾ ਆਖਰੀ ਪੜਾਅ 'ਚ ਲੱਗਦੈ।

ਪੇਟ ਵਿੱਚ ਲਗਾਤਾਰ ਦਰਦ

ਪੇਟ ਵਿੱਚ ਲਗਾਤਾਰ ਦਰਦ ਹੋਣਾ ਅੰਡਕੋਸ਼ ਦੇ ਕੈਂਸਰ ਦਾ ਇੱਕ ਮੁੱਖ ਲੱਛਣ ਹੈ ਜੋ ਸ਼ੁਰੂਆਤੀ ਪੜਾਵਾਂ ਵਿੱਚ ਦਿਖਾਈ ਦੇਣਾ ਸ਼ੁਰੂ ਕਰ ਦਿੰਦਾ ਹੈ। ਪਰ ਅਕਸਰ ਇਸ ਨੂੰ ਪੇਟ ਨਾਲ ਜੁੜੀ ਸਮੱਸਿਆ ਸਮਝ ਕੇ ਨਜ਼ਰਅੰਦਾਜ਼ ਕਰ ਦਿੱਤਾ ਜਾਂਦਾ ਹੈ।

ਪਾਚਨ ਸੰਬੰਧੀ ਸਮੱਸਿਆ

ਇਸ ਲਈ ਜੇਕਰ ਢਿੱਡ ਜਾਂ ਪਾਚਨ ਸੰਬੰਧੀ ਕੋਈ ਸਮੱਸਿਆ ਨਾ ਹੋਣ ਦੇ ਬਾਵਜੂਦ ਪੇਟ ਦਰਦ ਲੰਬੇ ਸਮੇਂ ਤੱਕ ਬਣਿਆ ਰਹਿੰਦਾ ਹੈ ਤਾਂ ਇਸ ਨੂੰ ਹਲਕਾ ਜਿਹਾ ਨਾ ਲਓ। ਇਸ ਦੇ ਲਈ ਤੁਰੰਤ ਗਾਇਨੀਕੋਲੋਜਿਸਟ ਦੀ ਸਲਾਹ ਲਓ।

ਪੇਟ ਵਿੱਚ ਲੰਬੇ ਸਮੇਂ ਤੱਕ ਸੋਜ

ਪੇਟ ਵਿੱਚ ਲੰਬੇ ਸਮੇਂ ਤੱਕ ਸੋਜ ਹੋਣਾ ਵੀ ਅੰਡਕੋਸ਼ ਦੇ ਕੈਂਸਰ ਦਾ ਸੰਕੇਤ ਹੋ ਸਕਦਾ ਹੈ। ਅਜਿਹੀ ਸਥਿਤੀ ਵਿੱਚ, ਪੇਟ ਦੀ ਸੋਜ ਨੂੰ ਅਕਸਰ ਜਿਗਰ ਜਾਂ ਪਾਚਨ ਨਾਲ ਜੁੜੀ ਸਮੱਸਿਆ ਮੰਨਿਆ ਜਾਂਦਾ ਹੈ।

ਅਨਿਯਮਿਤ ਮਾਹਵਾਰੀ

ਨਿਯਮਤ ਮਾਹਵਾਰੀ ਸਿਹਤਮੰਦ ਅੰਡਕੋਸ਼ ਦੀ ਨਿਸ਼ਾਨੀ ਹੈ। ਇਸ ਲਈ ਜੇਕਰ ਪੀਰੀਅਡਸ ਸਹੀ ਸਮੇਂ 'ਤੇ ਨਹੀਂ ਆ ਰਹੇ ਹਨ ਜਾਂ ਜਲਦੀ ਆ ਰਹੇ ਹਨ, ਤਾਂ ਇਹ ਅੰਡਕੋਸ਼ ਦੇ ਕੈਂਸਰ ਨਾਲ ਜੁੜੀ ਕੋਈ ਗੰਭੀਰ ਸਮੱਸਿਆ ਦਾ ਲੱਛਣ ਹੋ ਸਕਦਾ ਹੈ।

ਥੱਕਿਆ ਅਤੇ ਕਮਜ਼ੋਰ ਮਹਿਸੂਸ ਕਰਨਾ

ਔਰਤਾਂ ਵਿੱਚ ਲੰਬੇ ਸਮੇਂ ਤੱਕ ਥਕਾਵਟ ਅਤੇ ਕਮਜ਼ੋਰੀ ਦੀ ਸ਼ਿਕਾਇਤ ਵੀ ਅੰਡਕੋਸ਼ ਦੇ ਕੈਂਸਰ ਤੋਂ ਪੀੜਤ ਹੋਣ ਦੀ ਨਿਸ਼ਾਨੀ ਹੋ ਸਕਦੀ ਹੈ।

ਸਰੀਰਕ ਸਬੰਧਾਂ ਦੌਰਾਨ ਦਰਦ

ਜੇਕਰ ਕਿਸੇ ਔਰਤ ਨੂੰ ਸਰੀਰਕ ਸਬੰਧਾਂ ਦੌਰਾਨ ਦਰਦ ਦੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈਂਦਾ ਹੈ ਤਾਂ ਉਸ ਨੂੰ ਇਸ ਸਬੰਧੀ ਗਾਇਨੀਕੋਲੋਜਿਸਟ ਨਾਲ ਵੀ ਸੰਪਰਕ ਕਰਨਾ ਚਾਹੀਦਾ ਹੈ।

ਭੁੱਖ ਦਾ ਨੁਕਸਾਨ

ਅਚਾਨਕ ਭੁੱਖ ਨਾ ਲੱਗਣਾ ਜਾਂ ਖਾਣ ਵਿੱਚ ਦਿੱਕਤ ਹੋਣਾ ਵੀ ਅੰਡਕੋਸ਼ ਦੇ ਕੈਂਸਰ ਦਾ ਇੱਕ ਲੱਛਣ ਹੈ। ਇਸ ਲਈ ਜੇਕਰ ਅਜਿਹੀ ਕੋਈ ਸਮੱਸਿਆ ਆਉਂਦੀ ਹੈ ਤਾਂ ਕਿਸੇ ਗਾਇਨੀਕੋਲੋਜਿਸਟ ਨਾਲ ਜ਼ਰੂਰ ਸੰਪਰਕ ਕਰੋ।

ਕਿਸ ਤਰ੍ਹਾਂ ਪਤਾ ਲਗਾਇਆ ਜਾਂ ਸਕਦੈ

ਗਾਇਨੀਕੋਲੋਜਿਸਟ ਖੂਨ ਦੀ ਜਾਂਚ, ਅਲਟਰਾਸਾਊਂਡ ਅਤੇ ਸੀਟੀ ਸਕੈਨ ਵਰਗੀ ਸਰੀਰਕ ਜਾਂਚ ਦੇ ਆਧਾਰ 'ਤੇ ਅੰਡਕੋਸ਼ ਦੇ ਕੈਂਸਰ ਦੀ ਸਥਿਤੀ ਦਾ ਪਤਾ ਲਗਾਉਣ ਦੇ ਯੋਗ ਹੋਣਗੇ।

ਕੀ ਮਿੱਠਾ ਖਾਣ ਨਾਲ ਜਲਦੀ ਆਉਂਦਾ ਹੈ ਬੁਢਾਪਾ? ਜਾਣੋ