ਸਾਵਣ ਦੇ ਮਹੀਨੇ ਵਿੱਚ ਘਰ ਵਿੱਚ ਭਗਵਾਨ ਸ਼ਿਵ ਦੀ ਤਸਵੀਰ ਲਗਾਉਣਾ ਸ਼ੁਭ ਮੰਨਿਆ ਜਾਂਦਾ ਹੈ। ਅਜਿਹਾ ਕਰਨ ਨਾਲ ਘਰ 'ਚ ਸ਼ਾਂਤੀ ਅਤੇ ਖੁਸ਼ਹਾਲੀ ਬਣੀ ਰਹਿੰਦੀ ਹੈ
ਭਗਵਾਨ ਸ਼ਿਵ ਦੀ ਅਜਿਹੀ ਤਸਵੀਰ ਘਰ 'ਚ ਨਹੀਂ ਲਗਾਉਣੀ ਚਾਹੀਦੀ, ਜਿਸ 'ਚ ਉਹ ਬਹੁਤ ਗੁੱਸੇ 'ਚ ਨਜ਼ਰ ਆ ਰਹੇ ਹਨ। ਭਗਵਾਨ ਸ਼ਿਵ ਦਾ ਤਾਂਡਵ ਕਰਦੇ ਸਮੇਂ ਵਾਲੀ ਫੋਟੋਂ ਘਰ 'ਚ ਨਹੀਂ ਲਗਾਉਣੀ ਚਾਹੀਦੀ।
ਇਹ ਮਹਾਦੇਵ ਦਾ ਕਰੂਰ ਰੂਪ ਹੈ ਅਤੇ ਇਸ ਨੂੰ ਘਰ 'ਚ ਰੱਖਣਾ ਸ਼ੁਭ ਨਹੀਂ ਹੈ। ਘਰ ਵਿੱਚ ਸ਼ਾਂਤੀ ਲਈ ਧਿਆਨ ਦੀ ਅਵਸਥਾ ਵਿੱਚ ਬੈਠੇ ਭਗਵਾਨ ਸ਼ਿਵ ਦੀ ਤਸਵੀਰ ਰੱਖਣਾ ਸ਼ੁਭ ਹੈ।
ਤੁਸੀਂ ਘਰ ਵਿੱਚ 12 ਜਯੋਤਿਰਲਿੰਗਾਂ ਵਿੱਚੋਂ ਕਿਸੇ ਇੱਕ ਦੀ ਤਸਵੀਰ ਲਗਾ ਸਕਦੇ ਹੋ। ਇਸ ਨਾਲ ਘਰ 'ਚ ਸਕਾਰਾਤਮਕ ਊਰਜਾ ਵੀ ਆਉਂਦੀ ਹੈ। ਘਰ 'ਚ ਰਹਿਣ ਵਾਲੇ ਸਾਰੇ ਲੋਕਾਂ 'ਤੇ ਇਸ ਦਾ ਚੰਗਾ ਪ੍ਰਭਾਵ ਪੈਂਦਾ ਹੈ।
ਭਗਵਾਨ ਸ਼ਿਵ ਦੀ ਤਸਵੀਰ ਨੂੰ ਹਮੇਸ਼ਾ ਘਰ ਦੀ ਉੱਤਰ ਦਿਸ਼ਾ 'ਚ ਰੱਖਣਾ ਚਾਹੀਦਾ ਹੈ। ਵਾਸਤੂ ਸ਼ਾਸਤਰ ਦੇ ਅਨੁਸਾਰ ਕੈਲਾਸ਼ ਪਰਬਤ ਵੀ ਉੱਤਰ ਦਿਸ਼ਾ ਵਿੱਚ ਹੈ
ਇਸ ਦੇ ਨਾਲ ਹੀ ਜੇਕਰ ਘਰ 'ਚ ਭਗਵਾਨ ਸ਼ਿਵ ਦੀ ਕੋਈ ਟੁੱਟੀ ਹੋਈ ਤਸਵੀਰ ਜਾਂ ਸ਼ਿਵਲਿੰਗ ਹੈ ਤਾਂ ਉਸ ਨੂੰ ਨਦੀ 'ਚ ਪ੍ਰਵਾਹ ਕਰਨਾ ਚਾਹੀਦਾ ਹੈ।