ਰਣਦੀਪ ਹੁੱਡਾ ਪਿਛਲੇ ਕਈ ਦਿਨਾਂ ਤੋਂ ਆਪਣੇ ਵਿਆਹ ਨੂੰ ਲੈ ਕੇ ਸੁਰਖੀਆਂ 'ਚ ਹਨ। ਰਣਦੀਪ ਨੇ ਆਖਿਰਕਾਰ 29 ਨਵੰਬਰ ਨੂੰ ਆਪਣੀ ਲੰਬੇ ਸਮੇਂ ਦੀ ਪ੍ਰੇਮਿਕਾ ਲਿਨ ਲੈਸ਼ਰਾਮ ਨਾਲ ਵਿਆਹ ਕਰਵਾ ਲਿਆ।
ਇੱਕ ਸ਼ਾਨਦਾਰ ਵਿਆਹ ਦੀ ਬਜਾਏ, ਅਭਿਨੇਤਾ ਨੇ ਮਨੀਪੁਰ ਵਿੱਚ ਬਹੁਤ ਹੀ ਸਾਦੇ ਅਤੇ ਰਵਾਇਤੀ ਅੰਦਾਜ਼ ਵਿੱਚ ਵਿਆਹ ਕੀਤਾ। ਉਨ੍ਹਾਂ ਦੇ ਵਿਆਹ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋਈਆ।
ਨਵ-ਵਿਆਹੁਤਾ ਜੋੜਾ ਵਿਆਹ ਤੋਂ ਬਾਅਦ ਦੂਜੇ ਦਿਨ ਮੁੰਬਈ ਪਰਤਿਆ। ਇਸ ਦੌਰਾਨ ਰਣਦੀਪ ਦੀ ਦੁਲਹਨ ਨੇ ਹੁਣ ਆਪਣੇ ਸਹੁਰੇ ਘਰ 'ਚ ਹੋਈ ਹਾਊਸ ਵਾਰਮਿੰਗ ਸੈਰੇਮਨੀ ਦੀ ਇਕ ਬਹੁਤ ਹੀ ਪਿਆਰੀ ਤਸਵੀਰ ਸ਼ੇਅਰ ਕੀਤੀ ਹੈ
ਲਿਨ ਦੁਆਰਾ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀ ਗਈ ਹਾਊਸਵਰਮਿੰਗ ਤਸਵੀਰ ਵਿੱਚ, ਉਹ ਅਤੇ ਰਣਦੀਪ ਕੇਕ ਕੱਟਦੇ ਹੋਏ ਦਿਖਾਈ ਦੇ ਰਹੇ ਹਨ। ਲਿਨ ਦਾ ਸਹੁਰੇ ਘਰ 'ਚ ਬਹੁਤ ਪਿਆਰ ਨਾਲ ਸਵਾਗਤ ਕੀਤਾ ਗਿਆ।
ਇਸ ਮੌਕੇ 'ਤੇ ਜਿੱਥੇ ਲਿਨ ਨੇ ਲਾਲ ਰੰਗ ਦਾ ਸੂਟ ਪਾਇਆ ਸੀ ਅਤੇ ਇੱਕ ਨਵ-ਵਿਆਹੀ ਦੁਲਹਨ ਵਾਂਗ ਲੱਗ ਰਹੀ ਸੀ, ਉੱਥੇ ਹੀ ਰਣਦੀਪ ਬਹੁਤ ਹੀ ਸਾਧਾਰਨ ਲੁੱਕ 'ਚ ਨਜ਼ਰ ਆ ਰਹੇ ਸਨ।
ਰਣਦੀਪ ਅਤੇ ਲਿਨ ਵਿਆਹ ਤੋਂ ਬਾਅਦ ਮੁੰਬਈ ਵਾਪਸ ਆਏ ਤਾਂ ਉਨ੍ਹਾਂ ਨੂੰ ਏਅਰਪੋਰਟ 'ਤੇ ਵੀ ਇਸੇ ਲੁੱਕ 'ਚ ਸਪਾਟ ਕੀਤਾ ਗਿਆ। ਏਅਰਪੋਰਟ ਤੋਂ ਸਿੱਧਾ ਘਰ ਪਹੁੰਚੇ।
ਇਸ ਜੋੜੇ ਨੇ ਪੂਜਾ ਕਰਨ ਦੀ ਬਜਾਏ ਕੇਕ ਕੱਟ ਕੇ ਆਪਣੀ ਨਵੀਂ ਜ਼ਿੰਦਗੀ ਦੀ ਸ਼ੁਰੂਆਤ ਕੀਤੀ, ਜਿਸ ਦੀ ਇਕ ਝਲਕ ਉਨ੍ਹਾਂ ਨੇ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀ।
ਰਣਦੀਪ ਹੁੱਡਾ ਨੇ ਆਪਣੀ ਗਰਲਫ੍ਰੈਂਡ ਲਿਨ ਲੈਸ਼ਰਾਮ ਨਾਲ 29 ਦਸੰਬਰ ਨੂੰ ਮਣੀਪੁਰ 'ਚ ਮੇਤੀ ਰੀਤੀ-ਰਿਵਾਜਾਂ ਮੁਤਾਬਕ ਵਿਆਹ ਕੀਤਾ ਸੀ ਅਤੇ ਹੁਣ ਇਹ ਜੋੜਾ ਮੁੰਬਈ 'ਚ ਗ੍ਰੈਂਡ ਰਿਸੈਪਸ਼ਨ ਦੀਆਂ ਤਿਆਰੀਆਂ ਕਰ ਰਿਹਾ ਹੈ।
ਰਿਪੋਰਟ ਮੁਤਾਬਕ 11 ਦਸੰਬਰ ਨੂੰ ਮੁੰਬਈ 'ਚ ਹੋਣ ਵਾਲੇ ਇਸ ਰਿਸੈਪਸ਼ਨ 'ਚ ਦੋਵਾਂ ਦੇ ਕਰੀਬੀ ਰਿਸ਼ਤੇਦਾਰ ਅਤੇ ਦੋਸਤ ਦੇ ਨਾਲ-ਨਾਲ ਇੰਡਸਟਰੀ ਨਾਲ ਜੁੜੇ ਕਈ ਲੋਕ ਵੀ ਸ਼ਾਮਲ ਹੋਣ ਜਾ ਰਹੇ ਹਨ।