ਮਕਰ ਸੰਕ੍ਰਾਂਤੀ ਇਸ ਸਾਲ 14 ਜਨਵਰੀ ਮੰਗਲਵਾਰ ਨੂੰ ਆ ਰਹੀ ਹੈ, ਇਸ ਦਾ ਵਿਸ਼ੇਸ਼ ਸਥਾਨ ਹੈ ਕਿਉਂਕਿ ਇਸ ਦਿਨ ਸੂਰਜ ਦੇ ਮਕਰ ਰਾਸ਼ੀ ਵਿਚ ਪ੍ਰਵੇਸ਼ ਕਰਨ 'ਤੇ ਗ੍ਰਹਿਆਂ ਦੀ ਸਥਿਤੀ ਵਿਚ ਵੱਡਾ ਬਦਲਾਅ ਹੁੰਦਾ ਹੈ।
ਮਕਰ ਸੰਕ੍ਰਾਂਤੀ ਦੇ ਦਿਨ ਸੂਰਜ ਦੇਵਤਾ ਦੀ ਪੂਜਾ ਕਰਨ ਤੋਂ ਬਾਅਦ, ਘਰ ਦੇ ਮੁੱਖ ਗੇਟ ਨੂੰ ਪਾਣੀ ਨਾਲ ਧੋ ਕੇ ਸਾਫ਼ ਕਰੋ ਅਤੇ ਫਿਰ ਮੁੱਖ ਗੇਟ 'ਤੇ ਮੌਂਲੀ ਵਿੱਚ ਲਪੇਟੀ ਹਲਦੀ ਦੀਆਂ 5 ਗੰਢਾਂ ਬੰਨ੍ਹੋ।
ਗੰਗਾ ਵਿਚ ਇਸ਼ਨਾਨ ਕਰਨਾ ਸਭ ਤੋਂ ਵਧੀਆ ਉਪਾਅ ਹੈ ਪਰ ਜੇ ਤੁਸੀਂ ਗੰਗਾ ਨਦੀ ਵਿਚ ਜਾ ਕੇ ਇਸ਼ਨਾਨ ਕਰਨ ਦੇ ਯੋਗ ਨਹੀਂ ਹੋ ਤਾਂ ਇਸ਼ਨਾਨ ਦੇ ਪਾਣੀ ਵਿਚ ਗੰਗਾ ਜਲ ਮਿਲਾ ਕੇ ਇਸ਼ਨਾਨ ਕਰੋ |
ਮਕਰ ਸੰਕ੍ਰਾਂਤੀ ਦੇ ਦਿਨ ਚਿੱਟੇ ਤਿਲ ਦਾ ਦਾਨ ਕਰੋ। ਚਿੱਟੇ ਤਿਲ ਨੂੰ ਪਾਣੀ 'ਚ ਮਿਲਾ ਕੇ ਪਿੱਪਲ ਦੇ ਦਰੱਖਤ ਦੀ ਜੜ੍ਹ 'ਤੇ ਚੜ੍ਹਾਓ। ਇਸ ਨਾਲ ਸਾਰੇ ਦੇਵੀ ਦੇਵਤਿਆਂ ਦਾ ਆਸ਼ੀਰਵਾਦ ਪ੍ਰਾਪਤ ਹੋਵੇਗਾ ਤੇ ਪਿੱਤਰ ਦੋਸ਼ ਵੀ ਦੂਰ ਹੋਣਗੇ।
ਸੂਰਜ ਦੇਵਤਾ ਨੂੰ ਅਰਘ ਭੇਟ ਕਰਦੇ ਸਮੇਂ ਲਾਲ ਚੰਦਨ ਨੂੰ ਪਾਣੀ ਵਿੱਚ ਜ਼ਰੂਰ ਮਿਲਾ ਦਿਓ। ਮਕਰ ਸੰਕ੍ਰਾਂਤੀ ਦੇ ਦਿਨ ਖਿਚੜੀ ਬਣਾਉਣ ਦਾ ਖਾਸ ਮਹੱਤਵ ਹੈ।