ਬਦਲਦੇ ਮੌਸਮ ਕਾਰਨ ਅਕਸਰ ਵਾਇਰਲ ਅਤੇ ਹੋਰ ਬਿਮਾਰੀਆਂ ਦਾ ਖਤਰਾ ਵੱਧ ਜਾਂਦਾ ਹੈ। ਇਸ ਸਮੇਂ ਵੀ ਕਈ ਲੋਕ ਮੌਸਮੀ ਫਲੂ ਆਦਿ ਤੋਂ ਪੀੜਤ ਹਨ। ਇੰਨਾ ਹੀ ਨਹੀਂ ਸਰਦੀਆਂ ਦਾ ਮੌਸਮ ਜਲਦੀ ਹੀ ਸ਼ੁਰੂ ਹੋਣ ਜਾ ਰਿਹਾ ਹੈ।
ਜਿਵੇਂ-ਜਿਵੇਂ ਸਰਦੀਆਂ ਦੇ ਮਹੀਨੇ ਆਉਂਦੇ ਹਨ, ਵਾਇਰਲ ਇਨਫੈਕਸ਼ਨ ਦਾ ਖ਼ਤਰਾ ਇੱਕ ਵਾਰ ਫਿਰ ਵੱਧ ਜਾਵੇਗਾ। ਅਜਿਹੇ 'ਚ ਬਦਲਦੇ ਮੌਸਮ 'ਚ ਆਪਣੀ ਸਿਹਤ ਦਾ ਖਾਸ ਖਿਆਲ ਰੱਖਣਾ ਜ਼ਰੂਰੀ ਹੈ।
ਲਸਣ ਨਾ ਸਿਰਫ ਤੁਹਾਨੂੰ ਆਮ ਜ਼ੁਕਾਮ ਤੋਂ ਬਚਾਉਂਦਾ ਹੈ ਬਲਕਿ ਬਲੱਡ ਪ੍ਰੈਸ਼ਰ ਅਤੇ ਕੋਲੈਸਟ੍ਰੋਲ ਦੇ ਪੱਧਰ ਨੂੰ ਘਟਾਉਣ ਵਿਚ ਵੀ ਮਦਦ ਕਰਦਾ ਹੈ।
2 ਕੱਪ ਛਿੱਲਿਆ ਲਸਣ, 1 ਕੱਪ ਸਰ੍ਹੋਂ ਦੇ ਬੀਜ ਤੇ ਜੀਰਾ, 1 ਕੱਪ ਸਿਰਕਾ, 1/2 ਕੱਪ ਲੂਣ, 1/4 ਕੱਪ ਖੰਡ (ਵਿਕਲਪਿਕ) 1 ਚਮਚ ਹਲਦੀ ਪਾਊਡਰ ,1 ਚਮਚ ਲਾਲ ਮਿਰਚ ਪਾਊਡਰ, 1 ਚਮਚ ਮੇਥੀ ਦੇ ਬੀਜ, 1/2 ਚਮਚ ਕਾਲੀ ਮਿਰਚ, 1/2 ਕੱਪ ਸਰ੍ਹੋਂ ਦਾ ਤੇਲ
ਸਭ ਤੋਂ ਪਹਿਲਾਂ ਲਸਣ ਦੀਆਂ ਕਲੀਆਂ ਨੂੰ ਛਿੱਲ ਲਓ ਅਤੇ ਇਕ ਪਾਸੇ ਰੱਖ ਦਿਓ। ਹੁਣ ਇੱਕ ਸੁੱਕੇ ਪੈਨ ਵਿੱਚ ਸਰ੍ਹੋਂ, ਮੇਥੀ ਤੇ ਕਾਲੀ ਮਿਰਚ ਨੂੰ ਹਲਕਾ ਜਿਹਾ ਫਰਾਈ ਕਰੋ ਜਦੋਂ ਤੱਕ ਖੁਸ਼ਬੂ ਨਾ ਆਵੇ।
ਫਿਰ ਇਨ੍ਹਾਂ ਨੂੰ ਠੰਢਾ ਹੋਣ ਦਿਓ ਅਤੇ ਫਿਰ ਮੋਟੇ ਪੀਸ ਲਓ। ਫਿਰ ਇੱਕ ਕਟੋਰੇ ਵਿੱਚ ਸਿਰਕਾ, ਨਮਕ, ਚੀਨੀ (ਜੇਕਰ ਵਰਤ ਰਹੇ ਹੋ), ਹਲਦੀ ਪਾਊਡਰ, ਲਾਲ ਮਿਰਚ ਪਾਊਡਰ ਅਤੇ ਪੀਸਿਆ ਮਸਾਲਾ ਪਾਓ ਅਤੇ ਮਿਕਸ ਕਰੋ।
ਇਸ ਤੋਂ ਬਾਅਦ ਭਾਂਡੇ 'ਚ ਛਿਲਿਆ ਹੋਇਆ ਲਸਣ ਪਾ ਕੇ ਚੰਗੀ ਤਰ੍ਹਾਂ ਮਿਕਸ ਕਰ ਲਓ ਤੇ ਮਸਾਲੇ ਦੇ ਨਾਲ ਚੰਗੀ ਤਰ੍ਹਾਂ ਮਿਲਾਓ।
ਫਿਰ ਕੱਚ ਦੇ ਜਾਰ ਨੂੰ ਚੰਗੀ ਤਰ੍ਹਾਂ ਸਾਫ਼ ਕਰੋ, ਲਸਣ ਦਾ ਮਸਾਲਾ ਪਾ ਕੇ ਦਿਓ ਤੇ ਲਸਣ ਉਪਰ ਤੋਂ ਤੇਲ ਪਾ ਦਿਓ। ਹੁਣ ਸ਼ੀਸ਼ੀ ਨੂੰ ਕੱਸ ਕੇ ਬੰਦ ਕਰੋ ਅਤੇ ਇਸਨੂੰ ਆਮ ਤਾਪਮਾਨ 'ਤੇ ਲਗਪਗ 2-3 ਦਿਨਾਂ ਲਈ ਛੱਡ ਦਿਓ।