'Kung Fu Panda' ਦੇ ਪ੍ਰਸ਼ੰਸਕਾਂ ਲਈ ਵੱਡੀ ਖਬਰ ਹੈ, ਕਿਉਂਕਿ 'ਕੁੰਗ ਫੂ ਪਾਂਡਾ 4' ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਇਸ ਟ੍ਰੇਲਰ ਦੀ ਸਭ ਤੋਂ ਖਾਸ ਗੱਲ ਇਹ ਹੈ ਕਿ ਜੈਕ ਬਲੈਕ ਇਸ ਸੀਜ਼ਨ ਵਿੱਚ ਵਾਪਸ ਆ ਰਿਹਾ ਹੈ।
13 ਦਸੰਬਰ ਨੂੰ, ਯੂਨੀਵਰਸਲ ਪਿਕਚਰਜ਼ ਨੇ ਕੁੰਗ ਫੂ ਪਾਂਡਾ 4 ਦਾ ਅਧਿਕਾਰਤ ਟ੍ਰੇਲਰ ਰਿਲੀਜ਼ ਕੀਤਾ। ਡਰੀਮ ਵਰਕਸ ਐਨੀਮੇਸ਼ਨ ਨੇ 'ਕੁੰਗ ਫੂ ਪਾਂਡਾ 4' ਦਾ ਟ੍ਰੇਲਰ ਰਿਲੀਜ਼ ਕਰ ਦਿੱਤਾ ਹੈ।
2 ਮਿੰਟ 27 ਸੈਕਿੰਡ ਦੇ ਟ੍ਰੇਲਰ ਨੂੰ ਦੇਖ ਕੇ ਅੰਦਾਜ਼ਾ ਲਗਾਇਆ ਜਾ ਸਕਦੈ ਕਿ ਇਸ ਵਾਰ 'ਕੁੰਗ ਫੂ ਪਾਂਡਾ' ਹੋਰ ਵੀ ਰੋਮਾਂਚਕ ਹੋਵੇਗਾ। ਟ੍ਰੇਲਰ ਟਾਈਗਰਸ, ਬਾਂਦਰ, ਮੈਂਟਿਸ, ਵਾਈਪਰ, ਕ੍ਰੇਨ ਅਤੇ ਹੋਰ ਬਹੁਤ ਸਾਰੇ ਕਿਰਦਾਰਾਂ ਨੂੰ ਵੀ ਪੇਸ਼ ਕਰਦਾ ਹੈ।
ਨਿਰਮਾਤਾਵਾਂ ਨੇ ਅਗਲੇ ਸਾਲ ਫਿਲਮ ਦੀ ਰਿਲੀਜ਼ ਡੇਟ ਤੈਅ ਕਰ ਦਿੱਤੀ ਹੈ। ਤੁਹਾਨੂੰ ਇਸ ਨੂੰ 8 ਮਾਰਚ, 2024 ਨੂੰ ਦੇਖਣ ਦਾ ਮੌਕਾ ਮਿਲੇਗਾ। ਇਸ ਫਿਲਮ ਦਾ ਪਹਿਲਾ ਭਾਗ ਸਾਲ 2008 ਵਿੱਚ ਸ਼ੁਰੂ ਹੋਇਆ ਸੀ।
ਇਸ ਵਾਰ ਦੇ ਟ੍ਰੇਲਰ ਨੂੰ ਦੇਖ ਕੇ ਲੱਗਦਾ ਹੈ ਕਿ ਪੋ ਨੂੰ ਕਾਫੀ ਮੁਸ਼ਕਿਲਾਂ 'ਚੋਂ ਲੰਘਣਾ ਪੈ ਰਿਹਾ ਹੈ। ਟ੍ਰੇਲਰ ਵਿੱਚ ਲੇਪਰਡ ਸਟਾਈਲ ਕੁੰਗ ਫੂ ਮਾਸਟਰ ਤਾਈ ਲੁੰਗ ਦੀ ਝਲਕ ਦੇਖੀ ਜਾ ਸਕਦੀ ਹੈ।
ਯੂਨੀਵਰਸਲ ਪਿਕਚਰਸ ਦੁਆਰਾ ਰਿਲੀਜ਼ ਕੀਤਾ ਗਿਆ 'ਕੁੰਗ ਫੂ ਪਾਂਡਾ 4' ਦਾ ਅਧਿਕਾਰਤ ਟ੍ਰੇਲਰ ਦੋ ਮਿੰਟ 27 ਸੈਕਿੰਡ ਦਾ ਹੈ। ਟ੍ਰੇਲਰ ਦੀ ਸ਼ੁਰੂਆਤ ਪੋ ਪਿੰਗ ਨਾਲ ਹੁੰਦੀ ਹੈ।