ਵੇਸਨ ਦਾ ਹਲਵਾ ਹੋਵੇਗਾ ਦਾਣੇਦਾਰ, ਬਸ ਬਣਾਓ ਇਸ ਤਰੀਕੇ ਨਾਲ

By Neha diwan2024-08-09, 11:03 ISTpunjabijagran.com

ਵੇਸਨ ਦਾ ਹਲਵਾ

ਦਾਣੇਦਾਰ ਵੇਸਨ ਦਾ ਹਲਵਾ ਬਣਾਉਣ ਲਈ ਮੋਟੇ ਵੇਸਨ ਦੀ ਵਰਤੋਂ ਕਰੋ। ਇਸ ਨਾਲ ਹਲਵਾ ਦਾਣੇਦਾਰ ਹੋ ਜਾਵੇਗਾ, ਜਦੋਂ ਕਿ ਜੇਕਰ ਤੁਸੀਂ ਮੁਲਾਇਮ ਵੇਸਨ ਦੇ ਆਟੇ ਨਾਲ ਹਲਵਾ ਬਣਾਉਂਦੇ ਹੋ ਤਾਂ ਹਲਵਾ ਚਿਪਚਿਪਾ ਹੋ ਜਾਵੇਗਾ।

ਵੇਸਨ ਨੂੰ ਘੱਟ ਅੱਗ 'ਤੇ ਭੁੰਨ ਲਓ

ਜ਼ਰੂਰੀ ਹੈ ਕਿ ਵੇਸਨ ਨੂੰ ਘੱਟ ਅੱਗ 'ਤੇ ਘਿਓ ਨਾਲ ਭੁੰਨ ਲਓ। ਵੇਸਨ ਨੂੰ ਘੱਟ ਅੱਗ 'ਤੇ ਭੁੰਨਣ ਨਾਲ ਇਹ ਚੰਗੀ ਤਰ੍ਹਾਂ ਪਕ ਜਾਂਦਾ ਹੈ ਅਤੇ ਇਸ ਵਿਚੋਂ ਕੱਚੇਪਨ ਦੀ ਬਦਬੂ ਦੂਰ ਹੋ ਜਾਂਦੀ ਹੈ।

ਇਨ੍ਹਾਂ ਚੀਜ਼ਾਂ ਨੂੰ ਪਾਓ

ਜਦੋਂ ਵੇਸਨ ਸੁਨਹਿਰਾ ਹੋ ਜਾਵੇ ਅਤੇ ਇਸ 'ਚੋਂ ਚੰਗੀ ਮਹਿਕ ਆਉਣ ਲੱਗੇ ਤਾਂ ਗੈਸ ਬੰਦ ਕਰ ਦਿਓ ਅਤੇ ਇਸ ਨੂੰ ਚੰਗੀ ਤਰ੍ਹਾਂ ਫੈਲਾਓ ਅਤੇ ਠੰਢਾ ਕਰ ਲਓ।

ਦੁੱਧ ਦੀ ਵਰਤੋਂ

ਜਦੋਂ ਆਟਾ ਠੰਢਾ ਹੋ ਜਾਵੇ ਤਾਂ ਇਸ ਵਿਚ ਘਿਓ ਅਤੇ ਥੋੜ੍ਹਾ ਜਿਹਾ ਦੁੱਧ ਮਿਲਾ ਕੇ ਹੱਥਾਂ ਨਾਲ ਰਗੜੋ। ਦੁੱਧ ਪਾਉਣ ਤੋਂ ਬਾਅਦ ਜਦੋਂ ਤੁਸੀਂ ਆਪਣੇ ਹੱਥਾਂ ਨਾਲ ਵੇਸਨ ਨੂੰ ਰਗੜੋਗੇ ਤਾਂ ਇਹ ਦਾਣੇਦਾਰ ਹੋਣ ਲੱਗ ਜਾਣਗੇ।

ਛਾਣ ਲਓ

ਵੇਸਨ ਨੂੰ ਰਗੜਨ ਤੋਂ ਬਾਅਦ ਇਸ ਨੂੰ ਛਾਣ ਲਓ ਅਤੇ ਫਿਰ ਇਕ ਕੜਾਹੀ ਵਿਚ ਪਾ ਕੇ ਉਸ ਵਿਚ ਦੁੱਧ ਜਾਂ ਪਾਣੀ ਪਾ ਕੇ ਮਿਕਸ ਕਰ ਲਓ।

ਘਿਓ ਦੀ ਲੋੜੀਂਦੀ ਮਾਤਰਾ

ਹਲਵੇ ਨੂੰ ਦਾਣੇਦਾਰ ਅਤੇ ਮਖਮਲੀ ਬਣਾਉਣ ਲਈ ਘਿਓ ਦੀ ਲੋੜੀਂਦੀ ਮਾਤਰਾ ਵਿੱਚ ਵਰਤੋਂ ਕਰੋ।

ਗੁੜ ਜਾਂ ਖੰਡ ਦਾ ਸਹੀ ਮਾਤਰਾ

ਹਲਵੇ ਵਿੱਚ ਮਿਠਾਸ ਲਈ ਖੰਡ ਜਾਂ ਗੁੜ ਦਾ ਸਹੀ ਅਨੁਪਾਤ ਰੱਖੋ। ਤੁਸੀਂ ਚੀਨੀ ਦੀ ਬਜਾਏ ਗੁੜ ਦੀ ਵਰਤੋਂ ਵੀ ਕਰ ਸਕਦੇ ਹੋ, ਜਿਸ ਨਾਲ ਹਲਵੇ ਦਾ ਸਵਾਦ ਅਤੇ ਪੋਸ਼ਣ ਦੋਵੇਂ ਵਧਣਗੇ।

ਪਾਣੀ ਜਾਂ ਦੁੱਧ ਦੀ ਸਹੀ ਮਾਤਰਾ

ਹੌਲੀ-ਹੌਲੀ ਪਾਣੀ ਜਾਂ ਦੁੱਧ ਪਾਓ ਅਤੇ ਹਿਲਾਉਂਦੇ ਰਹੋ ਤਾਂ ਕਿ ਵੇਸਨ ਵਿਚ ਗੰਢ ਨਾ ਬਣ ਜਾਵੇ। ਭੁੰਨਣ ਤੋਂ ਲੈ ਕੇ ਪਾਣੀ ਪਾਉਣ ਤੱਕ, ਇਸਨੂੰ ਲਗਾਤਾਰ ਹਿਲਾਉਂਦੇ ਰਹੋ ਤਾਂ ਕਿ ਇਹ ਹੇਠਾਂ ਤੋਂ ਸੜ ਨਾ ਜਾਵੇ।

ਰਾਤ ਦੀ ਬਚੀ ਪੂੜੀ ਹੋ ਗਈ ਹੈ ਸਖ਼ਤ ਤਾਂ ਅਪਣਾਓ ਇਹ ਨੁਸਖੇ