ਰਾਤ ਦੇ ਖਾਣੇ ਲਈ ਬਣਾਓ ਤਵਾ ਮਸਾਲਾ ਆਂਡਾ, ਜਾਣੋ ਰੈਸਿਪੀ

By Neha diwan2024-04-05, 15:51 ISTpunjabijagran.com

ਆਂਡੇ

ਆਂਡੇ ਨੂੰ ਸਿਹਤ ਲਈ ਬਹੁਤ ਚੰਗਾ ਮੰਨਿਆ ਜਾਂਦਾ ਹੈ। ਇਸ ਲਈ ਲੋਕ ਆਂਡੇ ਨੂੰ ਨਾ ਸਿਰਫ ਨਾਸ਼ਤੇ ਵਿਚ ਹੀ ਬਣਾਉਂਦੇ ਹਨ ਸਗੋਂ ਦੁਪਹਿਰ ਦੇ ਖਾਣੇ ਜਾਂ ਰਾਤ ਦੇ ਖਾਣੇ ਦਾ ਵੀ ਹਿੱਸਾ ਬਣਾਉਂਦੇ ਹਨ।

ਸਮੱਗਰੀ

ਆਂਡੇ 5, ਹਰੀ ਮਿਰਚ 4, ਲਸਣ ਦੀਆਂ ਕਲੀਆਂ 6, ਅਦਰਕ 1 ਇੰਚ, ਧਨੀਆ ਪੱਤੇ 1 ਚਮਚ, ਲਾਲ ਮਿਰਚ ਪਾਊਡਰ 1 ਚਮਚ, ਹਲਦੀ ਪਾਊਡਰ ਅੱਧਾ ਚਮਚ, ਗਰਮ ਮਸਾਲਾ 1 ਚਮਚ, ਲੂਣ ਸੁਆਦ ਅਨੁਸਾਰ, ਤੇਲ 3 ਚੱਮਚ।

ਵਿਧੀ

ਸਮੱਗਰੀ ਇਕੱਠੀ ਕਰੋ। ਫਿਰ ਆਂਡੇ ਨੂੰ ਉਬਾਲਣ ਲਈ ਰੱਖੋ। ਹੁਣ ਧਨੀਆ ਪੱਤੇ, ਹਰੀ ਮਿਰਚ ਅਤੇ ਅਦਰਕ ਨੂੰ ਕੱਟੋ ਅਤੇ ਇੱਕ ਕਟੋਰੀ ਵਿੱਚ ਪਾਓ। ਫਿਰ ਇਸ ਨੂੰ ਮਿਕਸਰ ਗ੍ਰਾਈਂਡਰ ਵਿਚ ਪਾ ਕੇ ਚਟਨੀ ਤਿਆਰ ਕਰੋ।

ਸਟੈਪ 1

ਪੈਨ ਵਿੱਚ 1 ਚਮਚ ਤੇਲ ਗਰਮ ਕਰੋ ਤੇ 1 ਚਮਚ ਜੀਰਾ ਭੁੰਨ ਲਓ। ਉਬਲੇ ਹੋਏ ਕੱਟੇ ਹੋਏ ਆਂਡੇ ਪਾ ਦਿਓ। ਕੁਝ ਸਕਿੰਟਾਂ ਬਾਅਦ 1 ਚਮਚ ਲਾਲ ਮਿਰਚ ਪਾਊਡਰ ਪਾਓ ਤੇ ਹੌਲੀ ਹੌਲੀ ਹਿਲਾਓ।

ਸਟੈਪ 2

ਜਦੋਂ ਆਂਡੇ ਚੰਗੀ ਤਰ੍ਹਾਂ ਪਕ ਜਾਣ ਤਾਂ ਗੈਸ ਬੰਦ ਕਰ ਦਿਓ ਅਤੇ ਇਨ੍ਹਾਂ ਨੂੰ ਪਲੇਟ 'ਚ ਕੱਢ ਲਓ। ਹੁਣ ਉਸੇ ਪੈਨ 'ਚ ਬਾਕੀ ਬਚਿਆ ਤੇਲ ਗਰਮ ਕਰੋ।

ਸਟੈਪ 3

ਜਦੋਂ ਤੇਲ ਗਰਮ ਹੋਣ ਲੱਗੇ ਤਾਂ ਜੀਰਾ ਪਾਓ ਅਤੇ ਭੁੰਨ ਲਓ, ਕੱਟਿਆ ਪਿਆਜ਼ ਪਾਓ ਅਤੇ ਹਲਕਾ ਸੁਨਹਿਰੀ ਹੋਣ ਤੱਕ ਭੁੰਨ ਲਓ।

ਸਟੈਪ 4

ਇਸ ਵਿਚ ਪੀਸਿਆ ਧਨੀਆ, ਸਾਰੇ ਮਸਾਲੇ, ਹਲਦੀ ਪਾਊਡਰ, ਨਮਕ, ਲਾਲ ਮਿਰਚ ਪਾਊਡਰ, ਧਨੀਆ ਪਾਊਡਰ ਅਤੇ ਗਰਮ ਮਸਾਲਾ ਪਾ ਕੇ ਚੰਗੀ ਤਰ੍ਹਾਂ ਭੁੰਨ ਲਓ।

ਸਟੈਪ 5

5 ਮਿੰਟਾਂ ਬਾਅਦ, ਬਾਰੀਕ ਕੱਟੇ ਹੋਏ ਟਮਾਟਰ ਪਾਓ ਅਤੇ ਹਿਲਾਓ ਅਤੇ ਫਿਰ ਪਕਾਏ ਹੋਏ ਆਂਡੇ ਪਾਓ ਅਤੇ 5 ਮਿੰਟ ਲਈ ਫਰਾਈ ਕਰੋ। ਉੱਪਰ ਹਰਾ ਧਨੀਆ ਪਾਓ ਅਤੇ ਗਰਮਾ-ਗਰਮ ਸਰਵ ਕਰੋ।

ਗਰਮੀਆਂ 'ਚ ਰਹਿਣਾ ਚਾਹੁੰਦੇ ਹੋ ਤਾਜ਼ਾ ਤਾਂ ਇਨ੍ਹਾਂ ਖਾਸ ਟਿਪਸ ਨੂੰ ਅਪਣਾਓ