ਕਿਵੇਂ ਜਾਣੀਏ ਛਾਤੀ 'ਚ ਹੋ ਰਿਹੈ ਦਰਦ ਹਾਰਟ ਅਟੈਕ ਹੈ ਜਾਂ ਗੈਸ ?

ਦਿਲ ਦੇ ਦੌਰੇ ਦਾ ਸੰਕੇਤ

ਕਈ ਵਾਰ ਇਹ ਸਮਝਣਾ ਮੁਸ਼ਕਲ ਹੋ ਜਾਂਦੈ ਕਿ ਇਹ ਇੱਕ ਆਮ ਗੈਸ ਦੀ ਸਮੱਸਿਆ ਹੈ ਜਾਂ ਦਿਲ ਦੇ ਦੌਰੇ ਦਾ ਸੰਕੇਤ। ਬਹੁਤ ਸਾਰੇ ਲੋਕ ਇਨ੍ਹਾਂ ਦੋਵਾਂ ਵਿਚਕਾਰ ਉਲਝਣ ਵਿੱਚ ਪੈ ਜਾਂਦੇ ਹਨ ਅਤੇ ਸਮਝਣ ਵਿੱਚ ਅਸਮਰੱਥ ਹੁੰਦੇ ਹਨ ਅਤੇ ਦਿਲ ਦੇ ਦੌਰੇ ਦਾ ਪਤਾ ਲਗਾਉਣ ਵਿੱਚ ਬਹੁਤ ਦੇਰ ਹੋ ਜਾਂਦੀ ਹੈ।

ਗੈਸ ਦਾ ਦਰਦ

ਜੇ ਦਰਦ ਗੈਸ ਕਾਰਨ ਹੁੰਦਾ ਹੈ ਤਾਂ ਡਕਾਰ ਮਾਰਨ, ਗੈਸ ਲੰਘਾਉਣ ਜਾਂ ਸਰੀਰ ਦੀ ਸਥਿਤੀ ਬਦਲਣ ਨਾਲ, ਜਿਵੇਂ ਕਿ ਸਿੱਧਾ ਬੈਠਣ ਨਾਲ ਇਸ ਤੋਂ ਰਾਹਤ ਮਿਲਦੀ ਹੈ।

ਇਹ ਦਰਦ ਪੇਟ ਦੇ ਉੱਪਰਲੇ ਹਿੱਸੇ ਤੋਂ ਸ਼ੁਰੂ ਹੁੰਦਾ ਹੈ ਅਤੇ ਛਾਤੀ ਤੱਕ ਫੈਲ ਸਕਦਾ ਹੈ। ਇਹ ਦਰਦ ਤੇਜ਼, ਕੜਵੱਲ ਜਾਂ ਜਲਣ ਵਰਗਾ ਮਹਿਸੂਸ ਹੁੰਦਾ ਹੈ। ਇਹ ਭਾਰੀ ਭੋਜਨ ਖਾਣ ਜਾਂ ਗੈਸ ਪੈਦਾ ਕਰਨ ਵਾਲੇ ਪੀਣ ਵਾਲੇ ਪਦਾਰਥ ਪੀਣ ਤੋਂ ਬਾਅਦ ਆਮ ਹੁੰਦਾ ਹੈ। ਇਹ ਦਰਦ ਕੁਝ ਸਮੇਂ ਬਾਅਦ ਦੂਰ ਹੋ ਜਾਂਦਾ ਹੈ।

ਦਿਲ ਦਾ ਦੌਰਾ

ਦਿਲ ਦੇ ਦੌਰੇ 'ਚ ਦਰਦ ਬਣਿਆ ਰਹਿੰਦਾ ਹੈ ਜਾਂ ਵਧਦਾ ਹੈ। ਦਰਦ ਛਾਤੀ ਦੇ ਵਿਚਕਾਰ ਜਾਂ ਖੱਬੇ ਪਾਸੇ ਸ਼ੁਰੂ ਹੋ ਸਕਦਾ ਹੈ ਅਤੇ ਖੱਬੇ ਬਾਂਹ, ਜਬਾੜੇ, ਗਰਦਨ, ਪਿੱਠ ਜਾਂ ਮੋਢੇ ਤੱਕ ਫੈਲ ਸਕਦਾ ਹੈ। ਇਹ ਦਰਦ ਭਾਰੀਪਨ, ਦਬਾਅ ਜਾਂ ਸੁੰਗੜਨ ਵਰਗਾ ਮਹਿਸੂਸ ਹੁੰਦਾ ਹੈ।

ਇਹ ਦਰਦ 10 ਮਿੰਟਾਂ ਤੋਂ ਵੱਧ ਸਮੇਂ ਲਈ ਰਹਿੰਦਾ ਹੈ ਤੇ ਵਧਦਾ ਰਹਿੰਦਾ ਹੈ। ਇਹ ਦਰਦ ਸਰੀਰਕ ਗਤੀਵਿਧੀਆਂ, ਤਣਾਅ ਜਾਂ ਹਾਈ ਬਲੱਡ ਪ੍ਰੈਸ਼ਰ ਕਾਰਨ ਹੋ ਸਕਦਾ ਹੈ।

ਗੈਸ ਦੀ ਸਮੱਸਿਆ ਦੇ ਲੱਛਣ

ਪੇਟ ਫੁੱਲਣਾ, ਵਾਰ-ਵਾਰ ਡਕਾਰ ਆਉਣਾ, ਖਾਣ ਤੋਂ ਬਾਅਦ ਬੇਆਰਾਮੀ ਮਹਿਸੂਸ ਹੋਣਾ।

ਦਿਲ ਦੇ ਦੌਰੇ ਦੇ ਲੱਛਣ

ਸਾਹ ਲੈਣ ਵਿੱਚ ਤਕਲੀਫ਼, ਠੰਢਾ ਪਸੀਨਾ, ਚੱਕਰ ਆਉਣਾ ਜਾਂ ਬੇਹੋਸ਼ ਹੋਣਾ, ਮਤਲੀ ਜਾਂ ਉਲਟੀਆਂ।

ਜੇ ਦਰਦ ਹੋਵੇ ਤਾਂ ਕੀ ਕਰਨਾ ਹੈ?

ਜੇ ਦਰਦ ਗੈਸ ਵਰਗਾ ਮਹਿਸੂਸ ਹੁੰਦਾ ਹੈ ਤੇ ਡਕਾਰ ਆਉਣ ਜਾਂ ਗੈਸ ਨਿਕਲਣ ਨਾਲ ਆਰਾਮ ਮਿਲਦਾ ਹੈ ਤਾਂ ਚਿੰਤਾ ਕਰਨ ਦੀ ਕੋਈ ਗੱਲ ਨਹੀਂ ਹੈ। ਦਰਦ ਜਾਰੀ ਰਹਿੰਦਾ ਹੈ, ਛਾਤੀ ਵਿੱਚ ਭਾਰੀਪਨ ਹੁੰਦਾ ਹੈ, ਸਾਹ ਲੈਣ ਵਿੱਚ ਮੁਸ਼ਕਲ ਆਉਂਦੀ ਹੈ ਜਾਂ ਹੋਰ ਗੰਭੀਰ ਲੱਛਣ ਦਿਖਾਈ ਦਿੰਦੇ ਹਨ, ਤਾਂ ਤੁਰੰਤ ਡਾਕਟਰ ਨਾਲ ਸੰਪਰਕ ਕਰੋ।