ਫਟੀਆਂ ਅੱਡੀਆਂ ਨੂੰ ਕਰੈਕਡ ਹੀਲ ਵੀ ਕਿਹਾ ਜਾਂਦਾ ਹੈ। ਇਹ ਇੱਕ ਆਮ ਸਮੱਸਿਆ ਹੈ ਜਿਸ ਵਿੱਚੋਂ ਹਰ ਕੋਈ ਲੰਘਦਾ ਹੈ। ਫਟੀਆਂ ਅੱਡੀਆਂ ਨਾ ਸਿਰਫ਼ ਬੁਰੀਆਂ ਲੱਗਦੀਆਂ ਹਨ, ਸਗੋਂ ਇਹ ਦਰਦ ਵੀ ਕਰਦੀਆਂ ਹਨ।
ਬਹੁਤ ਸਾਰੇ ਲੋਕ ਫਟੀਆਂ ਹੋਈ ਅੱਡੀਆਂ ਨੂੰ ਠੀਕ ਕਰਨ ਲਈ ਕਈ ਤਰ੍ਹਾਂ ਦੇ ਉਪਾਅ ਜਾਂ ਤੇਲ ਦੀ ਵਰਤੋਂ ਕਰਦੇ ਹਨ ਪਰ ਫਿਰ ਵੀ ਰਾਹਤ ਨਹੀਂ ਮਿਲਦੀ।
ਇਸ ਦੇ ਕਈ ਕਾਰਨ ਹਨ। ਇਨ੍ਹਾਂ ਵਿੱਚੋਂ ਮੁੱਖ ਕਾਰਨ ਵਿਟਾਮਿਨ ਬੀ3 ਦੀ ਕਮੀ ਹੈ। ਵਿਟਾਮਿਨ ਬੀ3 ਦੀ ਕਮੀ ਨਾਲ ਚਮੜੀ ਦੀ ਸਿਹਤ 'ਤੇ ਮਾੜਾ ਅਸਰ ਪੈਂਦਾ ਹੈ।
ਵਿਟਾਮਿਨ B3 ਚਮੜੀ ਦੀ ਨਮੀ ਨੂੰ ਬਰਕਰਾਰ ਰੱਖਣ ਵਿੱਚ ਮਦਦ ਕਰਦਾ ਹੈ। ਜੇ ਸਰੀਰ 'ਚ ਇਸ ਦੀ ਕਮੀ ਹੋ ਜਾਵੇ ਤਾਂ ਚਮੜੀ 'ਚ ਨਮੀ ਖਤਮ ਹੋ ਜਾਂਦੀ ਹੈ।
ਮੂੰਗਫਲੀ ਵਿਟਾਮਿਨ ਬੀ3 ਦਾ ਵਧੀਆ ਸਰੋਤ ਹੈ। ਸੂਰਜਮੁਖੀ 'ਚ ਵਿਟਾਮਿਨ ਬੀ3 ਵੀ ਹੁੰਦਾ ਹੈ। ਆਂਡੇ ਦੀ ਜ਼ਰਦੀ ਤੇ ਦਾਲਾਂ ਅਤੇ ਫਲੀਆਂ ਵੀ ਵਿਟਾਮਿਨ ਬੀ3 ਦੀ ਕਮੀ ਨੂੰ ਪੂਰਾ ਕਰਨ ਵਿੱਚ ਮਦਦਗਾਰ ਹੁੰਦੀਆਂ ਹਨ।
ਇਸ ਤੋਂ ਇਲਾਵਾ ਚਮੜੀ ਦੀ ਸਹੀ ਦੇਖਭਾਲ ਕਰਨਾ ਵੀ ਜ਼ਰੂਰੀ ਹੈ। ਆਪਣੇ ਪੈਰਾਂ ਨੂੰ ਨਿਯਮਿਤ ਤੌਰ 'ਤੇ ਨਮੀ ਦਿਓ। ਕਾਫੀ ਪਾਣੀ ਪੀਓ ਤਾਂ ਕਿ ਚਮੜੀ ਨੂੰ ਨਮੀ ਮਿਲੇ। ਆਪਣੇ ਪੈਰਾਂ ਨੂੰ ਨਿਯਮਿਤ ਤੌਰ 'ਤੇ ਧੋਵੋ ਅਤੇ ਪੈਡੀਕਿਓਰ ਕਰੋ।