ਸ਼ੂਗਰ ਦੇ ਸ਼ੁਰੂਆਤੀ ਲੱਛਣਾਂ ਬਾਰੇ ਜਾਣਕਾਰੀ ਦੀ ਘਾਟ ਕਾਰਨ, ਵਿਅਕਤੀ ਇਸ ਨੂੰ ਨਜ਼ਰਅੰਦਾਜ਼ ਕਰ ਦਿੰਦਾ ਹੈ, ਜਿਸ ਦੇ ਬਾਅਦ ਵਿੱਚ ਸਿਹਤ ਦੇ ਗੰਭੀਰ ਨਤੀਜੇ ਨਿਕਲਦੇ ਹਨ।
ਜਦੋਂ ਸਰੀਰ ਵਿੱਚ ਗਲੂਕੋਜ਼ ਦਾ ਪੱਧਰ ਵੱਧ ਜਾਂਦਾ ਹੈ, ਤਾਂ ਗੁਰਦੇ ਜ਼ਿਆਦਾ ਪਾਣੀ ਦੀ ਮੰਗ ਕਰਦੇ ਹਨ, ਜਿਸ ਕਾਰਨ ਵਿਅਕਤੀ ਨੂੰ ਵਾਰ-ਵਾਰ ਪਿਆਸ ਲੱਗਣ ਲੱਗਦੀ ਹੈ।
ਜ਼ਿਆਦਾ ਪਿਆਸ ਲੱਗਣ ਕਾਰਨ ਸਰੀਰ 'ਚ ਵਾਰ-ਵਾਰ ਪਿਸ਼ਾਬ ਆਉਣ ਦੇ ਲੱਛਣ ਦਿਖਾਈ ਦਿੰਦੇ ਹਨ, ਅਜਿਹਾ ਖਾਸ ਕਰਕੇ ਰਾਤ ਨੂੰ ਹੁੰਦਾ ਹੈ। ਇਹ ਲੱਛਣ ਸ਼ੂਗਰ ਦੇ ਹੋ ਸਕਦੇ ਹਨ।
ਜੇਕਰ ਤੁਹਾਡਾ ਵਜ਼ਨ ਅਚਾਨਕ ਘਟਣਾ ਸ਼ੁਰੂ ਹੋ ਜਾਂਦਾ ਹੈ ਤਾਂ ਇਹ ਡਾਇਬਟੀਜ਼ ਦਾ ਸੰਕੇਤ ਹੋ ਸਕਦਾ ਹੈ।
ਸਰੀਰ ਵਿੱਚ ਬਲੱਡ ਸ਼ੂਗਰ ਦਾ ਅਸੰਤੁਲਨ ਥਕਾਵਟ ਅਤੇ ਕਮਜ਼ੋਰੀ ਦਾ ਕਾਰਨ ਬਣਦਾ ਹੈ ਕਿਉਂਕਿ ਸਰੀਰ ਨੂੰ ਲੋੜ ਅਨੁਸਾਰ ਊਰਜਾ ਨਹੀਂ ਮਿਲਦੀ।
ਸਰੀਰ 'ਚ ਬਲੱਡ ਸ਼ੂਗਰ ਵਧਣ ਨਾਲ ਅੱਖਾਂ ਦੇ ਲੈਂਸ 'ਤੇ ਅਸਰ ਪੈਂਦਾ ਹੈ, ਜਿਸ ਕਾਰਨ ਅੱਖਾਂ ਦੀ ਰੋਸ਼ਨੀ ਖਰਾਬ ਹੋਣ ਲੱਗਦੀ ਹੈ।
ਸ਼ੂਗਰ ਦੇ ਕਾਰਨ ਚਮੜੀ ਖੁਸ਼ਕ ਹੋ ਜਾਂਦੀ ਹੈ ਤੇ ਇਸ ਨਾਲ ਖੁਜਲੀ ਜਾਂ ਇਨਫੈਕਸ਼ਨ ਵੀ ਹੋ ਸਕਦੀ ਹੈ।
ਡਾਇਬੀਟਿਕ ਨਿਊਰੋਪੈਥੀ ਕਾਰਨ ਹੱਥਾਂ ਤੇ ਪੈਰਾਂ ਵਿੱਚ ਦਰਦ, ਸੁੰਨ ਹੋਣਾ, ਜਲਨ, ਝਰਨਾਹਟ, ਕੜਵੱਲ ਆਦਿ ਹੋ ਜਾਂਦੇ ਹਨ। ਇਹ ਲੱਛਣ ਅਕਸਰ ਪੈਰਾਂ ਤੋਂ ਸ਼ੁਰੂ ਹੋ ਕੇ ਉਪਰਲੇ ਅੰਗਾਂ ਵੱਲ ਵਧਦੇ ਹਨ।