ਕੀ ਗਰਮੀ 'ਚ ਖਾਣੇ ਚਾਹੀਦੇ ਹਨ ਆਂਡੇ, ਜੇ ਹਾਂ ਤਾਂ ਕਿੰਨੇ ਖਾਣੇ ਹੋਣਗੇ ਸਹੀ

ਆਂਡੇ ਦਾ ਸੇਵਨ ਸਿਹਤ ਲਈ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਪਰ ਬਹੁਤ ਸਾਰੇ ਲੋਕਾਂ ਦੇ ਮਨ ਵਿੱਚ ਇਹ ਸਵਾਲ ਹੁੰਦਾ ਹੈ ਕਿ ਗਰਮੀਆਂ ਦੇ ਮੌਸਮ ਵਿੱਚ ਆਂਡੇ ਖਾਣਾ ਸੁਰੱਖਿਅਤ ਹੈ ਜਾਂ ਨਹੀਂ। ਅਸਲ ਵਿੱਚ ਆਂਡੇ ਦਾ ਸੁਭਾਅ ਗਰਮ ਹੁੰਦਾ ਹੈ।

ਸਿਹਤ ਮਾਹਿਰ ਕਹਿੰਦੇ ਹਨ ਕਿ

ਤੁਸੀਂ ਇੱਕ ਦਿਨ ਵਿੱਚ 2 ਤੋਂ 3 ਆਂਡੇ ਖਾ ਸਕਦੇ ਹੋ। ਜੇਕਰ ਤੁਸੀਂ ਕਸਰਤ ਕਰਦੇ ਹੋ ਤਾਂ ਆਂਡੇ ਦਾ ਸਿਰਫ਼ ਚਿੱਟਾ ਹਿੱਸਾ ਹੀ ਖਾਣ ਦੀ ਕੋਸ਼ਿਸ਼ ਕਰੋ। ਜ਼ਰਦੀ ਦਾ ਪੀਲਾ ਹਿੱਸਾ ਬਹੁਤ ਗਰਮ ਹੁੰਦਾ ਹੈ, ਇਸਨੂੰ ਖਾਣ ਤੋਂ ਪਰਹੇਜ਼ ਕਰੋ।

ਜੇਕਰ ਤੁਸੀਂ 3 ਤੋਂ ਵੱਧ ਆਂਡੇ ਖਾਂਦੇ ਹੋ ਤਾਂ ਇਹ ਗਰਮੀਆਂ ਵਿੱਚ ਬਦਹਜ਼ਮੀ, ਬੇਚੈਨੀ ਅਤੇ ਅੰਤੜੀਆਂ ਦੀਆਂ ਸਮੱਸਿਆਵਾਂ ਦਾ ਕਾਰਨ ਬਣ ਸਕਦਾ ਹੈ।

ਆਂਡੇ ਖਾਣ ਦੇ ਫਾਇਦੇ

ਆਂਡਿਆਂ ਵਿੱਚ ਮੌਜੂਦ ਵਿਟਾਮਿਨ ਏ ਅਤੇ ਡੀ ਹੱਡੀਆਂ ਨੂੰ ਮਜ਼ਬੂਤ ​​ਬਣਾਉਣ ਵਿੱਚ ਮਦਦਗਾਰ ਹੁੰਦੇ ਹਨ। ਆਂਡੇ ਵਿਟਾਮਿਨ ਬੀ2 ਦਾ ਇੱਕ ਵਧੀਆ ਸਰੋਤ ਹਨ; ਇਨ੍ਹਾਂ ਵਿੱਚ ਚਰਬੀ ਅਤੇ ਕੋਲੈਸਟ੍ਰੋਲ ਘੱਟ ਅਤੇ ਪ੍ਰੋਟੀਨ ਜ਼ਿਆਦਾ ਹੁੰਦਾ ਹੈ।

ਆਂਡੇ ਦੀ ਸਫ਼ੈਦੀ ਵਿੱਚ ਸੇਲੇਨੀਅਮ, ਵਿਟਾਮਿਨ ਡੀ, ਬੀ6, ਬੀ12 ਅਤੇ ਜ਼ਿੰਕ, ਆਇਰਨ ਵਰਗੇ ਖਣਿਜ ਹੁੰਦੇ ਹਨ ਜੋ ਸਰੀਰ ਦੇ ਊਰਜਾ ਪੱਧਰ ਨੂੰ ਬਣਾਈ ਰੱਖਣ ਵਿੱਚ ਮਦਦ ਕਰਦੇ ਹਨ।

ਥਕਾਵਟ ਅਤੇ ਕਮਜ਼ੋਰੀ ਦੂਰ ਹੁੰਦੀ ਹੈ ਅਤੇ ਇਮਿਊਨਿਟੀ ਵੀ ਸੁਧਰਦੀ ਹੈ। ਆਂਡੇ ਦੀ ਜ਼ਰਦੀ ਯਾਨੀ ਕਿ ਪੀਲੇ ਹਿੱਸੇ ਵਿੱਚ ਬਹੁਤ ਸਾਰੀ ਕੈਲੋਰੀ ਅਤੇ ਚਰਬੀ ਹੁੰਦੀ ਹੈ। ਆਂਡਾ ਤੁਹਾਨੂੰ ਮਾਸਪੇਸ਼ੀਆਂ ਬਣਾਉਣ ਵਿੱਚ ਮਦਦ ਕਰ ਸਕਦਾ ਹੈ।

ਕਦੋਂ ਖਾਣੇ ਚਾਹੀਦੇ ਹਨ ਆਂਡੇ

ਤੁਸੀਂ ਆਪਣੀ ਸਿਹਤ ਸੁਧਾਰਨ ਜਾਂ ਭਾਰ ਘਟਾਉਣ ਲਈ ਆਂਡੇ ਖਾਣਾ ਚਾਹੁੰਦੇ ਹੋ, ਤਾਂ ਉਨ੍ਹਾਂ ਨੂੰ ਸਵੇਰ ਦੇ ਨਾਸ਼ਤੇ ਵਿੱਚ ਖਾਓ। ਇਹ ਪੌਸ਼ਟਿਕ ਤੱਤਾਂ ਨੂੰ ਬਿਹਤਰ ਢੰਗ ਨਾਲ ਸੋਖਣ ਵਿੱਚ ਮਦਦ ਕਰੇਗਾ ਅਤੇ ਤੁਹਾਡਾ ਪੇਟ ਵੀ ਭਰੇਗਾ।

all pic credit - social media