ਦਮ ਆਲੂ ਇੱਕ ਅਜਿਹੀ ਸਬਜ਼ੀ ਹੈ ਜੋ ਲਗਪਗ ਹਰ ਕਿਸੇ ਨੂੰ ਪਸੰਦ ਹੁੰਦੀ ਹੈ। ਬੱਚਿਆਂ ਤੋਂ ਲੈ ਕੇ ਵੱਡਿਆਂ ਤੱਕ ਹਰ ਕੋਈ ਦਮ ਆਲੂ ਨੂੰ ਬਹੁਤ ਪਸੰਦ ਕਰਦਾ ਹੈ।
ਆਲੂ (ਮੱਧਮ ਆਕਾਰ ਦੇ) - 6-7 ਪਿਆਜ਼ 2, ਟਮਾਟਰ 2, ਅਦਰਕ-ਲਸਣ ਦਾ ਪੇਸਟ 2 ਚਮਚ ,ਹਰੀ ਮਿਰਚ 2 ,ਦਹੀਂ - 1 ਕੱਪ ,ਕਸ਼ਮੀਰੀ ਲਾਲ ਮਿਰਚ ਪਾਊਡਰ - 1 ਚਮਚ ,ਧਨੀਆ ਪਾਊਡਰ - 1 ਚਮਚ ,ਗਰਮ ਮਸਾਲਾ - 1/2 ਚਮਚ
ਹਲਦੀ ਪਾਊਡਰ 1/2 ਚਮਚ ,ਜੀਰਾ 1 ਚਮਚਾ, ਹਿੰਗ ਇੱਕ ਚੁਟਕੀ ,ਬੇ ਪੱਤਾ 2, ਦਾਲਚੀਨੀ 1 ਇੰਚ, ਲੌਂਗ 2-3 ,ਕਾਲੀ ਮਿਰਚ 5-6 ,ਤੇਲ 2-3 ਚੱਮਚ ,ਲੂਣ ,ਕਸੂਰੀ ਮੇਥੀ 1/2 ਚਮਚ ਧਨੀਆ ਪੱਤੇ।
ਸਭ ਤੋਂ ਪਹਿਲਾਂ ਆਲੂਆਂ ਨੂੰ ਚੰਗੀ ਤਰ੍ਹਾਂ ਧੋ ਕੇ ਉਬਾਲ ਲਓ। ਜਦੋਂ ਆਲੂ ਨਰਮ ਹੋ ਜਾਣ ਤਾਂ ਉਨ੍ਹਾਂ ਨੂੰ ਛਿੱਲ ਕੇ ਦੋ ਟੁਕੜਿਆਂ ਵਿੱਚ ਕੱਟ ਲਓ। ਇਸ ਤੋਂ ਬਾਅਦ ਇਕ ਪੈਨ ਵਿਚ ਤੇਲ ਗਰਮ ਕਰੋ।
ਜੀਰਾ, ਹਿੰਗ, ਬੇ ਪੱਤੇ, ਦਾਲਚੀਨੀ, ਲੌਂਗ ਅਤੇ ਕਾਲੀ ਮਿਰਚ ਪਾਓ ਅਤੇ ਇਸ ਨੂੰ ਮਿਕਸ ਕਰੋ। ਹੁਣ ਪਿਆਜ਼ ਪਾ ਕੇ ਸੁਨਹਿਰੀ ਹੋਣ ਤੱਕ ਭੁੰਨ ਲਓ।
ਟਮਾਟਰ, ਅਦਰਕ-ਲਸਣ ਦਾ ਪੇਸਟ ਤੇ ਹਰੀ ਮਿਰਚ ਪਾ ਕੇ ਭੁੰਨ ਲਓ। ਜਦੋਂ ਟਮਾਟਰ ਪਿਘਲ ਜਾਣ ਤਾਂ ਕਸ਼ਮੀਰੀ ਲਾਲ ਮਿਰਚ ਪਾਊਡਰ, ਧਨੀਆ ਪਾਊਡਰ, ਗਰਮ ਮਸਾਲਾ ਤੇ ਹਲਦੀ ਪਾਊਡਰ ਪਾ ਕੇ ਚੰਗੀ ਤਰ੍ਹਾਂ ਮਿਕਸ ਕਰ ਲਓ।
ਹੁਣ ਇਸ 'ਚ ਦਹੀਂ ਪਾਓ ਤੇ ਘੱਟ ਅੱਗ 'ਤੇ ਪਕਾਓ। ਦਹੀਂ ਦੇ ਗਾੜ੍ਹੇ ਹੋਣ ਤੱਕ ਪਕਾਓ। ਇਸ ਤੋਂ ਬਾਅਦ ਜਦੋਂ ਦਹੀਂ ਗਾੜ੍ਹਾ ਹੋ ਜਾਵੇ ਤਾਂ ਇਸ 'ਚ ਉਬਲੇ ਹੋਏ ਆਲੂ ਪਾਓ ਅਤੇ ਚੰਗੀ ਤਰ੍ਹਾਂ ਮਿਲਾਓ।
ਫਿਰ ਢੱਕਣ ਢੱਕ ਕੇ 5-7 ਮਿੰਟਾਂ ਲਈ ਘੱਟ ਅੱਗ 'ਤੇ ਪਕਾਓ। ਅੰਤ ਵਿੱਚ ਕਸੂਰੀ ਮੇਥੀ ਅਤੇ ਧਨੀਆ ਪੱਤੇ ਨਾਲ ਗਾਰਨਿਸ਼ ਕਰੋ।
ਦਮ ਆਲੂ ਨੂੰ ਹੋਰ ਵੀ ਸੁਆਦੀ ਬਣਾਉਣ ਲਈ ਤੁਸੀਂ ਇਸ 'ਚ ਥੋੜ੍ਹੀ ਜਿਹੀ ਕਰੀਮ ਵੀ ਪਾ ਸਕਦੇ ਹੋ। ਜੇਕਰ ਤੁਹਾਨੂੰ ਮਸਾਲੇਦਾਰ ਪਸੰਦ ਹੈ ਤਾਂ ਤੁਸੀਂ ਹਰੀ ਮਿਰਚ ਦੀ ਮਾਤਰਾ ਵਧਾ ਸਕਦੇ ਹੋ।