ਘਰ 'ਚ ਰੋਟੀ ਤੋਂ ਤਿਆਰ ਕਰੋ ਇਹ ਹੈਲਦੀ ਨੂਡਲਜ਼

ਰੋਟੀ ਨੂਡਲਜ਼

ਰੋਟੀ ਤੋਂ ਚਾਓਮੀਨ ਬਣਾਉਣ ਲਈ ਦੋ ਰੋਟੀਆਂ ਨੂੰ ਇੱਕ ਦੇ ਉੱਪਰ ਰੱਖੋ ਤੇ ਉਹਨਾਂ ਨੂੰ ਰੋਲ ਕਰੋ ਅਤੇ ਇੱਕ ਤਿੱਖੀ ਚਾਕੂ ਦੀ ਮਦਦ ਨਾਲ ਉਹਨਾਂ ਨੂੰ ਪਤਲੇ ਰੂਪ ਵਿੱਚ ਕੱਟੋ।

ਸਮੱਗਰੀ

ਬਚੀ ਹੋਈ ਰੋਟੀ-1, ਤੇਲ 2 ਚਮਚ ,ਲਸਣ, ਹਰੀ ਮਿਰਚ 2, ਪਿਆਜ਼ 2, ਗਾਜਰ-1, ਸ਼ਿਮਲਾ ਮਿਰਚ 1, ਕੱਪ ਗੋਭੀ 1/2, ਲੂਣ, 1 ਚਮਚ ਕੈਚੱਪ ,1 ਲਾਲ ਮਿਰਚ ਦੀ ਚਟਣੀ, 1 ਚਮਚ ਨਿੰਬੂ ਦਾ ਰਸ, ਧਨੀਆ ਕੱਟਿਆ ਹੋਇਆ

ਵਿਧੀ ਸਟੈਪ 1

ਸਭ ਤੋਂ ਪਹਿਲਾਂ ਬਾਕੀ ਬਚੀਆਂ ਰੋਟੀਆਂ ਨੂੰ ਦੋ ਨੂੰ ਲਪੇਟ ਕੇ ਰੋਲ ਬਣਾ ਲਓ। ਹੁਣ ਇਸ ਨੂੰ ਚਾਕੂ, ਪੀਜ਼ਾ ਕਟਰ ਜਾਂ ਕੈਂਚੀ ਦੀ ਮਦਦ ਨਾਲ ਪਤਲੀਆਂ ਪੱਟੀਆਂ ਵਿੱਚ ਕੱਟ ਲਓ।

ਸਟੈਪ 2

ਇਸ ਤੋਂ ਬਾਅਦ ਕੱਟੇ ਹੋਏ ਹਿੱਸੇ ਨੂੰ ਕਿਸੇ ਹੋਰ ਬਰਤਨ 'ਚ ਕੱਢ ਲਓ, 1/2 ਚਮਚ ਤੇਲ ਪਾਓ ਤੇ ਹੌਲੀ-ਹੌਲੀ ਮਿਲਾਓ। ਪੈਨ ਨੂੰ ਗੈਸ 'ਤੇ ਰੱਖੋ ਅਤੇ ਤੇਲ ਗਰਮ ਕਰੋ। ਹੁਣ ਲਸਣ ਪਾਓ ਅਤੇ 30 ਸਕਿੰਟਾਂ ਲਈ ਫਰਾਈ ਕਰੋ।

ਸਟੈਪ 3

ਇਸ ਵਿਚ ਹਰੀ ਮਿਰਚ ਅਤੇ ਪਿਆਜ਼ ਪਾ ਕੇ 2-3 ਮਿੰਟ ਲਈ ਭੁੰਨ ਲਓ, ਫਿਰ ਗੋਭੀ ਤੇ ਗਾਜਰ ਪਾ ਕੇ 3-4 ਮਿੰਟ ਤੱਕ ਪਕਾਓ। ਹੁਣ ਸ਼ਿਮਲਾ ਮਿਰਚ ਪਾਓ ਅਤੇ ਇੱਕ ਮਿੰਟ ਤੱਕ ਪਕਣ ਦਿਓ।

ਸਟੈਪ 4

ਨਮਕ, ਕੈਚੱਪ ਤੇ ਲਾਲ ਮਿਰਚ ਦੀ ਚਟਣੀ ਪਾ ਕੇ ਚੰਗੀ ਤਰ੍ਹਾਂ ਮਿਕਸ ਕਰ ਲਓ। ਹੁਣ ਇਸ 'ਚ ਤਿਆਰ ਰੋਟੀ ਨੂਡਲਸ ਪਾਓ ਤੇ 5 ਮਿੰਟ ਤੱਕ ਚੰਗੀ ਤਰ੍ਹਾਂ ਨਾਲ ਮਿਕਸ ਕਰੋ। ਨਿੰਬੂ ਦਾ ਰਸ ਤੇ ਕੱਟਿਆ ਹੋਇਆ ਧਨੀਆ ਪਾ ਕੇ ਸਰਵ ਕਰੋ।

ALL PHOTO CREDIT : social media