ਅੱਜ ਕੱਲ੍ਹ ਹਾਈ ਬਲੱਡ ਪ੍ਰੈਸ਼ਰ ਇੱਕ ਆਮ ਸਮੱਸਿਆ ਬਣ ਗਈ ਹੈ। ਇਹ ਬਿਮਾਰੀ ਜ਼ਿਆਦਾ ਤਣਾਅ ਲੈਣ ਅਤੇ ਸਰੀਰ ਵਿੱਚ ਸੋਡੀਅਮ ਵਧਣ ਜਾਂ ਅਸੰਤੁਲਿਤ ਹੋਣ ਕਾਰਨ ਹੁੰਦੀ ਹੈ।
ਇਸ ਸਥਿਤੀ ਵਿੱਚ, ਪੀੜਤ ਨੂੰ ਛਾਤੀ ਵਿੱਚ ਦਰਦ, ਸਾਹ ਲੈਣ ਵਿੱਚ ਤਕਲੀਫ਼, ਥਕਾਵਟ, ਤੇਜ਼ ਧੜਕਣ, ਸਿਰ ਦਰਦ, ਪਿਸ਼ਾਬ ਵਿੱਚ ਖੂਨ ਆਉਣਾ, ਤਣਾਅ ਆਦਿ ਦਾ ਸਾਹਮਣਾ ਕਰਨਾ ਪੈਂਦਾ ਹੈ
ਇਸ ਤੋਂ ਇਲਾਵਾ ਹਾਈ ਬਲੱਡ ਪ੍ਰੈਸ਼ਰ ਦਿਲ ਦੇ ਰੋਗਾਂ ਦਾ ਖ਼ਤਰਾ ਵੀ ਵਧਾਉਂਦਾ ਹੈ। ਇਸ ਦੇ ਲਈ ਬਲੱਡ ਪ੍ਰੈਸ਼ਰ ਨੂੰ ਕੰਟਰੋਲ 'ਚ ਰੱਖਣਾ ਬਹੁਤ ਜ਼ਰੂਰੀ ਹੈ। ਇਸ ਦੇ ਲਈ ਰੋਜ਼ਾਨਾ ਕਸਰਤ ਕਰੋ।
ਆਂਵਲਾ ਸਿਹਤ ਲਈ ਵਰਦਾਨ ਤੋਂ ਘੱਟ ਨਹੀਂ ਹੈ। ਆਇਰਨ, ਵਿਟਾਮਿਨ-ਸੀ, ਪੋਟਾਸ਼ੀਅਮ, ਕੈਲਸ਼ੀਅਮ, ਖਣਿਜ ਤੇ ਫਾਈਬਰ, ਐਂਟੀਆਕਸੀਡੈਂਟ ਵਰਗੇ ਸ਼ਕਤੀਸ਼ਾਲੀ ਜ਼ਰੂਰੀ ਪੌਸ਼ਟਿਕ ਤੱਤ ਹਨ, ਜੋ ਕਈ ਬਿਮਾਰੀਆਂ ਨੂੰ ਦੂਰ ਕਰਦੇ ਹਨ।
ਇਸ ਨਾਲ ਮੋਟਾਪਾ, ਸ਼ੂਗਰ ਤੇ ਹਾਈ ਬਲੱਡ ਪ੍ਰੈਸ਼ਰ 'ਚ ਰਾਹਤ ਮਿਲਦੀ ਹੈ। ਦਿਲ ਦੇ ਰੋਗਾਂ ਦਾ ਖ਼ਤਰਾ ਵੀ ਘੱਟ ਹੋ ਜਾਂਦਾ ਹੈ। ਇਸ ਤੋਂ ਇਲਾਵਾ ਵਿਟਾਮਿਨ-ਸੀ ਦੀ ਜ਼ਿਆਦਾ ਮਾਤਰਾ ਹੋਣ ਨਾਲ ਇਮਿਊਨ ਸਿਸਟਮ ਵੀ ਮਜ਼ਬੂਤ ਹੁੰਦਾ ਹੈ
2 ਕੱਪ ਪਾਣੀ ਨੂੰ ਉਬਾਲੋ। ਆਂਵਲਾ ਪਾਊਡਰ, ਦਾਲਚੀਨੀ, ਅਦਰਕ, ਲੌਂਗ, ਕਾਲੀ ਮਿਰਚ ਮਿਲਾਓ। ਇਸ ਤੋਂ ਬਾਅਦ ਚਾਹ ਨੂੰ ਕੁਝ ਦੇਰ ਲਈ ਉਬਲਣ ਦਿਓ। ਹੁਣ ਸ਼ਹਿਦ ਮਿਲਾ ਕੇ ਚਾਹ ਦਾ ਆਨੰਦ ਲਓ। ਰੋਜ਼ਾਨਾ ਦੋ ਕੱਪ ਦਾ ਸੇਵਨ ਕਰ ਸਕਦੇ ਹੋ।