ਹਰ ਸਾਲ ਸਾਉਣ ਦੀ ਪੂਰਨਮਾਸ਼ੀ ਨੂੰ ਰੱਖੜੀ ਦਾ ਤਿਉਹਾਰ ਮਨਾਇਆ ਜਾਂਦੈ। ਰੱਖੜੀ ਦਾ ਤਿਉਹਾਰ ਭੈਣ-ਭਰਾ ਦੇ ਪਿਆਰ ਦਾ ਪ੍ਰਤੀਕ ਹੈ।
ਇਸ ਦਿਨ ਭੈਣਾਂ ਆਪਣੇ ਭਰਾ ਦੇ ਗੁੱਟ 'ਤੇ ਰੱਖੜੀ ਬੰਨ੍ਹਦੀਆਂ ਹਨ ਅਤੇ ਉਸ ਦੀ ਲੰਬੀ ਉਮਰ ਦੀ ਕਾਮਨਾ ਕਰਦੀਆਂ ਹਨ। ਇਸ ਦੇ ਨਾਲ ਹੀ ਭਰਾ ਵੀ ਆਪਣੀਆਂ ਭੈਣਾਂ ਦੀ ਰੱਖਿਆ ਕਰਨ ਦਾ ਵਾਅਦਾ ਕਰਦੇ ਹਨ।
ਰੱਖੜੀ ਦਾ ਤਿਉਹਾਰ 30 ਅਗਸਤ ਨੂੰ ਮਨਾਇਆ ਜਾਵੇਗਾ। ਭਰਾ ਰੱਖੜੀ ਬੰਨ੍ਹਣ ਤੋਂ ਬਾਅਦ ਆਪਣੀਆਂ ਭੈਣਾਂ ਨੂੰ ਤੋਹਫ਼ੇ ਦਿੰਦੇ ਹਨ।
ਰਕਸ਼ਾ ਬੰਧਨ 'ਤੇ ਭੈਣ ਨੂੰ ਗਲਤੀ ਨਾਲ ਵੀ ਘੜੀ ਨਹੀਂ ਦੇਣੀ ਚਾਹੀਦੀ। ਵਾਸਤੂ ਅਨੁਸਾਰ ਘੜੀ ਗਿਫਟ ਕਰਨਾ ਅਸ਼ੁਭ ਮੰਨਿਆ ਜਾਂਦਾ ਹੈ। ਕਹਿੰਦੇ ਹਨ ਕਿ ਇਨਸਾਨ ਦਾ ਚੰਗਾ ਅਤੇ ਮਾੜਾ ਸਮਾਂ ਘੜੀ ਨਾਲ ਜੁੜਿਆ ਹੁੰਦਾ ਹੈ।
ਜੁੱਤੀਆਂ ਤੇ ਚੱਪਲਾਂ ਨੂੰ ਤੋਹਫਾ ਦੇਣਾ ਬਹੁਤ ਅਸ਼ੁੱਭ ਮੰਨਿਆ ਜਾਂਦੈ। ਭੈਣਾਂ ਨੂੰ ਤੋਹਫੇ ਦੇ ਰੂਪ 'ਚ ਜੁੱਤੀ ਜਾਂ ਚੱਪਲ ਨਾ ਦਿਓ। ਇਸ ਦਿਨ ਸ਼ੀਸ਼ਾ, ਫੋਟੋ ਫਰੇਮ, ਨੁਕੀਲੀ ਜਾਂ ਤਿੱਖੀ ਚੀਜ਼ਾਂ ਨੂੰ ਤੋਹਫ਼ੇ ਵਜੋਂ ਨਹੀਂ ਦੇਣਾ ਚਾਹੀਦਾ।
ਰੱਖੜੀ ਬੰਧਨ 'ਤੇ ਭੈਣਾਂ ਨੂੰ ਕੱਪੜੇ ਅਤੇ ਗਹਿਣੇ ਦੇਣਾ ਚੰਗਾ ਮੰਨਿਆ ਜਾਂਦਾ ਹੈ। ਕਿਹਾ ਜਾਂਦਾ ਹੈ ਕਿ ਇਸ ਨਾਲ ਦੇਵੀ ਲਕਸ਼ਮੀ ਦਾ ਆਸ਼ੀਰਵਾਦ ਪ੍ਰਾਪਤ ਹੁੰਦਾ ਹੈ। ਕਿਤਾਬਾਂ, ਲੈਪਟਾਪ, ਪੈੱਨ ਆਦਿ ਵੀ ਦੇ ਸਕਦੇ ਹੋ।