ਕੀ ਤੁਸੀਂ ਵੀ ਖੁਆਉਂਦੇ ਹੋ ਇੱਕ ਸਾਲ ਦੇ ਬੱਚੇ ਨੂੰ ਨਮਕ ਤਾਂ ਹੋ ਜਾਓ ਸਾਵਧਾਨ

ਛੋਟੇ ਬੱਚੇ ਦੀ ਖੁਰਾਕ ਵੱਡੇ ਬੱਚਿਆਂ ਨਾਲੋਂ ਕਾਫ਼ੀ ਵੱਖਰੀ ਹੁੰਦੀ ਹੈ। ਕਈ ਵਾਰ ਜਦੋਂ ਬੱਚਾ 6 ਮਹੀਨੇ ਦਾ ਹੋ ਜਾਂਦਾ ਹੈ, ਤਾਂ ਘਰ ਦੇ ਲੋਕ ਉਸਨੂੰ ਕੁਝ ਨਾ ਕੁਝ ਦੇਣਾ ਸ਼ੁਰੂ ਕਰ ਦਿੰਦੇ ਹਨ, ਜਿਵੇਂ ਕਿ ਦਾਲ ਦਾ ਪਾਣੀ, ਕਈ ਵਾਰ ਦਾਲ ਅਤੇ ਚੌਲ ਇਕੱਠੇ ਰਿੰਨੇ ਜਾਂਦੇ ਹਨ।

ਗੁਰਦੇ ਵਿਕਸਤ ਨਹੀਂ ਹੁੰਦੈ

ਬੱਚਿਆਂ ਦੇ ਗੁਰਦੇ ਪੂਰੀ ਤਰ੍ਹਾਂ ਵਿਕਸਤ ਨਹੀਂ ਹੁੰਦੇ। ਅਜਿਹੀ ਸਥਿਤੀ ਵਿੱਚ, ਜ਼ਿਆਦਾ ਨਮਕ ਉਨ੍ਹਾਂ ਦੇ ਗੁਰਦਿਆਂ ਲਈ ਬੋਝ ਬਣ ਜਾਂਦਾ ਹੈ। ਬੱਚਿਆਂ ਦੇ ਗੁਰਦੇ ਖੂਨ ਵਿੱਚੋਂ ਵਾਧੂ ਨਮਕ ਨੂੰ ਪ੍ਰਭਾਵਸ਼ਾਲੀ ਢੰਗ ਨਾਲ ਕੱਢਣ ਦੇ ਯੋਗ ਨਹੀਂ ਹੁੰਦੇ।

ਪੱਥਰੀ ਬਣਦੀ ਹੈ

ਬਹੁਤ ਜ਼ਿਆਦਾ ਸੋਡੀਅਮ ਸਰੀਰ ਵਿੱਚੋਂ ਕੈਲਸ਼ੀਅਮ ਨੂੰ ਬਾਹਰ ਕੱਢ ਸਕਦਾ ਹੈ। ਇਹ ਕੈਲਸ਼ੀਅਮ ਗੁਰਦਿਆਂ ਵਿੱਚ ਇਕੱਠਾ ਹੋ ਸਕਦਾ ਹੈ ਅਤੇ ਪੱਥਰੀ ਬਣਾ ਸਕਦਾ ਹੈ।

ਹਾਈਪਰਟੈਨਸ਼ਨ ਹੁੰਦੀ ਹੈ

ਜਿਨ੍ਹਾਂ ਬੱਚਿਆਂ ਨੂੰ ਬਚਪਨ ਵਿੱਚ ਜ਼ਿਆਦਾ ਨਮਕ ਦਿੱਤਾ ਜਾਂਦਾ ਹੈ, ਉਨ੍ਹਾਂ ਨੂੰ ਵੱਡੇ ਹੋ ਕੇ ਹਾਈਪਰਟੈਨਸ਼ਨ ਹੋਣ ਦੀ ਸੰਭਾਵਨਾ ਜ਼ਿਆਦਾ ਹੁੰਦੀ ਹੈ।

ਪਾਣੀ ਦੀ ਕਮੀ

ਜ਼ਿਆਦਾ ਨਮਕ ਸਰੀਰ ਵਿੱਚ ਪਾਣੀ ਦੀ ਕਮੀ ਦਾ ਕਾਰਨ ਬਣ ਸਕਦਾ ਹੈ। ਇਸ ਨਾਲ ਬੱਚਿਆਂ ਵਿੱਚ ਡੀਹਾਈਡਰੇਸ਼ਨ ਦਾ ਖ਼ਤਰਾ ਵੱਧ ਜਾਂਦਾ ਹੈ

ਕੈਲਸ਼ੀਅਮ ਦੀ ਕਮੀ

ਨਮਕ ਸਰੀਰ ਵਿੱਚੋਂ ਕੈਲਸ਼ੀਅਮ ਨੂੰ ਬਾਹਰ ਕੱਢ ਦਿੰਦਾ ਹੈ, ਜਿਸ ਨਾਲ ਹੱਡੀਆਂ ਵਿੱਚ ਕੈਲਸ਼ੀਅਮ ਦੀ ਕਮੀ ਹੋ ਸਕਦੀ ਹੈ। ਬਾਅਦ ਵਿੱਚ, ਤੁਹਾਡੇ ਬੱਚੇ ਦੀਆਂ ਹੱਡੀਆਂ ਕਮਜ਼ੋਰ ਅਤੇ ਪਤਲੀਆਂ ਹੋ ਸਕਦੀਆਂ ਹਨ।