ਨਾਸ਼ਤੇ 'ਚ ਜਲਦੀ ਬਣਾਓ ਬੱਚਿਆਂ ਦਾ ਮਨਪਸੰਦ Creamy Veg Sandwich

ਸਮੱਗਰੀ:

ਬਰੈੱਡ ਦੇ ਟੁਕੜੇ (ਮਲਟੀਗ੍ਰੇਨ ਜਾਂ ਚਿੱਟੀ ਬਰੈੱਡ) - 6-8 ,ਉਬਲੇ ਹੋਏ ਆਲੂ 2 ,ਪਿਆਜ਼ 1 ( ਕੱਟਿਆ ਹੋਇਆ) ,ਟਮਾਟਰ 1 (ਕੱਟਿਆ ਹੋਇਆ), ਪਨੀਰ- 2 ਚਮਚੇ, ਹਰੀ ਚਟਨੀ ਜਾਂ ਟਮਾਟਰ ਕੈਚੱਪ - ਪਰੋਸਣ ਲਈ

ਹਰੀ ਮਿਰਚ - 1 (ਬਾਰੀਕ ਕੱਟੀ ਹੋਈ),ਧਨੀਆ ਪੱਤੇ - 2-3 ਚਮਚ (ਬਾਰੀਕ ਕੱਟਿਆ ਹੋਇਆ) ,ਨਮਕ - ਸੁਆਦ ਅਨੁਸਾਰ,ਕਾਲੀ ਮਿਰਚ ਪਾਊਡਰ - 1/2 ਚਮਚ ,ਚਾਟ ਮਸਾਲਾ - 1/2 ਚਮਚ ,ਮੱਖਣ ਜਾਂ ਮੇਅਨੀਜ਼ - 2-3 ਚਮਚੇ।

ਵਿਧੀ ਸਟੈਪ 1

ਵੱਡੇ ਕਟੋਰੇ ਵਿੱਚ ਉਬਲੇ ਹੋਏ ਆਲੂ ਲਓ ਤੇ ਮੈਸ਼ ਕਰੋ। ਬਾਰੀਕ ਕੱਟਿਆ ਹੋਇਆ ਪਿਆਜ਼, ਟਮਾਟਰ, ਹਰੀ ਮਿਰਚ ਤੇ ਧਨੀਆ ਪੱਤੇ ਪਾਓ।ਹੁਣ ਨਮਕ, ਕਾਲੀ ਮਿਰਚ ਪਾਊਡਰ, ਚਾਟ ਮਸਾਲਾ ਪਾਓ ਅਤੇ ਚੰਗੀ ਤਰ੍ਹਾਂ ਮਿਲਾਓ।

ਸਟੈਪ 2

ਬੱਚਿਆਂ ਦੇ ਸੁਆਦ ਅਨੁਸਾਰ ਮਸਾਲੇ ਪਾਓ।ਇਸ ਮਿਸ਼ਰਣ ਵਿੱਚ 2-3 ਚਮਚ ਮੇਅਨੀਜ਼ ਜਾਂ ਮੱਖਣ ਪਾਓ। ਜੇ ਤੁਸੀਂ ਚਾਹੋ, ਤਾਂ ਤੁਸੀਂ ਇਸ ਵਿੱਚ ਥੋੜ੍ਹਾ ਜਿਹਾ ਪਨੀਰ ਸਪ੍ਰੈਡ ਵੀ ਪਾ ਸਕਦੇ ਹੋ।

ਸਟੈਪ 3

ਹੁਣ ਬਰੈੱਡ ਦੇ ਟੁਕੜੇ ਲਓ ਅਤੇ ਉਨ੍ਹਾਂ ਨੂੰ ਹਲਕਾ ਜਿਹਾ ਟੋਸਟ ਕਰੋ। ਟੋਸਟ ਕਰਨ ਨਾਲ ਸੈਂਡਵਿਚ ਕੁਰਕੁਰਾ ਅਤੇ ਸੁਆਦੀ ਹੋ ਜਾਂਦਾ ਹੈ।ਤਿਆਰ ਕਰੀਮੀ ਸਬਜ਼ੀਆਂ ਦੇ ਮਿਸ਼ਰਣ ਨੂੰ ਟੋਸਟ ਕੀਤੇ ਬਰੈੱਡ ਦੇ ਟੁਕੜਿਆਂ 'ਤੇ ਬਰਾਬਰ ਫੈਲਾਓ

ਸਟੈਪ 4

ਜੇਕਰ ਤੁਸੀਂ ਚਾਹੋ ਤਾਂ ਇਸ 'ਤੇ ਹਰੀ ਚਟਨੀ ਜਾਂ ਟਮਾਟਰ ਕੈਚੱਪ ਦੀ ਪਰਤ ਵੀ ਲਗਾ ਸਕਦੇ ਹੋ। ਇੱਕ ਬਰੈੱਡ ਸਲਾਈਸ 'ਤੇ ਮਿਸ਼ਰਣ ਫੈਲਾਉਣ ਤੋਂ ਬਾਅਦ, ਦੂਜੀ ਸਲਾਈਸ ਉੱਪਰ ਰੱਖੋ ਅਤੇ ਇਸਨੂੰ ਹਲਕਾ ਜਿਹਾ ਦਬਾਓ।

ਸਟੈਪ 5

ਸੈਂਡਵਿਚ ਨੂੰ ਤਿਰਛੇ ਕੱਟੋ ਤੇ ਬੱਚਿਆਂ ਨੂੰ ਪਰੋਸੋ। ਤੁਸੀਂ ਇਸਨੂੰ ਟਮਾਟਰ ਕੈਚੱਪ ਜਾਂ ਹਰੀ ਚਟਨੀ ਨਾਲ ਪਰੋਸ ਸਕਦੇ ਹੋ।