ਪੀਰੀਅਡ ਵਾਲੇ ਦਿਨ ਕਿਸੇ ਵੀ ਔਰਤ ਲਈ ਔਖੇ ਹੁੰਦੇ ਹਨ। ਇਸ ਦੌਰਾਨ ਕੁਝ ਔਰਤਾਂ ਅਸਹਿਣਸ਼ੀਲ ਦਰਦ ਮਹਿਸੂਸ ਕਰਦੀਆਂ ਹਨ।
ਮਾਹਵਾਰੀ ਵਿੱਚ ਹਲਕੇ ਕੜਵੱਲ ਆਮ ਹੁੰਦੇ ਹਨ, ਪਰ ਜੇਕਰ ਤੁਹਾਨੂੰ ਵਧੇਰੇ ਦਰਦ, PMS ਨਾਲ ਵਧੇਰੇ ਸਮੱਸਿਆਵਾਂ ਅਤੇ ਵਧੇਰੇ ਵਹਾਅ ਹੈ, ਤਾਂ ਇਹ ਤੁਹਾਡੇ ਹਾਰਮੋਨਲ ਅਸੰਤੁਲਨ ਦੇ ਕਾਰਨ ਹੋ ਸਕਦਾ ਹੈ।
ਪੀਰੀਅਡਜ਼ ਦੌਰਾਨ ਕੈਫੀਨ ਵਾਲੇ ਪੀਣ ਵਾਲੇ ਪਦਾਰਥਾਂ ਤੇ ਜ਼ਿਆਦਾ ਮਸਾਲੇਦਾਰ ਭੋਜਨ ਤੋਂ ਦੂਰੀ ਬਣਾਈ ਰੱਖਣੀ ਚਾਹੀਦੀ ਹੈ। ਇਹ ਸਰੀਰ 'ਚ ਖੁਸ਼ੀ ਦੇ ਹਾਰਮੋਨ ਦੇ ਪੱਧਰ ਨੂੰ ਘਟਾਉਂਦੈ ਤੇ ਤਣਾਅ ਵਾਲੇ ਹਾਰਮੋਨ ਕੋਰਟੀਸੋਲ ਦੇ ਪੱਧਰ ਨੂੰ ਵਧਾਉਂਦੈ।
ਇਸ ਨਾਲ ਖੂਨ ਜ਼ਿਆਦਾ ਵਹਿ ਸਕਦਾ ਹੈ ਤੇ ਕੁਝ ਹੱਦ ਤਕ ਤਕਲੀਫ ਵੀ ਹੋ ਸਕਦੀ ਹੈ, ਇਸ ਲਈ ਇਨ੍ਹਾਂ ਤੋਂ ਬਚਣਾ ਚਾਹੀਦਾ ਹੈ।
ਇਸ ਸਮੇਂ ਦੌਰਾਨ ਜ਼ਿਆਦਾ ਕਸਰਤ, ਕੁਝ ਯੋਗਾਸਨ ਅਤੇ ਪ੍ਰਾਣਾਯਾਮ ਨਹੀਂ ਕਰਨੇ ਚਾਹੀਦੇ। ਮਾਹਵਾਰੀ ਦੇ ਦੌਰਾਨ ਭਸਤਿਕਾ ਅਤੇ ਕਪਾਲਭਾਤੀ ਨਹੀਂ ਕਰਨੀ ਚਾਹੀਦੀ। ਤੁਸੀਂ ਜ਼ਿਆਦਾ ਥਕਾਵਟ ਅਤੇ ਡੀਹਾਈਡ੍ਰੇਟ ਮਹਿਸੂਸ ਕਰੋਗੇ।
ਜੇ ਤੁਸੀਂ ਰਾਤ ਨੂੰ ਜ਼ਿਆਦਾ ਦੇਰ ਤੱਕ ਜਾਗਦੇ ਹੋ, ਤਾ ਤੁਹਾਡੇ ਮੈਟਾਬੋਲਿਜ਼ਮ 'ਤੇ ਵੀ ਸਿੱਧਾ ਅਸਰ ਪੈਂਦਾ ਹੈ। ਇਸ ਕਾਰਨ ਤੁਸੀਂ ਕਮਜ਼ੋਰੀ ਅਤੇ ਥਕਾਵਟ ਮਹਿਸੂਸ ਕਰ ਸਕਦੇ ਹੋ। ਪੀਰੀਅਡਸ ਦੌਰਾਨ ਊਰਜਾ ਦਾ ਪੱਧਰ ਘੱਟ ਰਹਿੰਦਾ ਹੈ।