ਬਿੱਗ ਬੌਸ ਤੋਂ ਬਾਅਦ ਡਿਪ੍ਰੈਸ਼ਨ ਦਾ ਸ਼ਿਕਾਰ ਹੋਈ ਸੀ ਹਿਮਾਂਸ਼ੀ ਖੁਰਾਨਾ, ਦੱਸਿਆ ਆਪਣਾ ਦਰਦ

ਬਿੱਗ ਬੌਸ

ਬਿੱਗ ਬੌਸ ਦਾ ਘਰ ਇਕ ਅਜਿਹੀ ਜਗ੍ਹਾ ਹੈ, ਜਿੱਥੇ ਕਿਹਾ ਜਾਂਦਾ ਹੈ ਕਿ ਇਸ ਸ਼ੋਅ ਤੋਂ ਬਾਅਦ ਕੰਟੈਸਟੈਂਟਸ ਦੀ ਜ਼ਿੰਦਗੀ ਬਦਲ ਜਾਂਦੀ ਹੈ।

ਕੰਟੈਸਟੈਂਟਸ

ਜ਼ਿਆਦਾਤਰ ਕੰਟੈਸਟੈਂਟਸ ਨੂੰ ਨਵੇਂ ਆਫਰਜ਼ ਮਿਲਦੇ ਹਨ, ਵਿੱਤੀ ਤੌਰ 'ਤੇ ਵੀ ਬਹੁਤ ਸਾਰੇ ਕੰਟੈਸਟੈਂਟਸ ਨੂੰ ਚੰਗੀ ਮਦਦ ਮਿਲਦੀ ਹੈ। ਕੁਝ ਅਜਿਹੇ ਮੁਕਾਬਲੇਬਾਜ਼ ਵੀ ਹਨ, ਜਿਨ੍ਹਾਂ ਦੇ ਨਾਲ ਹਾਲਾਤ ਇਸ ਦੇ ਉਲਟ ਰਹਿੰਦੇ ਹਨ।

ਹਿਮਾਂਸ਼ੀ

ਬਿੱਗ ਬੌਸ 13 ਦੀ ਸਾਬਕਾ ਕੰਟੈਸਟੈਂਟ ਹਿਮਾਂਸ਼ੀ ਖੁਰਾਣਾ ਨਾਲ ਹੋਇਆ। ਉਨ੍ਹਾਂ ਨੇ ਸ਼ੋਅ ਤੋਂ ਬਾਹਰ ਆਉਣ ਤੋਂ ਬਾਅਦ ਆਪਣੀ ਜ਼ਿੰਦਗੀ 'ਚ ਆਏ ਨਕਾਰਾਤਮਕ ਬਦਲਾਅ ਬਾਰੇ ਮੀਡੀਆ 'ਚ ਗੱਲ ਕੀਤੀ ਹੈ।

ਬਿੱਗ ਬੌਸ 13 ਤੋਂ ਬਾਅਦ ਇੰਝ ਬਦਲੀ ਜ਼ਿੰਦਗੀ

ਹਿਮਾਂਸ਼ੀ ਖੁਰਾਣਾ ਪੰਜਾਬੀ ਇੰਡਸਟਰੀ ਦੀ ਮਸ਼ਹੂਰ ਅਦਾਕਾਰਾ ਹੈ। ਉਨ੍ਹਾਂ 2019 'ਚ ਬਿੱਗ ਬੌਸ 13 'ਚ ਹਿੱਸਾ ਲਿਆ ਸੀ। ਬਿੱਗ ਬੌਸ 13 ਤੋਂ ਬਾਹਰ ਆਉਣ ਤੋਂ ਬਾਅਦ ਹਿਮਾਂਸ਼ੀ ਡਿਪ੍ਰੈਸ਼ਨ 'ਚ ਚਲੀ ਗਈ।

ਨਹੀਂ ਮਿਲੇ ਚੰਗੇ ਆਫਰਜ਼

ਇਸ ਸ਼ੋਅ ਤੋਂ ਬਾਹਰ ਆਉਣ ਤੋਂ ਬਾਅਦ ਉਸ ਦੇ ਪ੍ਰਸ਼ੰਸਕਾਂ ਨੂੰ ਲੱਗਾ ਕਿ ਹਿਮਾਂਸ਼ੀ ਦੀ ਜ਼ਿੰਦਗੀ ਪੇਸ਼ੇਵਰ ਤੌਰ 'ਤੇ ਬਦਲਣ ਵਾਲੀ ਹੈ। ਉਨ੍ਹਾਂ ਨੂੰ ਕਈ ਚੰਗੇ ਆਫਰ ਮਿਲਣਗੇ ਪਰ ਅਜਿਹਾ ਨਹੀਂ ਹੋਇਆ।

ਪੰਜਾਬੀ ਫਿਲਮ ਇੰਡਸਟਰੀ

ਪੰਜਾਬੀ ਫਿਲਮ ਇੰਡਸਟਰੀ 'ਚ ਨਾਂ ਕਮਾਉਣ ਤੋਂ ਬਾਅਦ ਹਿਮਾਂਸ਼ੀ ਨੂੰ ਬਿੱਗ ਬੌਸ 13 ਦਾ ਆਫਰ ਮਿਲਿਆ। ਸ਼ੋਅ 'ਚ ਆਸਿਮ ਰਿਆਜ਼ ਨਾਲ ਉਨ੍ਹਾਂ ਦੀ ਚੰਗੀ ਦੋਸਤੀ ਹੋ ਗਈ ਸੀ।

ਇਹ ਸੀ ਅਸਲੀਅਤ

ਰਿਪੋਰਟ ਮੁਤਾਬਕ ਹਿਮਾਂਸ਼ੀ ਨੇ ਕਿਹਾ ਕਿ ਜਦੋਂ ਉਹ ਬਿੱਗ ਬੌਸ 'ਚ ਗਈ ਤਾਂ ਉਸ ਨੂੰ ਲੱਗਾ ਕਿ ਜ਼ਿੰਦਗੀ ਬਦਲਣ ਵਾਲੀ ਹੈ। ਮੈਂ ਉੱਥੇ ਇੰਨੀ ਨੈਗੇਟਿਵਿਟੀ ਦਾ ਸਾਹਮਣਾ ਕੀਤਾ ਕਿ ਮੈਨੂੰ ਉਥੋਂ ਬਾਹਰ ਆਉਣ ਲਈ 2 ਸਾਲ ਲੱਗ ਗਏ।

ਸ਼ੂਟਸ 'ਤੇ ਜਾਣ ਤੋਂ ਪਹਿਲਾਂ ਆਉਂਦੇ ਸੀ ਪੈਨਿਕ ਅਟੈਕ

ਹਿਮਾਂਸ਼ੀ ਨੇ ਕਿਹਾ, 'ਮੈਂ ਡਿਪ੍ਰੈਸ਼ਨ 'ਚ ਚਲੀ ਗਈ ਸੀ। ਇਸ ਦਾ ਅਸਰ ਮੇਰੇ ਦਿਲ 'ਤੇ ਹੋਇਆ। ਇਵੈਂਟਸ, ਸ਼ੂਟਸ 'ਤੇ ਜਾਣ ਤੋਂ ਪਹਿਲਾਂ ਮੈਨੂੰ ਪੈਨਿਕ ਅਟੈਕ ਆਉਂਦੇ ਸੀ। ਇਸ ਤੋਂ ਬਾਅਦ ਮੈਨੂੰ ਹਸਪਤਾਲ ਲਿਜਾਇਆ ਗਿਆ।'

ਫਾਇਦੇਮੰਦ ਸਾਬਿਤ ਨਹੀਂ ਹੋਇਆ ਰਿਐਲਿਟੀ ਸ਼ੋਅ 'ਚ ਕੰਮ ਕਰਨਾ

ਹਿਮਾਂਸ਼ੀ ਖੁਰਾਨਾ ਨੇ ਦੱਸਿਆ ਕਿ ਰਿਐਲਿਟੀ ਸ਼ੋਅਜ਼ 'ਚ ਕੰਮ ਕਰਨਾ ਉਸ ਲਈ ਲਾਹੇਵੰਦ ਸਾਬਿਤ ਨਹੀਂ ਹੋਇਆ। ਅਦਾਕਾਰਾ ਨੇ ਕਿਹਾ, 'ਰਿਐਲਿਟੀ ਸ਼ੋਅ 'ਚ ਕੰਮ ਕਰਨਾ ਜ਼ਿੰਦਗੀ ਦਾ ਚੰਗਾ ਅਨੁਭਵ ਨਹੀਂ ਹੈ।

ਫ਼ਿਲਮਾਂ

ਹਿਮਾਂਸ਼ੀ ਖੁਰਾਣਾ ਪੰਜਾਬੀ ਫਿਲਮ ਇੰਡਸਟਰੀ ਦਾ ਜਾਣਿਆ-ਪਛਾਣਿਆ ਚਿਹਰਾ ਹੈ। ਅਦਾਕਾਰਾ ਨੇ 'ਸਾਡਾ ਹੱਕ', 'ਲੈਦਰ ਲਾਈਫ', 'ਦੋ ਬੋਲ', 'ਅਫ਼ਸਰ' ਅਤੇ 'ਸ਼ਾਵਾ ਨੀ ਗਿਰਧਾਰੀ ਲਾਲ' ਵਰਗੀਆਂ ਕਈ ਫ਼ਿਲਮਾਂ 'ਚ ਕੰਮ ਕੀਤਾ ਹੈ।

ALL PHOTO CREDIT : INSTAGRAM