ਕੱਟੇ ਹੋਏ ਬੁੱਲ੍ਹ ਹੋ ਜਾਣਗੇ ਨਰਮ , ਬਣਾਓ ਘਰੇਲੂ ਲਿਪ ਬਾਮ

ਬਦਲਦੇ ਮੌਸਮ ਜਾਂ ਸਰਦੀਆਂ ਵਿੱਚ ਸਾਡੀ ਚਮੜੀ ਅਕਸਰ ਖੁਸ਼ਕ ਹੋਣ ਲੱਗਦੀ ਹੈ। ਚਮੜੀ ਦੇ ਨਾਲ-ਨਾਲ ਬੁੱਲ੍ਹ ਫਟੇ ਹੋਣ ਅਤੇ ਖੁਸ਼ਕੀ ਦੀ ਸਮੱਸਿਆ ਵੀ ਆਮ ਹੈ। ਸਰੀਰ ਦੇ ਬਾਕੀ ਹਿੱਸਿਆਂ ਦੇ ਮੁਕਾਬਲੇ ਬੁੱਲ੍ਹਾਂ ਦੀ ਚਮੜੀ ਬਹੁਤ ਨਰਮ ਹੁੰਦੀ ਹੈ।

ਬੁੱਲ੍ਹ ਫਟੇ ਹੋਣ ਦੀ ਸਮੱਸਿਆ

ਸਰਦੀਆਂ ਦੇ ਮੌਸਮ 'ਚ ਬੁੱਲ੍ਹ ਫਟੇ ਹੋਣ ਦੀ ਸਮੱਸਿਆ ਜ਼ਿਆਦਾ ਹੁੰਦੀ ਹੈ। ਅਜਿਹੇ 'ਚ ਅਸੀਂ ਬਾਜ਼ਾਰਾਂ 'ਚ ਮਿਲਣ ਵਾਲੇ ਲਿਪ ਬਾਮ ਦੀ ਵਰਤੋਂ ਸ਼ੁਰੂ ਕਰ ਦਿੰਦੇ ਹਾਂ ਪਰ ਇਸ ਦਾ ਵੀ ਬੁੱਲ੍ਹਾਂ 'ਤੇ ਜ਼ਿਆਦਾ ਅਸਰ ਨਹੀਂ ਹੁੰਦਾ।

ਸਮੱਗਰੀ

ਐਵੋਕਾਡੋ ਤੇਲ - 1 ਚਮਚ, ਰੋਜ਼ਮੇਰੀ - 1 ਚਮਚ ,ਬਦਾਮ ਰੋਗਨ - 1 ਚਮਚ

ਬਣਾਉਣ ਦੀ ਵਿਧੀ

ਸਭ ਤੋਂ ਪਹਿਲਾਂ ਇੱਕ ਕਟੋਰੀ ਵਿੱਚ ਐਵੋਕਾਡੋ ਆਇਲ, ਰੋਜ਼ਮੇਰੀ ਅਤੇ ਬਦਾਮ ਦਾ ਤੇਲ ਲਓ। ਹੁਣ ਇਨ੍ਹਾਂ ਤਿੰਨਾਂ ਚੀਜ਼ਾਂ ਨੂੰ ਚੰਗੀ ਤਰ੍ਹਾਂ ਮਿਲਾ ਲਓ। ਇਸ ਨੂੰ ਕਿਸੇ ਵੀ ਡੱਬੇ 'ਚ ਰੱਖੋ ਅਤੇ ਰੋਜ਼ਾਨਾ ਸਵੇਰੇ-ਸ਼ਾਮ ਬੁੱਲ੍ਹਾਂ 'ਤੇ ਲਗਾਓ।

ਐਵੋਕਾਡੋ ਤੇਲ ਦੇ ਫਾਇਦੇ

ਐਵੋਕਾਡੋ ਤੇਲ 'ਚ ਕਈ ਤਰ੍ਹਾਂ ਦੇ ਪੋਸ਼ਕ ਤੱਤ ਹੁੰਦੇ ਹਨ। ਨਾਲ ਹੀ ਇਸ ਵਿਚ ਮੌਜੂਦ ਕੋਲੇਜਨ ਬੁੱਲ੍ਹਾਂ ਦੀ ਨਮੀ ਅਤੇ ਸੁੰਦਰਤਾ ਨੂੰ ਬਣਾਈ ਰੱਖਣ ਵਿਚ ਮਦਦ ਕਰਦਾ ਹੈ।