ਨਾਸ਼ਤੇ ਵਿਚ ਸਿਰਫ਼ ਇਡਲੀ, ਪਰਾਠਾ, ਡੋਸਾ ਜਾਂ ਹਲਵਾ ਆਦਿ ਪਕਵਾਨ ਹੀ ਖਾਧੇ ਜਾਂਦੇ ਹਨ। ਬਹੁਤ ਘੱਟ ਬੱਚੇ ਸਿਹਤਮੰਦ ਚੀਜ਼ਾਂ ਖਾਣ ਦੇ ਸ਼ੌਕੀਨ ਹੁੰਦੇ ਹਨ।
ਵੇਸਨ 100 ਗ੍ਰਾਮ, ਸੁਆਦ ਅਨੁਸਾਰ ਲੂਣ, ਮਿੱਠਾ ਸੋਡਾ 1 ਚਮਚ, ਈਨੋ 1 ਚਮਚ, ਲਾਲ ਮਿਰਚ ਪਾਊਡਰ 1 ਚਮਚ, ਸਰ੍ਹੋਂ 1 ਚਮਚ, ਹਰੀ ਮਿਰਚ 4 ਕੱਟੀ ਹੋਈ, ਹੀਂਗ 1 ਚਮਚ, ਪਾਣੀ ਲੋੜ ਅਨੁਸਾਰ
ਕਟੋਰੀ ਵਿੱਚ ਵੇਸਨ, ਸੋਡਾ ਤੇ ਸਾਰੀ ਸਮੱਗਰੀ ਮਿਲਾਓ ਤੇ ਹੁਣ ਹੌਲੀ-ਹੌਲੀ ਪਾਣੀ ਪਾਓ। ਲਗਾਤਾਰ ਹਿਲਾ ਕੇ ਇਡਲੀ ਬੈਟਰ ਤਿਆਰ ਕਰੋ।
ਹੁਣ ਬੈਟਰ ਨੂੰ 15 ਮਿੰਟ ਲਈ ਢੱਕ ਕੇ ਰੱਖੋ। ਇਸ ਦੌਰਾਨ ਇਡਲੀ ਦੇ ਮੋਲਡ 'ਚ ਥੋੜ੍ਹਾ ਤੇਲ ਲਗਾ ਕੇ ਇਕ ਪਾਸੇ ਰੱਖੋ। ਇੱਕ ਵੱਡੇ ਭਾਂਡੇ ਵਿੱਚ ਪਾਣੀ ਪਾਓ ਤੇ ਇਸਨੂੰ ਗਰਮ ਕਰਨ ਲਈ ਰੱਖੋ।
ਹੁਣ ਬੈਟਰ 'ਚ ਈਨੋ ਪਾਓ ਤੇ ਹੌਲੀ-ਹੌਲੀ ਮਿਲਾਓ। ਹੁਣ ਇਸ ਨੂੰ ਇਡਲੀ ਦੇ ਮੋਲਡ 'ਚ ਪਾਓ ਤੇ 15 ਮਿੰਟ ਤਕ ਸਟੀਮ ਕਰੋ।
ਇੱਕ ਪੈਨ ਵਿੱਚ ਤੇਲ ਗਰਮ ਕਰੋ। ਫਿਰ ਸਰ੍ਹੋਂ ਅਤੇ ਹਰੀ ਮਿਰਚ ਪਾ ਕੇ ਤੜਕ ਲਓ, ਤੇ ਇਸ ਤੜਕੇ ਨੂੰ ਇਡਲੀ 'ਤੇ ਪਾਓ ਤੇ ਸਾਂਬਰ, ਹਰੀ ਚਟਨੀ ਨਾਲ ਗਰਮਾ-ਗਰਮ ਸਰਵ ਕਰੋ।