1992 'ਚ ਮਿਸ ਵਰਲਡ ਰਹਿ ਚੁੱਕੀ ਐਸ਼ਵਰਿਆ ਰਾਏ ਬੱਚਨ ਨੇ ਆਪਣੇ ਕਰੀਅਰ 'ਚ ਕਈ ਸੁਪਰਹਿੱਟ ਫਿਲਮਾਂ ਦਿੱਤੀਆਂ ਹਨ।
ਕਈ ਅਜਿਹੀਆਂ ਵੱਡੀਆਂ ਫਿਲਮਾਂ ਸਨ ਜਿਨ੍ਹਾਂ ਲਈ ਐਸ਼ਵਰਿਆ ਪਹਿਲੀ ਪਸੰਦ ਨਹੀਂ ਸੀ, ਪਰ ਉਸ ਦੇ ਕਿਰਦਾਰ ਨੇ ਉਹੀ ਫਿਲਮਾਂ ਨੂੰ ਅੱਜ ਦੇ ਦੌਰ 'ਚ ਯਾਦਗਾਰ ਬਣਾ ਦਿੱਤਾ।
ਅਦਾਕਾਰਾ ਦਾ ਅੱਜ 49ਵਾਂ ਜਨਮਦਿਨ ਹੈ।ਆਓ ਜਾਣਦੇ ਹਾਂ ਉਨ੍ਹਾਂ ਫਿਲਮਾਂ ਬਾਰੇ, ਜਿਨ੍ਹਾਂ ਲਈ ਐਸ਼ਵਰਿਆ ਪਹਿਲੀ ਪਸੰਦ ਨਹੀਂ ਸੀ, ਪਰ ਜਦੋਂ ਉਹ ਫਿਲਮ 'ਚ ਆਈ ਤਾਂ ਇਹ ਬਲਾਕਬਸਟਰ ਸਾਬਤ ਹੋਈਆਂ।
ਐਸ਼ਵਰਿਆ ਨੇ ਇਸ ਫਿਲਮ 'ਚ ਪਾਰੋ ਦਾ ਕਿਰਦਾਰ ਨਿਭਾਇਆ ਸੀ। ਇਸ ਫਿਲਮ ਲਈ ਕਰੀਨਾ ਕਪੂਰ ਨੂੰ ਫਾਈਨਲ ਕੀਤਾ ਗਿਆ ਸੀ। ਫਿਰ ਸੰਜੇ ਲੀਲਾ ਭੰਸਾਲੀ ਨੇ ਐਸ਼ਵਰਿਆ ਨੂੰ ਕਾਸਟ ਕੀਤਾ ਤੇ ਫਿਲਮ ਸੁਪਰਹਿੱਟ ਰਹੀ।
ਐਸ਼ਵਰਿਆ ਰਾਏ ਨੇ ਨਾ ਸਿਰਫ਼ ਦੇਵਦਾਸ 'ਚ ਸ਼ਾਹਰੁਖ ਦੇ ਨਾਲ ਕਰੀਨਾ ਦੀ ਥਾਂ ਲਈ, ਸਗੋਂ ਹਮ ਦਿਲ ਦੇ ਚੁਕੇ ਸਨਮ 'ਚ ਸਲਮਾਨ ਦੇ ਨਾਲ 'ਨੰਦਨੀ' ਦੀ ਭੂਮਿਕਾ ਵੀ ਨਿਭਾਈ।
ਮਣੀ ਰਤਨਮ ਦੀ ਬਲਾਕਬਸਟਰ ਫਿਲਮ ਪੋਨੀਯਿਨ ਸੇਲਵਨ 1 ਨੇ ਜ਼ਬਰਦਸਤ ਕਮਾਈ ਕੀਤੀ। ਇਸ ਫਿਲਮ 'ਚ ਉਸ ਨੇ ਰਾਣੀ ਨੰਦਿਨੀ ਦਾ ਕਿਰਦਾਰ ਨਿਭਾਇਆ ਸੀ, ਜੋ ਪਹਿਲਾਂ ਰੇਖਾ ਨੂੰ ਮਿਲਣ ਵਾਲੀ ਸੀ ।
ਉਮਰਾਓ ਜਾਨ ਫਿਲਮ ਭਾਵੇਂ ਖ਼ਾਸ ਕਮਾਲ ਨਾ ਕਰ ਸਕੀ, ਪਰ ਇਸ ਫਿਲਮ 'ਚ ਐਸ਼ਵਰਿਆ ਦੇ ਲੁੱਕਸ ਨੇ ਕਾਫੀ ਸੁਰਖੀਆਂ ਬਟੋਰੀਆਂ। ਇਸ ਦੇ ਲਈ ਨਿਰਦੇਸ਼ਕ ਦੀ ਪਹਿਲੀ ਪਸੰਦ ਪ੍ਰਿਯੰਕਾ ਚੋਪੜਾ ਸੀ।
ਐਸ਼ਵਰਿਆ ਰਾਏ ਫਿਲਮ ਮੁਹੱਬਤੇਂ 'ਚ ਅਮਿਤਾਭ ਬੱਚਨ ਦੀ ਬੇਟੀ ਤੇ ਕਿੰਗ ਖਾਨ ਦੀ ਪ੍ਰੇਮਿਕਾ ਦੀ ਭੂਮਿਕਾ ਨਿਭਾਈ। ਪਰ ਇਸ ਫਿਲਮ ਲਈ ਯਸ਼ ਚੋਪੜਾ ਦੀ ਪਹਿਲੀ ਪਸੰਦ ਐਸ਼ਵਰਿਆ ਨਹੀਂ, ਸਗੋਂ ਕਾਜੋਲ ਸੀ।