20 ਹਜ਼ਾਰ ਤੋਂ ਘੱਟ 'ਚ ਮਿਲੇਗਾ OnePlus ਦਾ ਮਜ਼ਾ ! ਅਗਲੇ ਮਹੀਨੇ ਭਾਰਤ 'ਚ ਐਂਟਰੀ ਕਰ ਸਕਦੀ ਹੈ ਨਵੀਂ 'N' ਸੀਰੀਜ਼

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : OnePlus ਅਗਲੇ ਮਹੀਨੇ ਭਾਰਤ 'ਚ ਬਜਟ ਸਮਾਰਟਫੋਨ ਦੀ ਇਕ ਨਵੀਂ ਰੇਂਜ ਲਾਂਚ ਕਰ ਸਕਦਾ ਹੈ। ਟਿਪਸਟਰ ਯੋਗੇਸ਼ ਬਰਾੜ ਦੇ ਹਵਾਲੇ ਤੋਂ ਆਈ Smartprix ਦੀ ਨਵੀਂ ਰਿਪੋਰਟ ਮੁਤਾਬਕ, ਕੰਪਨੀ 'N' ਬ੍ਰਾਂਡਿੰਗ ਤਹਿਤ ਕਿਫਾਇਤੀ ਸਮਾਰਟਫੋਨਜ਼ ਦੇ ਇੱਕ ਨਵੇਂ ਲਾਈਨਅੱਪ 'ਤੇ ਕੰਮ ਕਰ ਰਹੀ ਹੈ, ਜਿਸ ਦੇ ਕੁਝ ਮਾਡਲਾਂ ਦੀ ਕੀਮਤ 20,000 ਰੁਪਏ ਤੋਂ ਹੇਠਾਂ ਰਹਿਣ ਦੀ ਉਮੀਦ ਹੈ।

OnePlus ਦਾ ਇਹ ਸੰਭਾਵੀ ਲਾਈਨਅੱਪ ਬ੍ਰਾਂਡ ਨੂੰ ਆਪਣੇ ਫਲੈਗਸ਼ਿਪ ਤੇ ਮਿਡ-ਰੇਂਜ ਡਿਵਾਈਸਿਸ ਤੋਂ ਅੱਗੇ ਵਧ ਕੇ ਇਕ ਅਜਿਹੇ ਪ੍ਰਾਈਸ ਸੈਗਮੈਂਟ 'ਚ ਪੈਰ ਪਸਾਰਨ 'ਚ ਮਦਦ ਕਰ ਸਕਦਾ ਹੈ, ਜਿੱਥੇ ਫਿਲਹਾਲ ਇਸਦੀ ਮੌਜੂਦਗੀ ਬੇਹੱਦ ਘੱਟ ਹੈ। ਰਿਪੋਰਟ ਮੁਤਾਬਕ, OnePlus ਸਿਰਫ਼ ਇਕ ਸਿੰਗਲ ਹੈਂਡਸੈੱਟ ਲਾਂਚ ਕਰਨ ਦੀ ਪਲੈਨਿੰਗ ਨਹੀਂ ਕਰ ਰਿਹਾ ਹੈ। ਇਸਦੇ ਬਜਾਏ, ਕਿਹਾ ਜਾ ਰਿਹਾ ਹੈ ਕਿ ਕੰਪਨੀ ਵੱਖ-ਵੱਖ ਪ੍ਰਾਈਸ ਪੁਆਇੰਟਸ ਨੂੰ ਟਾਰਗੇਟ ਕਰਦੇ ਹੋਏ N ਸੀਰੀਜ਼ ਸਮਾਰਟਫੋਨਜ਼ ਦੀ ਇੱਕ ਪੂਰੀ ਫੈਮਿਲੀ ਡਿਵੈਲਪ ਕਰ ਰਹੀ ਹੈ।

ਟਿਪਸਟਰ ਯੋਗੇਸ਼ ਬਰਾੜ ਦਾ ਦਾਅਵਾ ਹੈ ਕਿ ਇਸ ਅਪਕਮਿੰਗ ਰੇਂਜ ਵਿਚ ਬਜਟ ਫ੍ਰੈਂਡਲੀ ਖਰੀਦਦਾਰਾਂ ਲਈ ਕਈ ਮਾਡਲ ਸ਼ਾਮਲ ਹੋਣਗੇ ਜੋ ਭਾਰਤ ਦੇ ਸਭ ਤੋਂ ਕੰਪੀਟੀਟਿਵ ਸਮਾਰਟਫੋਨ ਸੈਗਮੈਂਟਸ 'ਚੋਂ ਇਕ ਵਿਚ OnePlus ਨੂੰ ਜ਼ਿਆਦਾ ਤੋਂ ਜ਼ਿਆਦਾ ਗਾਹਕਾਂ ਤਕ ਪਹੁੰਚਣ 'ਚ ਮਦਦ ਕਰ ਸਕਦੇ ਹਨ।

OnePlus N ਸੀਰੀਜ਼ ਦੀ ਸੰਭਾਵੀ ਕੀਮਤ

ਵੇਖਣ ਨੂੰ ਫੋਨ ਦੇ ਸਪੈਸੀਫਿਕੇਸ਼ਨਜ਼ ਨੂੰ ਲੈ ਕੇ ਅਜੇ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ, ਪਰ ਇਸ ਲੀਕ ਦੀ ਸਭ ਤੋਂ ਵੱਡੀ ਗੱਲ ਇਸਦੀ ਕੀਮਤ ਹੈ। ਰਿਪੋਰਟ ਸੰਕੇਤ ਦਿੰਦੀ ਹੈ ਕਿ ਆਉਣ ਵਾਲੇ N ਸੀਰੀਜ਼ ਦੇ ਕੁਝ ਫੋਨਾਂ ਦੀ ਕੀਮਤ 20,000 ਰੁਪਏ ਤੋਂ ਘੱਟ ਹੋ ਸਕਦੀ ਹੈ ਜਿਸ ਸੈਗਮੈਂਟ ਵਿਚ OnePlus ਦੀ ਪਕੜ ਅਜੇ ਕਮਜ਼ੋਰ ਹੈ। ਮੌਜੂਦਾ ਸਮੇਂ OnePlus Nord CE 6 Lite ਭਾਰਤ 'ਚ ਕੰਪਨੀ ਦਾ ਸਭ ਤੋਂ ਕਿਫਾਇਤੀ ਆਫਰ ਹੈ ਜਿਸਦੀ ਸ਼ੁਰੂਆਤੀ ਕੀਮਤ 20,999 ਰੁਪਏ ਹੈ। ਹਾਲਾਂਕਿ, N ਸੀਰੀਜ਼ ਦੇ ਇਸ ਤੋਂ ਵੀ ਹੇਠਲੇ ਪ੍ਰਾਈਸ ਸੈਗਮੈਂਟ 'ਚ ਆਉਣ ਦੀ ਉਮੀਦ ਹੈ।

ਇਸ ਨਵੀਂ ਸੀਰੀਜ਼ ਦੇ ਜ਼ਰੀਏ ਖਰੀਦਦਾਰਾਂ ਨੂੰ ਘੱਟ ਕੀਮਤ 'ਚ OnePlus ਦਾ OxygenOS ਸੌਫਟਵੇਅਰ ਐਕਸਪੀਰੀਅੰਸ ਮਿਲਣ ਦੀ ਵੀ ਉਮੀਦ ਹੈ। ਪਿਛਲੇ ਕੁਝ ਸਾਲਾਂ 'ਚ OnePlus ਨੇ ਕਲੀਨ ਸੌਫਟਵੇਅਰ, ਸਮੂਦ ਪਰਫਾਰਮੈਂਸ ਅਤੇ ਰਿਲਾਇਬਲ ਹਾਰਡਵੇਅਰ ਦੇਣ ਦੇ ਮਾਮਲੇ ਵਿੱਚ ਆਪਣੀ ਇੱਕ ਖ਼ਾਸ ਪਛਾਣ ਬਣਾਈ ਹੈ। ਇਨ੍ਹਾਂ ਖ਼ੂਬੀਆਂ ਨੂੰ ਕਿਫਾਇਤੀ ਪ੍ਰਾਈਸ ਰੇਂਜ ਵਿਚ ਲਿਆਉਣਾ ਪਹਿਲੀ ਵਾਰ OnePlus ਦਾ ਫੋਨ ਖ਼ਰੀਦਣ ਵਾਲੇ ਗਾਹਕਾਂ ਨੂੰ ਆਕਰਸ਼ਿਤ ਕਰ ਸਕਦਾ ਹੈ।

N ਦਾ ਮਤਲਬ Nord ਨਹੀਂ ਹੈ

ਇਹ ਗੌਰ ਕਰਨ ਵਾਲੀ ਗੱਲ ਹੈ ਕਿ ਨਵੀਂ N ਸੀਰੀਜ਼, Nord ਲਾਈਨਅੱਪ ਤੋਂ ਵੱਖਰੀ ਕੰਪਨੀ ਦਾ ਸਟ੍ਰੇਟੇਜਿਕ ਐਕਸਪੈਂਸ਼ਨ ਹੋ ਸਕਦੀ ਹੈ। ਜਿੱਥੇ ਇਕ ਪਾਸੇ Nord ਡਿਵਾਈਸਿਸ ਨੇ ਮਿਡ-ਰੇਂਜ ਮਾਰਕੀਟ 'ਚ OnePlus ਨੂੰ ਮਜ਼ਬੂਤੀ ਨਾਲ ਸਥਾਪਿਤ ਕਰਨ ਵਿਚ ਮਦਦ ਕੀਤੀ ਹੈ, ਉੱਥੇ ਹੀ ਰਿਪੋਰਟਾਂ ਹਨ ਕਿ ਕੰਪਨੀ ਹੁਣ ਇਕ ਵੱਡੇ ਕੰਜ਼ਿਊਮਰ ਬੇਸ ਨੂੰ ਟਾਰਗੇਟ ਕਰਨਾ ਚਾਹੁੰਦੀ ਹੈ। ਹਾਲਾਂਕਿ, ਬ੍ਰਾਂਡਿੰਗ ਨੂੰ ਲੈ ਕੇ ਅਜੇ ਵੀ ਥੋੜ੍ਹੀ ਅਨਿਸ਼ਚਿਤਤਾ ਬਣੀ ਹੋਈ ਹੈ ਤੇ ਇਹ ਪੂਰੀ ਤਰ੍ਹਾਂ ਸਾਫ਼ ਨਹੀਂ ਹੈ ਕਿ ਇਹ ਨਵੇਂ ਡਿਵਾਈਸਿਸ ਪੂਰੇ ਤਰੀਕੇ ਨਾਲ ਇਕ ਵੱਖਰੀ ਸੀਰੀਜ਼ ਦੇ ਰੂਪ 'ਚ ਲਾਂਚ ਹੋਣਗੇ ਜਾਂ ਇਨ੍ਹਾਂ ਨੂੰ ਕਿਸੇ ਤਰ੍ਹਾਂ Nord ਫੈਮਿਲੀ ਨਾਲ ਹੀ ਜੋੜਿਆ ਜਾਵੇਗਾ।

ਉਪਲਬਧਤਾ ਦੀ ਗੱਲ ਕਰੀਏ ਤਾਂ ਰਿਪੋਰਟ 'ਚ ਦਾਅਵਾ ਕੀਤਾ ਗਿਆ ਹੈ ਕਿ ਇਹ ਨਵੇਂ ਸਮਾਰਟਫੋਨ ਜੁਲਾਈ 'ਚ ਭਾਰਤ ਵਿਚ ਡੈਬਿਊ ਕਰ ਸਕਦੇ ਹਨ। ਜੇਕਰ ਇਹ ਟਾਈਮਲਾਈਨ ਸਹੀ ਰਹਿੰਦੀ ਹੈ, ਤਾਂ ਆਉਣ ਵਾਲੇ ਹਫ਼ਤਿਆਂ 'ਚ ਇਨ੍ਹਾਂ ਡਿਵਾਈਸਿਸ ਦੇ ਪ੍ਰੋਸੈਸਰਸ, ਕੈਮਰਾ, ਬੈਟਰੀ ਕੈਪੇਸਿਟੀ ਅਤੇ ਫਾਈਨਲ ਪ੍ਰਾਈਸਿੰਗ ਨੂੰ ਲੈ ਕੇ ਹੋਰ ਵੀ ਡਿਟੇਲਸ ਸਾਹਮਣੇ ਆ ਸਕਦੀਆਂ ਹਨ।

ਧਿਆਨ ਦਿਓ ਕਿ OnePlus ਨੇ ਅਜੇ ਤਕ N ਸੀਰੀਜ਼ ਦੇ ਵਜੂਦ ਨੂੰ ਲੈ ਕੇ ਕੋਈ ਔਫੀਸ਼ੀਅਲ ਕਨਫਰਮੇਸ਼ਨ ਨਹੀਂ ਦਿੱਤੀ ਹੈ। ਫਿਰ ਵੀ, ਇਹ ਲੀਕ ਭਾਰਤ ਦੇ ਤੇਜ਼ੀ ਨਾਲ ਵਧਦੇ ਬਜਟ ਸਮਾਰਟਫੋਨ ਮਾਰਕੀਟ 'ਚ ਆਪਣਾ ਦਾਇਰਾ ਵਧਾਉਣ ਦੀ ਕੰਪਨੀ ਦੀ ਵੱਡੀ ਕੋਸ਼ਿਸ਼ ਵੱਲ ਇਸ਼ਾਰਾ ਕਰਦਾ ਹੈ। ਜੇਕਰ ਰਿਪੋਰਟ ਵਿੱਚ ਦੱਸੀ ਗਈ ਕੀਮਤ ਅਤੇ ਲਾਂਚ ਪਲੈਨਸ ਸੱਚ ਸਾਬਤ ਹੁੰਦੇ ਹਨ ਤਾਂ N ਸੀਰੀਜ਼ ਦੇਸ਼ ਵਿੱਚ OnePlus ਦਾ ਸਭ ਤੋਂ ਕਿਫਾਇਤੀ ਸਮਾਰਟਫੋਨ ਲਾਈਨਅੱਪ ਬਣ ਸਕਦੀ ਹੈ, ਜੋ ਬ੍ਰਾਂਡ ਲਈ ਕਸਟਮਰਸ ਦਾ ਇੱਕ ਬਿਲਕੁਲ ਨਵਾਂ ਰਸਤਾ ਖੋਲ੍ਹ ਦੇਵੇਗੀ।