Instagram ਯੂਜ਼ਰਜ਼ ਦੀ ਹੋ ਗਈ ਮੌਜ! ਪ੍ਰੋਫਾਈਲ ਪੋਸਟਾਂ ਨੂੰ ਆਪਣੀ ਮਰਜ਼ੀ ਨਾਲ ਸੈੱਟ ਕਰਨ ਲਈ ਲਾਂਚ ਕੀਤਾ 'Reorder Your Grid' ਫੀਚਰ

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ: ਜੇਕਰ ਤੁਸੀਂ ਵੀ ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਾਮ (Instagram) ਦੀ ਵਰਤੋਂ ਕਰਦੇ ਹੋ ਤਾਂ ਤੁਹਾਡੇ ਲਈ ਚੰਗੀ ਖ਼ਬਰ ਹੈ। ਕੰਪਨੀ ਨੇ ਆਪਣੇ ਯੂਜ਼ਰਜ਼ ਲਈ ਇੱਕ ਨਵਾਂ ਅਤੇ ਕਾਫ਼ੀ ਫ਼ਾਇਦੇਮੰਦ ਫੀਚਰ ਰੋਲ ਆਊਟ ਕੀਤਾ ਹੈ। ਇਸ ਫੀਚਰ ਦਾ ਨਾਮ 'Reorder Your Grid' (ਰੀ-ਆਰਡਰ ਯੂਅਰ ਗ੍ਰਿਡ) ਹੈ। ਜਿਵੇਂ ਕਿ ਨਾਮ ਤੋਂ ਹੀ ਸਾਫ਼ ਪਤਾ ਲੱਗ ਰਿਹਾ ਹੈ, ਇਹ ਫੀਚਰ ਹੁਣ ਯੂਜ਼ਰਜ਼ ਨੂੰ ਆਪਣੀ ਪ੍ਰੋਫਾਈਲ ਦੀਆਂ ਪੋਸਟਾਂ ਨੂੰ ਆਪਣੀ ਮਰਜ਼ੀ ਮੁਤਾਬਕ ਤਰਤੀਬਵਾਰ (Arrange) ਕਰਨ ਦੀ ਸਹੂਲਤ ਦੇਵੇਗਾ।

ਇਸ ਦਾ ਮਤਲਬ ਹੈ ਕਿ ਯੂਜ਼ਰਜ਼ ਹੁਣ ਆਪਣੀ ਪ੍ਰੋਫਾਈਲ ਗ੍ਰਿਡ 'ਤੇ ਦਿਖਾਈ ਦੇਣ ਵਾਲੀ ਕਿਸੇ ਵੀ ਪੋਸਟ ਨੂੰ ਆਪਣੇ ਹਿਸਾਬ ਨਾਲ ਸੈੱਟ ਕਰ ਸਕਦੇ ਹਨ। ਇਹ ਫੀਚਰ ਖ਼ਾਸ ਤੌਰ 'ਤੇ ਕੰਟੈਂਟ ਕ੍ਰਿਏਟਰਸ, ਬਿਜ਼ਨਸ ਅਕਾਊਂਟਸ ਅਤੇ ਉਨ੍ਹਾਂ ਯੂਜ਼ਰਜ਼ ਲਈ ਬਹੁਤ ਫ਼ਾਇਦੇਮੰਦ ਸਾਬਤ ਹੋ ਸਕਦਾ ਹੈ ਜੋ ਆਪਣੀ ਪ੍ਰੋਫਾਈਲ ਨੂੰ ਜ਼ਿਆਦਾ ਆਕਰਸ਼ਕ ਅਤੇ ਸੰਭਾਲੀ ਹੋਈ (Organized) ਦਿਖਾਉਣਾ ਚਾਹੁੰਦੇ ਹਨ।

ਕੰਟੈਂਟ 'ਤੇ ਮਿਲੇਗਾ ਜ਼ਿਆਦਾ ਕੰਟਰੋਲ

ਇੰਸਟਾਗ੍ਰਾਮ ਦੇ ਮੁਖੀ ਐਡਮ ਮੁਸੇਰੀ (Adam Mosseri) ਨੇ ਇਸ ਫੀਚਰ ਦੇ ਰੋਲ ਆਊਟ ਹੋਣ ਦੀ ਪੁਸ਼ਟੀ ਕੀਤੀ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਦੱਸਿਆ ਕਿ ਇਸ ਦਾ ਉਦੇਸ਼ ਯੂਜ਼ਰਜ਼ ਨੂੰ ਆਪਣੀ ਪ੍ਰੋਫਾਈਲ 'ਤੇ ਦਿਖਾਈ ਦੇਣ ਵਾਲੇ ਕੰਟੈਂਟ 'ਤੇ ਜ਼ਿਆਦਾ ਕੰਟਰੋਲ ਦੇਣਾ ਹੈ। ਹੁਣ ਯੂਜ਼ਰਜ਼ ਆਪਣੀਆਂ ਮਨਪਸੰਦ ਜਾਂ ਕਿਸੇ ਖ਼ਾਸ ਪੋਸਟਾਂ ਨੂੰ ਪ੍ਰੋਫਾਈਲ ਗ੍ਰਿਡ ਵਿੱਚ ਸਭ ਤੋਂ ਉੱਪਰ ਜਾਂ ਕਿਸੇ ਵੀ ਖ਼ਾਸ ਜਗ੍ਹਾ 'ਤੇ ਦਿਖਾ ਸਕਦੇ ਹਨ।

ਕਿਵੇਂ ਕੰਮ ਕਰੇਗਾ ‘Reorder Your Grid’ ਫੀਚਰ?

ਇਸ ਫੀਚਰ ਦੀ ਵਰਤੋਂ ਕਰਨਾ ਬਹੁਤ ਹੀ ਆਸਾਨ ਹੈ। ਯੂਜ਼ਰਜ਼ ਸਿਰਫ਼ ਕੁਝ ਸਧਾਰਨ ਸਟੈਪਸ ਫਾਲੋ ਕਰਕੇ ਆਪਣੀ ਪ੍ਰੋਫਾਈਲ ਸੈੱਟ ਕਰ ਸਕਦੇ ਹਨ:

ਸਭ ਤੋਂ ਪਹਿਲਾਂ ਇੰਸਟਾਗ੍ਰਾਮ ਪ੍ਰੋਫਾਈਲ 'ਤੇ ਜਾਓ।

ਇਸ ਤੋਂ ਬਾਅਦ ਗ੍ਰਿਡ ਵਿੱਚ ਕਿਸੇ ਵੀ ਪੋਸਟ ਨੂੰ ਕੁਝ ਸੈਕਿੰਡਾਂ ਲਈ ਦਬਾ ਕੇ (Hold) ਰੱਖੋ।

ਦਿਖਾਈ ਦੇ ਰਹੇ ਮੀਨੂ (Menu) ਵਿੱਚੋਂ ਨਵਾਂ 'Reorder Grid' ਆਪਸ਼ਨ ਚੁਣੋ।

ਹੁਣ ਪੋਸਟਾਂ ਨੂੰ ਡਰੈਗ ਆਪਣੀ ਪਸੰਦ ਦੀ ਜਗ੍ਹਾ 'ਤੇ ਰੱਖੋ।

ਇੰਨਾ ਕਰਦੇ ਹੀ ਇਹ ਬਦਲਾਅ ਤੁਰੰਤ ਸੇਵ ਹੋ ਜਾਵੇਗਾ।

ਸੇਵ ਹੋਣ ਤੋਂ ਬਾਅਦ ਪ੍ਰੋਫਾਈਲ ਦੇਖਣ ਵਾਲੇ ਸਾਰੇ ਲੋਕਾਂ ਨੂੰ ਨਵਾਂ ਲੇਆਊਟ ਦਿਖਾਈ ਦੇਵੇਗਾ। ਹਾਲਾਂਕਿ ਸਭ ਤੋਂ ਖ਼ਾਸ ਗੱਲ ਇਹ ਹੈ ਕਿ ਪੋਸਟ ਦੀ ਅਸਲੀ ਅਪਲੋਡ ਡੇਟ, ਕੈਪਸ਼ਨ, ਲਾਈਕਸ ਅਤੇ ਕੁਮੈਂਟਸ ਵਿੱਚ ਕੋਈ ਬਦਲਾਅ ਨਹੀਂ ਹੋਵੇਗਾ। ਇਹ ਫੀਚਰ ਸਿਰਫ਼ ਪ੍ਰੋਫਾਈਲ ਗ੍ਰਿਡ 'ਤੇ ਪੋਸਟਾਂ ਦੀ ਵਿਜ਼ੂਅਲ ਪੁਜੀਸ਼ਨ ਨੂੰ ਬਦਲਦਾ ਹੈ। ਹੌਲੀ-ਹੌਲੀ ਇਹ ਫੀਚਰ ਸਾਰੇ ਯੂਜ਼ਰਜ਼ ਲਈ ਰੋਲ ਆਊਟ ਕੀਤਾ ਜਾ ਰਿਹਾ ਹੈ।