ਨਈਂ ਦੁਨੀਆ : Google Play Biliing System ਪਿਛਲੇ ਦਿਨੋਂ ਡਿਜੀਟਲ ਪੇਮੇਂਟ ਸਰਵਿਸ ਪੇਟੀਐੱਮ ਨੂੰ ਕੁਝ ਘੰਟਿਆਂ ਲਈ ਪਲੇਅ ਸਟੋਰ ਤੋਂ ਬਾਹਰ ਰੱਖ ਕੇ ਵਿਵਾਦਾਂ 'ਚ ਘਿਰੀ ਅਮਰੀਕੀ ਇੰਟਰਨੈੱਟ ਦਿੱਗਜ ਗੂਗਲ ਇਕ ਵਾਰ ਫਿਰ ਸਟਾਰਟ-ਅਪਸ ਦੇ ਨਿਸ਼ਾਨੇ 'ਤੇ ਹਨ। ਗੂਗਲ ਨੇ ਮੰਗਲਵਾਰ ਨੂੰ ਕਿਹਾ ਕਿ ਉਸ ਦੇ ਪਲੇਅ ਸਟੋਰ ਦੇ ਮਾਧਿਅਮ ਨਾਲ ਡਿਜੀਟਲ ਸਮੱਗਰੀ ਵੇਚਣ ਵਾਲੇ ਐਪ ਨੂੰ ਗੂਗਲ ਪਲੇਅ ਬਿਲਿੰਗ ਪ੍ਰਣਾਲੀ ਦਾ ਇਸਤੇਮਾਲ ਕਰਨਾ ਪਵੇਗਾ ਤੇ ਐਪ ਨਾਲ ਹੋਈ ਵਿਕਰੀ ਦਾ ਇਕ ਫੀਸਦੀ ਹਿੱਸਾ ਫੀਸ ਦੇ ਤੌਰ 'ਤੇ ਦੇਣਾ ਪਵੇਗਾ ਤੇ ਕਈ ਭਾਰਤੀ ਸਟਾਰਟ ਅਪ ਕੰਪਨੀਆਂ ਨੇ ਗੂਗਲ ਦੇ ਇਸ ਫੈਸਲੇ 'ਤੇ ਤਿੱਖੀ ਬਲਿੰਗ ਪ੍ਰਤੀਕਿਰਿਆ ਦਿੱਤੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਈ-ਸਰਵਿਸ ਦੀ ਵਿਕਰੀ ਕਰਨ ਵਾਲੇ ਐਪ ਡਿਵੈੱਲਪਰਜ਼ ਨੂੰ ਗੂਗਲ ਆਪਣੇ ਪਲੇਅ ਬਿਲਿੰਗ ਭੁਗਤਾਨ ਤੰਤਰ ਦਾ ਇਸਤੇਮਾਲ ਕਰਨ ਲਈ ਰੋਕ ਨਹੀਂ ਸਕਦੀ ਹੈ। ਬਹੁਤ ਸਾਰੇ ਸਟਾਰਟ ਅਪਸ ਨੇ ਇਹ ਵੀ ਕਿਹਾ ਹੈ ਕਿ ਇਕ ਸਨਾਥਕ ਐਪ ਸਟੋਰ ਦੀ ਜ਼ਰੂਰਤ ਹੈ।

ਗੂਗਲ ਮੁਤਾਬਕ ਹਰ ਡਿਵੈੱਲਪਰ ਨੂੰ ਅਗਲੇ ਸਾਲ ਸਤੰਬਰ ਤੋਂ ਗੂਗਲ ਬਿਲਿੰਗ ਪ੍ਰਣਾਲੀ ਦਾ ਇਸਤੇਮਾਲ ਕਰਨਾ ਪਵੇਗਾ। ਹਾਲਾਂਕਿ ਜੇਕਰ ਡਿਵੈੱਲਪਰ ਕੋਈ ਭੌਤਿਕ ਵਸਤੂ ਜਾਂ ਆਪਣੀ ਵੈੱਬਸਾਈਟ ਰਾਹੀਂ ਭੁਗਤਾਨ ਲੈਂਦਾ ਹੈ ਤਾਂ ਉਸ ਨੂੰ ਪਲੇਅ ਬਿਲਿੰਗ ਦੀ ਜ਼ਰੂਰਤ ਨਹੀਂ ਹੋਵੇਗਾ। ਗੂਗਲ ਨੇ ਮੰਗਲਵਾਰ ਨੂੰ ਕਿਹਾ ਕਿ ਉਸ ਦੀ ਬਿਲਿੰਗ ਪ੍ਰਣਾਲੀ ਦੇ ਇਸਤੇਮਾਲ ਦੀ ਨੀਤੀ ਪਹਿਲਾਂ ਤੋਂ ਬਣੀ ਹੈ ਪਰ ਇਸ ਨੂੰ ਸਪੱਸ਼ਟ ਕਰਨ ਦੀ ਜ਼ਰੂਰਤ ਸੀ। ਗੂਗਲ ਦੀ ਨਿਦੇਸ਼ਕ ਗੇਮ ਤੇ ਐਪਲੀਕੇਸ਼ਨਜ਼ ਪੁਰਣਿਮਾ ਕੋਚੀਕਰ ਨੇ ਕਿਹਾ ਕਿ ਸਾਡੀ ਪਲੇਅ ਬਿਲਿੰਗ ਨੀਤੀ ਲੰਬੇ ਸਮੇਂ ਤੋਂ ਮੌਜੂਦ ਹੈ ਤੇ ਇਸ ਸਮੇਂ ਅਸੀਂ ਸਿਰਫ਼ ਉਸ ਦੇ ਬਾਰੇ ਸਥਿਤੀ ਹੋਰ ਸਪੱਸ਼ਟ ਕਰ ਰਹੇ ਹਾਂ। ਹਾਲ ਹੀ 'ਚ ਘਟਨਾਵਾਂ ਤੋਂ ਅਸੀਂ ਮਹਿਸੂਸ ਕੀਤਾ ਹੈ ਕਿ ਨੀਤੀਆ ਨੂੰ ਸਪੱਸ਼ਟ ਕਰਨਾ ਤੇ ਉਨ੍ਹਾਂ ਨੂੰ ਸਨਮਾਨ ਰੂਪ 'ਚ ਲਾਗੂ ਕਰਨਾ ਬਹੁਤ ਮਹੱਤਵਪੂਰਨ ਹੈ।

ਬਹੁਤ ਸਾਰੇ ਸਟਾਰਟ ਅਪ ਦਾ ਕਹਿਣਾ ਹੈ ਕਿ ਦੇਸ਼ 'ਚ ਲਗਪਗ 98 ਫੀਸਦੀ ਮੋਬਾਈਲ ਫੋਨ ਉਪਯੋਗਤਾ ਐਡਰਾਈਡ ਆਧਾਰਿਤ ਫੋਨ ਦੀ ਵਰਤੋਂ ਕਰਦੇ ਹਨ। ਅਜਿਹੇ 'ਚ ਐਪ ਸਟੋਰ ਦੇ ਮਾਮਲੇ 'ਚ ਗੂਗਲ ਦਾ ਏਕਾਧਿਕਾਰ ਹੈ ਜਿਸ ਦੀ ਉਹ ਦੁਰਵਰਤੋਂ ਕਰ ਰਹੀ ਹੈ। ਇਕ ਪਾਸੇ ਭਾਰਤੀ ਅਦਾਲਤਾਂ 'ਚ ਗੂਗਲ ਇਹ ਕਹਿੰਦੀ ਹੈ ਕਿ ਉਸ ਨੂੰ ਆਰਬੀਆਈ ਦੇ ਸਰਟੀਫਿਕੇਟ ਦੀ ਜ਼ਰੂਰਤ ਨਹੀਂ ਕਿਉਂਕਿ ਉਹ ਪੇਮੇਂਟ ਸਿਸਟਮ ਨਹੀਂ ਹੈ। ਦੂਜੇ ਪਾਸੇ ਉਹ ਆਪਣੇ ਬਿਲਿੰਗ ਤੇ ਪੇਮੇਂਟ ਸਿਸਟਮ ਦੀ ਹੀ ਵਰਤੋਂ ਕਰਨ ਨੂੰ ਜ਼ੋਰ ਪਾ ਰਹੀ ਹੈ।

Posted By: Ravneet Kaur