ਜੂਨੀਅਰ ਹਾਕੀ ਵਰਲਡ ਕੱਪ 2025 'ਚ ਭਾਰਤ ਦਾ ਤੂਫ਼ਾਨ, ਪਹਿਲੇ ਹੀ ਮੈਚ ਵਿਚ ਚਿੱਲੀ ਨੂੰ 7-0 ਨਾਲ ਰੌਂਦਿਆ
ਪੂਲ-ਬੀ ਦੇ ਇਸ ਮੁਕਾਬਲੇ 'ਚ ਭਾਰਤ ਨੇ ਚਿੱਲੀ ਨੂੰ 7-0 ਨਾਲ ਕਰਾਰੀ ਹਾਰ ਦਿੱਤੀ। ਭਾਰਤ ਨੇ ਨਾ ਸਿਰਫ਼ ਜੇਤੂ ਸ਼ੁਰੂਆਤ ਕੀਤੀ, ਸਗੋਂ ਖਿਤਾਬ ਦਾ ਮਜ਼ਬੂਤ ਦਾਅਵੇਦਾਰ ਹੋਣ ਦਾ ਵੀ ਸੰਕੇਤ ਦੇ ਦਿੱਤਾ। ਭਾਰਤ ਦੀ ਜਿੱਤ ਵਿੱਚ ਰੋਸ਼ਨ ਖੁਜੁਰ ਅਤੇ ਦਿਲਰਾਜ ਸਿੰਘ ਦਾ ਅਹਿਮ ਯੋਗਦਾਨ ਰਿਹਾ। ਦੋਵਾਂ ਨੇ ਦੋ-ਦੋ ਗੋਲ ਕੀਤੇ।
Posted By Seema Anand
Publish Date: Sat, 29 Nov 2025 09:37 AM (IST)
Updated Date: Sat, 29 Nov 2025 09:42 AM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਭਾਰਤ ਨੇ ਸ਼ੁੱਕਰਵਾਰ 28 ਨਵੰਬਰ ਨੂੰ ਐਫਆਈਐਚ ਹਾਕੀ ਮੈਨਜ਼ ਜੂਨੀਅਰ ਵਰਲਡ ਕੱਪ 2025 (Junior Hockey World Cup 2025) 'ਚ ਆਪਣੇ ਪਹਿਲੇ ਹੀ ਮੁਕਾਬਲੇ 'ਚ ਆਪਣੇ ਇਰਾਦੇ ਸਾਫ਼ ਕਰ ਦਿੱਤੇ। ਭਾਰਤੀ ਜੂਨੀਅਰ ਹਾਕੀ ਟੀਮ ਨੇ ਘਰੇਲੂ ਦਰਸ਼ਕਾਂ ਸਾਹਮਣੇ ਅਜਿਹਾ ਤੂਫ਼ਾਨ ਮਚਾਇਆ ਕਿ ਚਿੱਲੀ ਦੀ ਟੀਮ ਨੂੰ ਸੰਭਲਣ ਦਾ ਕੋਈ ਮੌਕਾ ਹੀ ਨਹੀਂ ਮਿਲ ਸਕਿਆ। ਪੂਲ-ਬੀ ਦੇ ਇਸ ਮੁਕਾਬਲੇ 'ਚ ਭਾਰਤ ਨੇ ਚਿੱਲੀ ਨੂੰ 7-0 ਨਾਲ ਕਰਾਰੀ ਹਾਰ ਦਿੱਤੀ। ਭਾਰਤ ਨੇ ਨਾ ਸਿਰਫ਼ ਜੇਤੂ ਸ਼ੁਰੂਆਤ ਕੀਤੀ, ਸਗੋਂ ਖਿਤਾਬ ਦਾ ਮਜ਼ਬੂਤ ਦਾਅਵੇਦਾਰ ਹੋਣ ਦਾ ਵੀ ਸੰਕੇਤ ਦੇ ਦਿੱਤਾ। ਭਾਰਤ ਦੀ ਜਿੱਤ ਵਿੱਚ ਰੋਸ਼ਨ ਖੁਜੁਰ ਅਤੇ ਦਿਲਰਾਜ ਸਿੰਘ ਦਾ ਅਹਿਮ ਯੋਗਦਾਨ ਰਿਹਾ। ਦੋਵਾਂ ਨੇ ਦੋ-ਦੋ ਗੋਲ ਕੀਤੇ।
ਪਹਿਲੇ ਕੁਆਰਟਰ 'ਚ ਨਹੀਂ ਹੋਇਆ ਗੋਲ
ਮੈਚ ਦੇ ਪਹਿਲੇ ਕੁਆਰਟਰ 'ਚ ਕੋਈ ਗੋਲ ਨਹੀਂ ਹੋਇਆ। ਇਸ ਤੋਂ ਬਾਅਦ ਰੋਸ਼ਨ (16ਵੇਂ ਅਤੇ 21ਵੇਂ ਮਿੰਟ) ਨੇ ਦੋ ਮੈਦਾਨੀ ਗੋਲ ਕਰ ਕੇ ਭਾਰਤ ਨੂੰ 2-0 ਦੀ ਬੜ੍ਹਤ ਦਿਵਾਈ। ਇਸ ਤੋਂ ਬਾਅਦ ਦਿਲਰਾਜ (25ਵੇਂ ਅਤੇ 34ਵੇਂ ਮਿੰਟ) ਨੇ ਵੀ ਦੋ ਗੋਲ ਕਰਕੇ ਭਾਰਤ ਨੂੰ 4-0 ਨਾਲ ਅੱਗੇ ਕਰ ਦਿੱਤਾ। ਭਾਰਤ ਲਈ ਅਜੀਤ ਯਾਦਵ (35ਵੇਂ ਮਿੰਟ), ਅਨਮੋਲ ਏਕਾ (48ਵੇਂ ਮਿੰਟ) ਤੇ ਕਪਤਾਨ ਰੋਹਿਤ (60ਵੇਂ ਮਿੰਟ) ਨੇ ਵੀ ਗੋਲ ਕੀਤੇ।
ਹੁਣ ਓਮਾਨ ਨਾਲ ਹੋਵੇਗਾ ਟਾਕਰਾ
ਭਾਰਤੀ ਟੀਮ ਸ਼ਨਿਚਰਵਾਰ 29 ਨਵੰਬਰ 2025 ਨੂੰ ਚੇਨਈ 'ਚ ਆਪਣੇ ਦੂਜੇ ਪੂਲ-ਬੀ ਮੈਚ 'ਚ ਓਮਾਨ ਨਾਲ ਭਿੜੇਗੀ। ਪਹਿਲੇ ਦਿਨ ਦੇ ਹੋਰ ਮੁਕਾਬਲਿਆਂ ਦੀ ਗੱਲ ਕਰੀਏ ਤਾਂ ਨਿਊਜ਼ੀਲੈਂਡ ਨੇ ਆਪਣੇ ਪਹਿਲੇ ਮੈਚ 'ਚ ਪੂਲ ਸੀ ਵਿੱਚ ਚੀਨ ਨੂੰ 5-3 ਨਾਲ ਹਰਾਇਆ। ਪੂਲ ਸੀ ਦੇ ਇਕ ਹੋਰ ਮੈਚ ਵਿਚ ਦੋ ਵਾਰ ਦੇ ਚੈਂਪੀਅਨ ਅਰਜਨਟੀਨਾ ਨੇ ਜਾਪਾਨ ਨੂੰ 4-1ਨਾਲ ਹਰਾਇਆ। ਪੂਲ ਬੀ 'ਚ ਸਵਿਟਜ਼ਰਲੈਂਡ ਨੇ ਓਮਾਨ ਨੂੰ 4-0 ਨਾਲ ਹਰਾਇਆ। ਸਵਿਟਜ਼ਰਲੈਂਡ ਲਈ ਜੋਨਾਥਨ ਬੌਮਬੈਕ (15ਵੇਂ ਮਿੰਟ), ਮਟਿਆ ਰਿਬਾਉਡੋ (23ਵੇਂ ਮਿੰਟ), ਲਿਓਨਾਰਡ ਕ੍ਰੈਕਸਨਰ (33ਵੇਂ ਮਿੰਟ) ਅਤੇ ਐਲੇਸੀਓ ਬਰੂਨੋਲਡ (58ਵੇਂ ਮਿੰਟ) ਨੇ ਗੋਲ ਕੀਤੇ।