ਸਾਹਿਤ ਸਾ+ਹਿਤ ਦੋ ਸ਼ਬਦਾਂ ਦਾ ਸੁਮੇਲ ਹੈ। ਉਹ ਰਚਨਾ ਜੋ ਸਾਰਿਆਂ ਦੇ ਹਿੱਤ ਨੂੰ ਧਿਆਨ ’ਚ ਰੱਖ ਕੇ ਰਚੀ ਜਾਵੇ, ਉਹੀ ਅਸਲ ਸਾਹਿਤ ਅਖਵਾਉਂਦਾ ਹੈ। ਸਾਹਿਤ ਦੀਆਂ ਪ੍ਰਮੁੱਖ ਵੰਨਗੀਆਂ ਹਨ ਗਦ ਤੇ ਪਦ। ਗਦ ਅਧੀਨ ਸਾਡਾ ਵਾਰਤਕ ਸਾਹਿਤ ਹੁੰਦਾ ਹੈ ਤੇ ਪਦ ਅਧੀਨ ਕਵਿਤਾ, ਗਜ਼ਲ, ਰੁਬਾਈ ਆਦਿ ਸ਼ਾਮਲ ਹਨ।

ਹਰ ਮਾਂ-ਬਾਪ ਦੀ ਇੱਛਾ ਹੁੰਦੀ ਹੈ ਕਿ ਉਨ੍ਹਾਂ ਦਾ ਬੱਚਾ ਸਾਰੇ ਗੁਣਾਂ ਦਾ ਧਾਰਨੀ ਸਰਬ ਕਲਾ ਸਮਰੱਥ ਹੋਵੇ, ਨਵੀਆਂ ਚੀਜ਼ਾਂ ਦਾ ਸਿਰਜਕ ਹੋਵੇ। ਖੋਜੀ ਬੱਚਿਆਂ ਦਾ ਸੁਭਾਅ ਸੂਖ਼ਮ ਹੋਣ ਕਰਕੇ ਮਾਪਿਆਂ ਦੀ ਸਹਾਇਤਾ ਬਹੁਤ ਜ਼ਰੂਰੀ ਹੈ। ਰਚਨਾਤਮਿਕ ਰੁਚੀਆਂ ਵਾਲੇ ਬੱਚਿਆਂ ਅੰਦਰ ਸਮਾਜਿਕ ਹੁਨਰ ਤੇ ਸਮੱਸਿਆ ਹੱਲ ਕਰਨ ਦੀ ਯੋਗਤਾ ਦੂਸਰੇ ਬੱਚਿਆਂ ਨਾਲੋਂ ਜ਼ਿਆਦਾ ਹੁੰਦੀ ਹੈ।

ਜ਼ਿੰਦਗੀ ’ਚ ਹਰ ਚੰਗੀ ਗੱਲ ਦਾ ਵਿਸ਼ੇਸ਼ ਮਹੱਤਵ ਹੁੰਦਾ ਹੈ, ਜੋ ਸਾਡੇ ਜੀਵਨ ਨੂੰ ਸਹੀ ਦਿਸ਼ਾ ਪ੍ਰਦਾਨ ਕਰਦੀ ਹੈ। ਚੰਗੀਆਂ ਗੱਲਾਂ ਵਿੱਚੋਂ ਗਿਆਨ ਉਪਜਦਾ ਹੈ ਤੇ ਅਸੀਂ ਉਸ ਗਿਆਨ ਜ਼ਰੀਏ ਜ਼ਿੰਦਗੀ ਦੇ ਵੱਡੇ-ਵੱਡੇ ਫ਼ੈਸਲੇ ਕਰ ਸਕਦੇ ਹਾਂ। ਬੱਚਿਆਂ ਨੂੰ ਚੰਗੀਆਂ ਗੱਲਾਂ ਬਾਰੇ ਦੱਸਣਾ ਬਹੁਤ ਜ਼ਰੂਰੀ ਹੈ, ਜਿਸ ਦੀ ਸ਼ੁਰੂਆਤ ਘਰ ਤੋਂ ਹੁੰਦੀ ਹੈ।

ਮਨੱੁਖੀ ਸਮਾਜ ’ਚ ਕਿਤਾਬੀ ਸਿੱਖਿਆ ਦੀ ਬਹੁਤ ਮਹੱਤਤਾ ਹੈ। ਕਿਸੇ ਵੀ ਮਨੱੁਖ ਦੀ ਲਿਆਕਤ ਦਾ ਅੰਦਾਜ਼ਾ ਉਸ ਵੱਲੋਂ ਕੀਤੀ ਪੜ੍ਹਾਈ ਤੋਂ ਲਾਇਆ ਜਾਂਦਾ ਹੈ। ਇਹ ਆਮ ਧਾਰਨਾ ਹੈ ਕਿ ਪੜ੍ਹ ਕੇ ਮਨੱੁਖ ਸਿਆਣਾ ਤੇ ਵਿਚਾਰਵਾਨ ਹੋ ਜਾਂਦਾ ਹੈ ਪਰ ਬਹੁਤ ਵਾਰ ਅਜਿਹਾ ਦੇਖਣ ਨੂੰ ਮਿਲਦਾ ਹੈ ਕਿ ਬਹੁਤੇ ਪੜ੍ਹੇ-ਲਿਖੇ ਇਨਸਾਨਾਂ ਦਾ ਵਿਹਾਰ ਵੀ ਸਮਾਜ ’ਚ ਅਪਣਾਉਣਯੋਗ ਨਹੀਂ ਹੰੁਦਾ।

ਰੋਚਕ ਬਾਲ ਸਾਹਿਤ ਬੱਚਿਆਂ ਦਾ ਵਧੀਆ ਸਾਥੀ ਹੁੰਦਾ ਹੈ ਪਰ ਅਜੋਕੇ ਸਮੇ ’ਚ ਸਾਰਾ ਸੰਸਾਰ ਟੀਵੀ ਤੇ ਮੋਬਾਈਲ ਦੀ ਜਕੜ ’ਚ ਫਸਿਆ ਹੋਇਆ ਹੈ। ਕਿਸੇ ਕੋਲ ਕੋਈ ਚੰਗੀ ਕਿਤਾਬ ਜਾਂ ਰਸਾਲਾ ਪੜ੍ਹਨ ਦੀ ਵਿਹਲ ਨਹੀਂ। ਬਹੁਤੇ ਲੋਕ ਤਾਂ ਅਖ਼ਬਾਰ ਵੀ ਦੌੜੇ ਜਾਂਦੇ ਹੀ ਪੜ੍ਹਦੇ ਹਨ। ਪੜ੍ਹਨ ਦੀ ਰੁਚੀ ਘਟਣ ਦਾ ਕਾਰਨ ਰੋਚਕ ਤੇ ਸਸਤਾ ਸਾਹਿਤ ਮੁਹੱਈਆ ਨਾ ਹੋਣਾ ਹੈ।

ਗੂਗਲ ਅੱਜ ਆਪਣੀਆਂ ਬਹੁਪੱਖੀ ਸੇਵਾਵਾਂ ਸਦਕਾ ਇੰਟਰਨੈੱਟ/ਤਕਨੀਕੀ ਖੇਤਰ ’ਚ ਵੱਡਾ ਬਰਾਂਡ ਬਣ ਚੁੱਕਿਆ ਹੈ। ਵਰਤਮਾਨ ਸਮੇਂ ਜਦੋਂ ਅਸੀਂ ਇੰਟਰਨੈੱਟ ਦੀ ਗੱਲ ਕਰਦੇ ਹਾਂ ਤਾਂ ਸਾਡੇ ਵਿੱਚੋਂ ਬਹੁਤੇ ਇਨਸਾਨ ਗੂਗਲ ਨੂੰ ਹੀ ਇੰਟਰਨੈੱਟ ਸਮਝ ਲੈਂਦੇ ਹਨ ਪਰ ਅਜਿਹਾ ਸੱਚ ਨਹੀਂ ਹੈ।

ਹਰ ਇਨਸਾਨ ਜ਼ਿੰਦਗੀ ’ਚ ਚਾਹੁੰਦਾ ਹੈ ਕਿ ਉਹ ਸਫਲ ਹੋਵੇ, ਆਪਣਾ ਖ਼ੂਬ ਨਾਂ ਕਮਾਵੇ ਪਰ ਉਨ੍ਹਾਂ ਲੋਕਾਂ ਦੀ ਗਿਣਤੀ ਬਹੁਤ ਘੱਟ ਹੈ, ਜੋ ਆਪਣੇ ਇਹ ਖ਼ੁਆਬ ਪੂਰੇ ਕਰਦੇ ਹਨ। ਗੱਲ ਇਹ ਨਹੀਂ ਕਿ ਉਨ੍ਹਾਂ ’ਚ ਸਫਲ ਹੋਣ ਦੀ ਕਾਬਲੀਅਤ ਨਹੀਂ। ਉਹ ਲੋਕ ਖ਼ੁਦ ਨਾਲ ਲੜਦੇ ਨਹੀਂ। ਸਾਡੀਆਂ ਕੁਝ ਆਦਤਾਂ ਜਾਂ ਵਿਸ਼ਵਾਸ ਹੁੰਦੇ ਹਨ, ਜੋ ਸਾਨੂੰ ਸਫਲਤਾ ਤੋਂ ਕੋਹਾਂ ਮੀਲ ਦੂਰ ਲੈ ਜਾਂਦੇ ਹਨ।

ਕੋਰੋਨਾ ਕਾਲ ਨੇ ਜਿੱਥੇ ਹਰ ਖੇਤਰ ਨੂੰ ਨਵੀਆਂ ਚੁਣੌਤੀਆਂ ਦਿੱਤੀਆਂ ਹਨ, ਉੱਥੇ ਅਧਿਆਪਨ ਕਾਰਜ ਨੂੰ ਵੀ ਔਖਾ ਤੇ ਬੋਝਲ ਬਣਾਇਆ ਹੈ। ਵਿਦਿਆਰਥੀਆਂ ਨੂੰ ਕਾਮਯਾਬ ਆਨਲਾਈਨ ਸਿੱਖਿਆ ਦੇਣ ਲਈ ਬਹੁਤ ਸਾਰੇ ਕਾਰਕਾਂ ਦੀ ਲੋੜ ਹੁੰਦੀ ਹੈ। ਇੰਟਰਨੈੱਟ ਆਧਾਰਤ ਪੜ੍ਹਾਈ ਨੇ ਵਿਦਿਆਰਥੀਆਂ ਤੇ ਅਧਿਆਪਕਾਂ ਅੰਦਰ ਅਜੀਬ ਕਿਸਮ ਦੀ ਕਾਹਲ ਪੈਦਾ ਕੀਤੀ ਹੈ।

ਅਨੁਸ਼ਾਸਨ ਮਨੁੱਖੀ ਜੀਵਨ ’ਚ ਮਹੱਤਵਪੂਰਨ ਸਥਾਨ ਰੱਖਦਾ ਹੈ। ਅਨੁਸ਼ਾਸਨ ਦਾ ਮਤਲਬ ਹੈ ਨਿਯਮਾਂ ਤੇ ਕਾਨੂੰਨ ਦੀ ਪਾਲਣਾ। ਇਹ ਮਨੁੱਖ ਦੇ ਦਿਮਾਗ਼ ਤੇ ਆਚਰਨ ਨੂੰ ਅਜਿਹੀ ਸਿੱਖਿਆ ਦਿੰਦਾ ਹੈ, ਜਿਸ ਨਾਲ ਉਹ ਆਪਣੇ ਆਪ ’ਤੇ ਕਾਬੂ ਰੱਖ ਸਕੇ ਤੇ ਆਗਿਆਕਾਰੀ ਬਣ ਸਕੇ। ਸਾਡੇ ਸਰੀਰ ਦੇ ਅੰਗ ਵੀ ਅਨੁਸ਼ਾਸਨ ਅਨੁਸਾਰ ਹੀ ਇਕ-ਦੂਜੇ ਦੀ ਸਹਾਇਤਾ ਕਰਦੇ ਹਨ।

ਪਿਆਰੇ ਬੱਚਿਓ! ਸੰਸਾਰ ਭਰ ਦੇ ਤਕਰੀਬਨ ਸਾਰੇ ਦੇਸ਼ਾਂ ਦੀਆਂ ਸਰਕਾਰਾਂ, ਵਿਗਿਆਨੀ, ਖੋਜੀ ਤੇ ਵਾਤਾਵਰਨ ਪ੍ਰੇਮੀ ਵਾਤਾਵਰਨ ’ਚ ਆਏ ਵਿਗਾੜ ਪ੍ਰਤੀ ਬੇਹੱਦ ਫ਼ਿਕਰਮੰਦ ਹਨ ਅਤੇ ਪਿਛਲੇ ਲੰਮੇ ਸਮੇਂ ਤੋਂ ਇਸ ਨੂੰ ਸੁਧਾਰਨ ਲਈ ਯਤਨਸ਼ੀਲ ਵੀ ਹਨ। ਬੱਚਿਆਂ ਨੂੰ ਚਾਹੀਦਾ ਹੈ ਕਿ ਉਹ ਘਰ ਤੇ ਜਮਾਤਾਂ ’ਚ ਚੱਲ ਰਹੇ ਫ਼ਾਲੂਤ ਪੱਖੇ ਤੇ ਬੱਤੀਆਂ ਬੰਦ ਕਰ ਦੇਣ। ਸਕੂਲ ਅਤੇ ਘਰ ’ਚ ਪਾਣੀ ਦੀ ਨਜਾਇਜ਼ ਵਰਤੋਂ ਨੂੰ ਰੋਕਣ।

ਸਾਡੇ ਦੇਸ਼ ’ਚ ਵੀ ਅਧਿਆਪਕ ਜਾਂ ਗੁਰੂ ਨੂੰ ਇਕ ਰੱਬੀ ਜਾਂ ਦੈਵੀ ਸਹਾਇਕ ਵਜੋਂ ਪ੍ਰਵਾਨ ਕਰ ਕੇ ਉਸ ਨੂੰ ਸਤਿਕਾਰਤ ਉੱਚਾ-ਸੁੱਚਾ ਸਥਾਨ ਦਿੱਤਾ ਗਿਆ ਹੈ। ਇਸੇ ਕਰਕੇ ਭਾਰਤ ਦੇ ਸਾਬਕਾ ਰਾਸ਼ਟਰਪਤੀ, ਅਧਿਆਪਕ,ਧਾਰਮਿਕ ਚਿੰਤਕ ਡਾ. ਸਰਵਪੱਲੀ ਰਾਧਾਕਿ੍ਰਸ਼ਨਨ ਦੀ ਉੱਚ ਦਿ੍ਰਸ਼ਟੀ ਨੂੰ ਸਮਰਪਿਤ ਉਨ੍ਹਾਂ ਦਾ ਜਨਮ ਦਿਨ ਹਰ ਸਾਲ ਪੰਜ ਸਤੰਬਰ ਨੂੰ ਅਧਿਆਪਕ ਦਿਵਸ ਦੇ ਰੂਪ ’ਚ ਮਨਾਇਆ ਜਾਂਦਾ ਹੈ।

ਬੱਚਿਓ! ਇਮਾਨਦਾਰੀ ਨਾਲ ਪੜ੍ਹਨ ਦੀ ਆਦਤ ਪਾਓ। ਮਿਹਨਤ ਕਰਨ ਤੋਂ ਕਦੇ ਨਾ ਘਬਰਾਓ। ਜੇ ਤੁਸੀਂ ਧਿਆਨ ਨਾਲ ਕਲਾਸਾਂ ਨਹੀਂ ਲਾਉਂਦੇ ਜਾਂ ਆਪਣਾ ਕੰਮ ਸਮੇਂ ਸਿਰ ਨਹੀਂ ਕਰਦੇ ਤਾਂ ਭਵਿੱਖ ’ਚ ਤੁਹਾਨੂੰ ਇਸ ਦਾ ਨੁਕਸਾਨ ਭੁਗਤਣਾ ਪਵੇਗਾ।

ਕੇਂਦਰ ਸਰਕਾਰ ਦੀ ‘ਖੇਲੋ ਇੰਡੀਆ’ ਮੁਹਿੰਮ ਤੋਂ ਬਾਅਦ ਸਕੂਲਾਂ-ਕਾਲਜਾਂ ’ਚ ਖੇਡਾਂ ਦਾ ਤੇਜ਼ੀ ਨਾਲ ਵਿਕਾਸ ਹੋ ਰਿਹਾ ਹੈ। ਇਸ ਨਾਲ ਦੇਸ਼ ’ਚ ਖੇਡਾਂ ਲਈ ਹਾਂ-ਪੱਖੀ ਮਾਹੌਲ ਤਿਆਰ ਕਰਨ ’ਚ ਮਦਦ ਮਿਲਦੀ ਹੈ। ਅੱਜ ਜਿਸ ਪਾਸੇ ਵੀ ਨਜ਼ਰ ਮਾਰੋ, ਿਕਟ ਤੋਂ ਲੈ ਕੇ ਬੈਡਮਿੰਟਨ, ਟੈਨਿਸ, ਹਾਕੀ ਜਿਹੀ ਹਰ ਅੰਤਰਰਾਸ਼ਟਰੀ ਖੇਡ ’ਚ ਭਾਰਤੀ ਨੌਜਵਾਨ ਖਿਡਾਰੀਆਂ ਦਾ ਦਬਦਬਾ ਹੈ।

ਕੁਝ ਕਾਢਾਂ ਦੇ ਦੁਰਪ੍ਰਭਾਵ ਹਨ। ਇੰਟਰਨੈੱਟ ਦਾ ਉਨ੍ਹਾਂ ਨੂੰ ਉਮਰ ਤੋਂ ਪਹਿਲਾਂ ਜਵਾਨ ਕਰ ਦੇਣਾ ਹੈ। ਉਹ ਯੂਟਿਊਬ ਨੂੰ ਆਪਣਾ ਗੁਰੂ ਮੰਨਣ ਲੱਗ ਪਏ ਹਨ ਤੇ ਅਧਿਆਪਕ ਜਿਸ ਨੇ ਉਨ੍ਹਾਂ ਨੂੰ ਮੁੱਢਲੇ ਪਾਠ ਪੜ੍ਹਾਏ, ਉਨ੍ਹਾਂ ਨੂੰ ਪੁਰਾਣੇ ਵਿਚਾਰਾਂ ਵਾਲੇ ਆਖ ਅਗਾਂਹ ਲੰਘ ਜਾਂਦੇ ਹਨ। ਇਹ ਭਵਿੱਖ ਦਾ ਨਿਰਮਾਣ ਹੀ ਨਹੀਂ ਸਗੋਂ ਵਰਤਮਾਨ ਦਾ ਵੀ ਨਿਘਾਰ ਹੈ।

ਦੁਨੀਆ ਭਰ ’ਚ ਵੀਡੀਓ ਗੇਮਰਜ਼ ਦੀ ਗਿਣਤੀ ਦਿਨੋ-ਦਿਨ ਵੱਧ ਰਹੀ ਹੈ। ਅੰਕੜੇ ਦਰਸਾਉਂਦੇ ਹਨ ਕਿ ਬਹੁਤ ਸਾਰੇ ਦੇਸ਼ਾਂ ਦੀ ਲਗਭਗ ਅੱਧੀ ਆਬਾਦੀ ਵੀਡੀਓ ਖੇਡਾਂ ਦੀ ਦੁਨੀਆ ’ਚ ਸਰਗਰਮ ਹੈ। ਇਨ੍ਹਾਂ ਵਿੱਚੋਂ ਜ਼ਿਆਦਾਤਰ ਵੀਡੀਓ ਗੇਮਰ ਕਿਸ਼ੋਰ ਹਨ ਅਤੇ ਇਨ੍ਹਾਂ ਵਿੱਚੋਂ ਘੱਟੋ-ਘੱਟ 20 ਫ਼ੀਸਦੀ 18 ਸਾਲ ਤੋਂ ਘੱਟ ਉਮਰ ਦੇ ਬੱਚੇ ਹਨ।

ਰੱਖੜੀ ਸ਼ਬਦ ਦੋ ਸ਼ਬਦਾਂ ਦੇ ਮੇਲ ਤੋਂ ਬਣਿਆ ਹੈ-ਰੱਖ+ੜੀ। ਰੱਖ ਤੋਂ ਭਾਵ ਹੈ ਸੁਰੱਖਿਆ ਅਤੇ ੜੀ ਤੋਂ ਭਾਵ ਹੈ ਕਰਨ ਵਾਲਾ। ਇਸ ਤਰ੍ਹਾਂ ਰੱਖੜੀ ਸ਼ਬਦ ਦਾ ਅਰਥ ਹੈ-ਸੁਰੱਖਿਆ ਕਰਨ ਵਾਲਾ। ਰੱਖੜੀ ਦਾ ਤਿਉਹਾਰ ਭੈਣ-ਭਰਾ ਦੇ ਅਨਮੋਲ ਤੇ ਅਤੱੁਟ ਰਿਸ਼ਤੇ ਦਾ ਪ੍ਰਤੀਕ ਹੈ। ਰੱਖੜੀ ਦਾ ਪਵਿੱਤਰ ਦਿਨ ਸਾਉਣ ਮਹੀਨੇ ਦੀ ਪੂਰਨਮਾਸ਼ੀ ਨੂੰ ਮਨਾਇਆ ਜਾਂਦਾ ਹੈ

ਵਿਸ਼ਵ ਸਿਹਤ ਸੰਗਠਨ ਅਨੁਸਾਰ ਕਰੀਬ ਦੱਸ ਤੋਂ ਵੀਹ ਫ਼ੀਸਦੀ ਬੱਚੇ ਮਾਨਸਿਕ ਵਿਕਲਾਂਗਤਾ ਨਾਲ ਪੀੜਤ ਹਨ। ਇਨ੍ਹਾਂ ਬੱਚਿਆਂ ਦਾ ਪਾਲਣ-ਪੋਸ਼ਣ ਕਰਨਾ ਮਾਂ-ਬਾਪ ਲਈ ਬਹੁਤ ਚੁਣੌਤੀਪੂਰਨ ਕੰਮ ਹੁੰਦਾ ਹੈ। ਜਾਗਰੂਕਤਾ ਦੀ ਕਮੀ ਕਾਰਨ ਸਧਾਰਨ ਲੋਕਾਂ ਨੂੰ ਇਹ ਪਤਾ ਹੀ ਨਹੀਂ ਹੁੰਦਾ ਕਿ ਬੌਧਿਕ ਵਿਕਲਾਂਗਤਾ ਕਈ ਤਰ੍ਹਾਂ ਦੀ ਹੁੰਦੀ ਹੈ।

ਕਿਤਾਬਾਂ ਪੜ੍ਹਨ ਵਾਲਾ ਨਾ ਸਿਰਫ਼ ਆਪਣਾ ਗਿਆਨ ਵਧਾਉਂਦਾ ਹੈ ਸਗੋਂ ਨਜ਼ਰੀਆ ਵੀ ਵਿਸ਼ਾਲ ਕਰਦਾ ਹੈ। ਉਹ ਸੌੜੀ ਸੋਚ ਦੇ ਖੇਤਰ ਤੋਂ ਵਿਦਾ ਹੋ ਜਾਂਦਾ ਹੈ ਅਤੇ ਮਾਨਵਵਾਦੀ ਵਿਚਾਰਾਂ ਨੂੰ ਧਾਰਨ ਕਰਦਾ ਹੈ। ਸਾਡੇ ਸਮਾਜ ’ਚ ਉਨ੍ਹਾਂ ਲਈ ਲਾਇਬ੍ਰੇਰੀਆਂ ਬਣੀਆਂ ਹਨ, ਜੋ ਕਿਤਾਬਾਂ ਪੜ੍ਹਨਾ ਪਸੰਦ ਕਰਦੇ ਹਨ। ਲਾਇਬ੍ਰੇਰੀ ਕਿਸੇ ਵਰਦਾਨ ਤੋਂ ਘੱਟ ਨਹੀਂ ਹੈ।

ਕੋਰੋਨਾ ਦੀ ਦੂਜੀ ਲਹਿਰ ਤੋਂ ਰਾਹਤ ਮਿਲਣ ਦੌਰਾਨ ਸਕੂਲਾਂ ਨੂੰ ਮੁੜ ਤੋਂ ਵਿਦਿਆਰਥੀਆਂ ਲਈ ਖੋਲ੍ਹਿਆ ਗਿਆ ਹੈ। ਨੰਨ੍ਹੇ-ਮੁੰਨਿਆਂ ਦੀ ਆਮਦ ਨਾਲ ਸਕੂਲਾਂ ਦੇ ਵਿਹੜਿਆਂ ਨੂੰ ਮੁੜ ਤੋਂ ਰੌਣਕਾਂ ਨਸੀਬ ਹੋਈਆਂ ਹਨ। ਬਾਗ਼-ਬਗ਼ੀਚਿਆਂ ਦੇ ਫੁੱਲ ਤੇ ਰੁੱਖ ਖ਼ੁਸ਼ੀਆਂ ’ਚ ਖੀਵੇ ਹੋਏ ਹਨ। ਅਧਿਆਪਕਾਂ ਵੱਲੋਂ ਵਿਦਿਆਰਥੀਆਂ ਨੂੰ ਤਰ੍ਹਾਂ-ਤਰ੍ਹਾਂ ਦੇ ਤਰੀਕਿਆਂ ਨਾਲ ਸਕੂਲ ਵਾਪਸੀ ’ਤੇ ਖ਼ੁਸ਼ਆਮਦੀਦ ਕਿਹਾ ਗਿਆ।

ਸਿੱਖਿਆ ਵਿਭਾਗ ਪੰਜਾਬ ਦੀਆਂ ਹਦਾਇਤਾਂ ਤੇ ਜ਼ਿਲ੍ਹਾ ਸਿੱਖਿਆ ਅਫ਼ਸਰਾਂ ਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਅਧਿਆਪਕਾਂ ਵੱਲੋਂ ਵੱਖ-ਵੱਖ ਜਨਤਕ ਥਾਵਾਂ ’ਤੇ ਸਟਾਲਾਂ ਲਗਾ ਕੇ ਸਰਕਾਰੀ ਸਕੂਲਾਂ ’ਚ ਪੜ੍ਹਦੇ ਵਿਦਿਆਰਥੀਆਂ ਲਈ ਕਿਤਾਬਾਂ ਦੇ ‘ਲਾਇਬ੍ਰੇਰੀ ਲੰਗਰ’ ਲਗਾਏ ਗਏ ਤੇ ਵਿਦਿਆਰਥੀਆਂ ਦੇ ਘਰ-ਘਰ ਜਾ ਕੇ ਉਨ੍ਹਾਂ ਨੂੰ ਕਿਤਾਬਾਂ ਵੰਡੀਆਂ ਗਈਆਂ।