ਮੈਕਸਵੈਲ ਨੇ ਕਿਹਾ ਕਿ ਅਸੀਂ ਸਿਰਫ਼ ਵਾਪਿਸ ਦੇਸ਼ ਜਾਣ ਦਾ ਰਾਹ ਲੱਭਣਾ ਚਾਹੁੰਦੇ ਹਾਂ। ਬੀਸੀਸੀਆਈ ਤੇ ਦੋਵੇਂ ਸਰਕਾਰਾਂ ਹੱਲ ਕੱਢਣ ਲਈ ਕੰਮ ਕਰ ਸਕਦੀਆਂ ਹਨ। ਜੇ ਸਾਨੂੰ ਛੋੜ੍ਹੀ ਉਡੀਕ ਕਰਨੀ ਪਵੇਗੀ ਤਾਂ ਅਜਿਹਾ ਹੋ ਸਕਦਾ ਹੈ ਪਰ ਕਿਸੇ ਦੌਰ ਵਿਚ ਸਵਦੇਸ਼ ਮੁੜਨ ਦਾ ਰਾਹ ਤਾਂ ਸਪੱਸ਼ਟ ਹੋਣਾ ਚਾਹੀਦਾ ਹੈ। ਭਾਰਤ ਤੇ ਇੰਗਲੈਂਡ ਨੇ ਇੰਗਲੈਂਡ ਵਿਚ ਸੀਰੀਜ਼ ਖੇਡਣੀ ਹੈ।

ਬ੍ਰਿਟੇਨ ਨੇ ਕਿਹਾ ਕਿ ਉਹ ਫਿਲਹਾਲ ਕੋਰੋਨਾ ਟੀਕਿਆਂ ਲਈ ਆਪਣੀ ਘਰੇਲੂ ਪਹਿਲਤਾ ’ਤੇ ਜ਼ੋਰ ਦੇ ਰਹੇ ਹਨ ਅਤੇ ਇਸ ਪੜਾਅ ਵਿਚ ਭਾਰਤ ਵਰਗੇ ਲੋੜਵੰਦ ਦੇਸ਼ਾਂ ਨੂੰ ਮੁਹੱਈਆ ਕਰਾਉਣ ਲਈ ਉਨ੍ਹਾਂ ਕੋਲ ਵਾਧੂ ਡੋਜ਼ ਨਹੀ ਹੈ। ਭਾਰਤ ਵਿਚ ਮਹਾਮਾਰੀ ਦੀ ਦੂਜੀ ਲਹਿਰ ਦੇ ਸੰਦਰਭ ਵਿਚ ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਬੋਰਿਸ ਜਾਨਸਨ ਦੇ ਬੁਲਾਰੇ ਨੇ ਕਿਹਾ ਕਿ ਇਸ ਪ੍ਰਕਿਰਿਆ ਵਿਚ ਨਿਰੰਤਰ ਸਮੀਖਿਆ ਕੀਤੀ ਜਾ ਰਹੀ ਹੈ।

ਜਾਂਚ ਪੂਰੀ ਹੋਣ ਤੋਂ ਬਾਅਦ ਇਹ ਤੈਅ ਹੋਵੇਗਾ ਕਿ 11 ਡਾਊਨਿੰਗ ਸਟਰੀਟ 'ਚ ਹੋਏ ਕੰਮ ਲਈ ਕੀ ਰਕਮ ਦਾ ਅਜਿਹਾ ਕੋਈ ਲੈਣ-ਦੇਣ ਹੋਇਆ ਹੈ ਜੋ ਚੋਣ ਕਮਿਸ਼ਨ ਦੇ ਮਾਪਦੰਡਾਂ ਮੁਤਾਬਕ ਨਾ ਹੋਵੇ। ਨਾਲ ਹੀ ਇਹ ਵੀ ਸਾਫ਼ ਹੋਵੇਗਾ ਕਿ ਜੋ ਸ਼ਿਕਾਇਤਾਂ ਸਾਹਮਣੇ ਆ ਰਹੀਆਂ ਸਨ ਉਨ੍ਹਾਂ 'ਚ ਕੋਈ ਸੱਚਾਈ ਹੈ ਜਾਂ ਨਹੀਂ। ਉਨ੍ਹਾਂ ਕਿਹਾ ਕਿ ਹੁਣ ਇਸ ਜਾਂਚ ਬਾਰੇ ਹੋਰ ਕੋਈ ਜਾਣਕਾਰੀ ਨਹੀਂ ਦਿੱਤੀ ਜਾਵੇਗੀ। ਹੁਣ ਜੋ ਵੀ ਜਾਣਕਾਰੀ ਸਾਹਮਣੇ ਆਵੇਗੀ ਉਹ ਜਾਂਚ ਪੂਰੀ ਹੋਣ ਤੋਂ ਬਾਅਦ ਹੀ ਸਾਹਮਣੇ ਆਵੇਗੀ।

ਬੋਰਿਸ ਜੌਨਸਨ ਦੇ ਕੌਮਾਂਤਰੀ ਮਾਮਲਿਆਂ ਦੇ ਸਲਾਹਕਾਰ ਅਤੇ ਉਪ ਰਾਸ਼ਟਰੀ ਸੁਰੱਖਿਆ ਸਲਾਹਕਾਰ ਕਵੈਰੀ ਜਦੋਂ ਮਾਰਚ ਵਿਚ ਭਾਰਤ ਦੌਰੇ ’ਤੇ ਆਏ ਸਨ ਤਾਂ ਉਹ ਪੀਐੱਮ ਜੌਨਸਨ ਦੀ ਅਪ੍ਰੈਲ ਵਿਚ ਪ੍ਰਸਤਾਵਤ ਯਾਤਰਾ ਤੋਂ ਪਹਿਲਾਂ ਦੀ ਤਿਆਰੀ ਸੀ। ਹਾਲਾਂਕਿ, ਪਿਛਲੇ ਹਫ਼ਤੇ ਹੀ ਪ੍ਰਧਾਨ ਮੰਤਰੀ ਜੌਨਸਨ ਦੀ ਭਾਰਤ ਯਾਤਰਾ ਇੱਥੇ ਇਕਦਮ ਕੋਰੋਨਾ ਦਾ ਇਨਫੈਕਸ਼ਨ ਜ਼ਿਆਦਾ ਵਧਣ ਕਾਰਨ ਰੱਦ ਕਰ ਦਿੱਤੀ ਗਈ ਸੀ।

ਬਿ੍ਟੇਨ ਦੇ ਸਭ ਤੋਂ ਵੱਡੇ ਅਤੇ ਰੁਝੇਵੇਂ ਵਾਲੇ ਹਵਾਈ ਅੱਡੇ ਹੀਰਥੋ ਨੇ ਭਾਰਤ ਨੂੰ ਅੱਠ ਵਾਧੂ ਉਡਾਨਾਂ ਦੇ ਸੰਚਾਲਨ ਦੀ ਮਨਜ਼ੂਰੀ ਦੇਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਕੋਰੋਨਾ ਵਾਇਰਸ ਮਹਾਮਾਰੀ ਨੂੰ ਦੇਖਦੇ ਹੋਏ ਦੇਸ਼ 'ਚ ਸ਼ੁੱਕਰਵਾਰ ਤੋਂ ਰੈੱਡ ਲਿਸਟ ਯਾਤਰਾ ਪਾਬੰਦੀ ਲਾਗੂ ਹੋ ਰਹੀ ਹੈ। ਹਵਾਈ ਅੱਡੇ ਨੇ ਕਿਹਾ ਕਿ ਵਾਧੂ ਉਡਾਨਾਂ ਦੀ ਇਜਾਜ਼ਤ ਇਸ ਲਈ ਨਹੀਂ ਦਿੱਤੀ ਗਈ...

ਸਿਹਤ ਮੰਤਰੀ ਮੈਟ ਹੈਨਕਾਕ ਨੇ ਹਾਊਸ ਆਫ ਕਾਮਨਜ਼ ’ਚ ਇਸ ਗੱਲ ਦੀ ਪੁਸ਼ਟੀ ਕੀਤੀ। ਉਨ੍ਹਾਂ ਕਿਹਾ ਕਿ ਕੋਰੋਨਾ ਵਾਇਰਸ ਦੇ ਕਥਿਤ ਭਾਰਤੀ ਸਰੂਪ ਨਾਲ ਪੀੜਤ ਹੋਣ ਦੇ 103 ਮਾਮਲੇ ਸਾਹਮਣੇ ਆਏ ਹਨ। ਇਨ੍ਹਾਂ ’ਚੋਂ ਜ਼ਿਆਦਾਤਰ ਮਾਮਲੇ ਵਿਦੇਸ਼ ਤੋਂ ਪਰਤੇ ਯਾਤਰੀਆਂ ਨਾਲ ਸਬੰਧਤ ਹਨ।

ਬਿ੍ਰਟੇਨ ਨੇ ਪਾਕਿਸਤਾਨ ਤੋਂ ਆਉਣ ਵਾਲਿਆਂ ’ਤੇ ਪੂਰੀ ਤਰ੍ਹਾਂ ਪਾਬੰਦੀ ਲਗਾ ਦਿੱਤੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਪਾਕਿਸਤਾਨੀਆਂ ਲਈ ਕੋਰੋਨਾ ਦੇ ਲੱਛਣ ਆਉਣ ’ਤੇ ਉਨ੍ਹਾਂ ਨੂੰ ਬਿ੍ਰਟੇਨ ਨੇ ਕੁਆਰਨਟਾਈਨ ਕਰਨਾ ਲਾਜ਼ਮੀ ਦੱਸਿਆ ਹੈ ਜਦਕਿ ਇਹ ਕਾਨੂੰਨ ਭਾਰਤੀਆਂ ’ਤੇ ਲਾਗੂ ਨਹੀਂ ਹੈ।

ਬ੍ਰਿਟੇਨ ਦੀ ਪਹਿਲੀ ਬ੍ਰਿਟਿਸ਼ ਭਾਰਤੀ ਕੈਬਨਿਟ ਮੰਤਰੀ ਤੇ ਪਹਿਲੀ ਗੁਜਰਾਤੀ ਮਹਿਲਾ ਐੱਮਪੀ ਪ੍ਰੀਤੀ ਪਟੇਲ ਨੇ ਬ੍ਰਿਟਿਸ਼ ਰਾਜਨੀਤੀ 'ਚ ਸਿਖਰ ਤਕ ਪਹੁੰਚਣ ਲਈ ਕਈ ਅੜਿੱਕਿਆਂ ਨੂੰ ਪਾਰ ਕੀਤਾ ਹੈ। 2016 'ਚ ਉਹ 'ਇੰਟਰਨੈਸ਼ਨਲ ਡਿਵੈਲਪਮੈਂਟ ਸੈਕਰੇਟਰੀ' ਨਿਯੁਕਤ ਹੋਣ ਵਾਲੀ ਪਹਿਲੀ ਮਹਿਲਾ ਭਾਰਤੀ ਕੈਬਨਿਟ ਮੰਤਰੀ ਬਣੀ।

ਬਰਤਾਨੀਆ ਦੀ ਮਹਾਰਾਣੀ ਐਲਿਜਾਬੈਥ II ਆਪਣੇ ਸ਼ਾਹੀ ਕਰੱਤਵਾਂ ਦੀ ਪਾਲਣਾ ਕਰਨ ਲਈ ਚਾਰ ਦਿਨਾਂ ਤੋਂ ਬਾਅਦ ਵਾਪਸ ਆ ਗਈ ਹੈ। 9 ਅਪ੍ਰੈਲ ਨੂੰ ਡਿਊਕ ਆਫ ਐਡਿਨਬਰਗ ਤੇ ਬਰਤਾਨੀਆ ਦੀ ਮਹਾਰਾਣੀ ਐਲਿਜਾਬੈਥ II ਦੇ ਪਤੀ ਪ੍ਰਿੰਸ ਫਿਲਿਪ ਦੀ ਮੌਤ 99 ਸਾਲ ਦੀ ਉਮਰ 'ਚ ਹੋ ਗਿਆ।

ਇੰਗਲੈਂਡ ’ਚ ਅੱਜ ਤੋਂ ਬਾਜ਼ਾਰ, ਸੈਲੂਨ, ਜਿਮ ਤੇ ਪਬ-ਗਾਰਡਨਜ਼ ਫਿਰ ਤੋਂ ਖੁੱਲ੍ਹ ਰਹੇ ਹਨ। ਉੱਤਰੀ ਆਇਰਲੈਂਡ ’ਚ ਲਾਕਡਾਊਨ ਸਮਾਪਤ ਹੋ ਰਿਹਾ ਹੈ ਤੇ ਸਟਾਕਲੈਂਡ ਤੇ ਵੇਲਸ ’ਚ ਕੁਝ ਨਿਯਮਾਂ ’ਚ ਢੀਲ ਦਿੱਤੀ ਜਾ ਰਹੀ ਹੈ।

ਕੁਝ ਵਿਕਸਿਤ ਦੇਸ਼ਾਂ ਜਿਵੇਂ ਬ੍ਰਿਟੇਨ, ਆਸਟ੍ਰੇਲੀਆ ਤੇ ਗ੍ਰੀਸ ਨੇ ਖ਼ੂਨ 'ਚ ਥੱਕਾ ਬਣਨ ਦੀ ਸਮੱਸਿਆ ਕਾਰਨ ਆਪਣੀ ਘੱਟ ਉਮਰ ਆਬਾਦੀ ਨੂੰ ਐਸਟ੍ਰਾਜ਼ੈਨੇਕਾ ਵੈਕਸੀਨ ਨਾ ਦੇਣ ਦਾ ਫ਼ੈਸਲਾ ਕੀਤਾ ਹੈ। ਇਨ੍ਹਾਂ ਦੇਸ਼ਾਂ ਕੋਲ ਕੋਵਿਡ-19 ਤੋਂ ਬਚਾਅ ਵਾਲੀ ਇਸ ਵੈਕਸੀਨ ਦਾ ਵੱਡਾ ਭੰਡਾਰ ਮੌਜੂਦ ਹੈ।

ਅੱਤਵਾਦੀ ਸਰਗਨਾ ਦਾਊਦ ਇਬਰਾਹਿਮ ਦੇ ਕਈ ਦੇਸ਼ਾਂ 'ਚ ਫੈਲੇ ਕਾਲੇ ਧੰਦੇ ਨੂੰ ਸੰਭਾਲਣ ਵਾਲਾ ਜਾਬਿਰ ਮੋਤੀ ਜਲਦ ਹੀ ਲੰਡਨ ਦੀ ਜੇਲ੍ਹ ਤੋਂ ਰਿਹਾਅ ਹੋ ਕੇ ਪਾਕਿਸਤਾਨ ਜਾ ਸਕਦਾ ਹੈ। ਅਜਿਹਾ ਅਮਰੀਕਾ ਵੱਲੋਂ ਉਸ ਦੀ ਹਵਾਲਗੀ ਦੀ ਅਰਜੀ ਵਾਪਸ ਲਏ ਜਾਣ ਕਾਰਨ ਹੋਇਆ

ਬ੍ਰਿਟੇਨ ਵਿਚ ਕੋਰੋਨਾ ਵਾਇਰਸ ਦੇ ਖਿਲਾਫ਼ ਨੱਕ ਦੀ ਸਪ੍ਰੇ ਦਾ ਸਫਲਤਾਪੂਰਨ ਪ੍ਰੀਖਣ ਕੀਤਾ ਗਿਆ। ਦੂਜੇ ਪੜਾਅ ਦੇ ਪ੍ਰੀਖਣ ’ਚ ਇਹ ਦਵਾਈ 95 ਫੀਸਦ ਤਕ ਕਾਰਗਰ ਸਿੱਧ ਹੋਈ। ਭਾਰਤ ਵਿਚ ਕੋਰੋਨਾ ਵਾਇਰਸ ਵਿਰੁੱਧ ਸਵਦੇਸ਼ੀ ਟੀਕਾ ਕੋਵੈਕਸੀਨ ਵਿਕਸਿਤ ਕਰਨ ਵਾਲੀ ਭਾਰਤ ਬਾਇਓਟੈਕ ਨੇਜ਼ਲ ਦਵਾ ਦਾ ਪ੍ਰੀਖਣ ਕਰ ਰਹੀ ਹੈ।

ਬਿ੍ਟੇਨ ਨੇ ਹਾਂਗਕਾਂਗ ਦੇ ਲੋਕਤੰਤਰ ਸਮਰਥਕ ਵਰਕਰ ਨਾਥਨ ਲਾ ਨੂੰ ਸਿਆਸੀ ਸ਼ਰਨ ਦੇ ਦਿੱਤੀ ਹੈ। ਉਹ ਬੀਤੇ ਸਾਲ ਜੁਲਾਈ ਤੋਂ ਬਿ੍ਟੇਨ ਵਿਚ ਰਹਿ ਰਹੇ ਹਨ। ਚੀਨ ਵੱਲੋਂ ਰਾਸ਼ਟਰੀ ਸੁਰੱਖਿਆ ਕਾਨੂੰਨ ਥੋਪੇ ਜਾਣ ਤੋਂ ਬਾਅਦ ਨਾਥਨ ਨੇ ਹਾਂਗਕਾਂਗ ਨੂੰ ਛੱਡ ਦਿੱਤਾ ਸੀ।

ਮਿਆਂਮਾਰ 'ਚ ਤਖ਼ਤਾਪਲਟ ਖ਼ਿਲਾਫ਼ ਵਿਰੋਧ-ਮੁਜ਼ਾਹਰਿਆਂ ਦਾ ਦੌਰ ਰੁਕਦਾ ਨਹੀਂ ਦਿਖਾਈ ਦੇ ਰਿਹਾ। ਵੀਰਵਾਰ ਨੂੰ ਦੇਸ਼ ਦੇ ਉੱਤਰ-ਪੱਛਮੀ 'ਚ ਸਥਿਤ ਇਕ ਸ਼ਹਿਰ 'ਚ ਸੁਰੱਖਿਆ ਬਲਾਂ ਤੇ ਮੁਜ਼ਾਹਰਾਕਾਰੀਆਂ ਵਿਚਕਾਰ ਝੜਪ ਹੋ ਗਈ। ਅੰਦੋਲਨਕਾਰੀਆਂ ਨੂੰ ਤਿਤਰ-ਬਿਤਰ ਕਰਨ ਲਈ ਫ਼ੌਜ ਨੇ ਫਾਇਰਿੰਗ ਕੀਤੀ ਤਾਂ ਮੁਜ਼ਾਹਰਾਕਾਰੀ ਨੌਜਵਾਨਾਂ ਨੇ ਦੇਸੀ ਕੱਟੇ ਤੇ ਬੰਬਾਂ ਨਾਲ ਉਨ੍ਹਾਂ 'ਤੇ ਹਮਲਾ ਕਰ ਦਿੱਤਾ।

ਬਰਤਾਨੀਆ ਦੀ ਮੈਡੀਸਨ ਰੈਗੂਲੇਟਰੀ ਨੇ ਕਿਹਾ ਕਿ ਐਸਟ੍ਰਾਜ਼ੈਨੇਕਾ ਦੀ ਕੋਰੋਨਾ ਵੈਕਸੀਨ ਦੇਣ ਤੋਂ ਬਾਅਦ 30 ਲੋਕਾਂ 'ਚ ਬਲੱਡ ਕਲਾਟਿੰਗ (ਖ਼ੂਨ ਦੇ ਧੱਬੇ ਜੰਮ ਜਾਣੇ) ਦੇ ਮਾਮਲੇ ਪਾਏ ਗਏ ਹਨ ਤੇ ਇਸ ਕਾਰਨ ਸੱਤ ਲੋਕਾਂ ਦੀ ਮੌਤ ਹੋ ਗਈ ਹੈ। ਮੈਡੀਸਨ ਐਂਡ ਹੈਲਥਕੇਅਰ ਰੈਗੂਲੇਟਰੀ ਏਜੰਸੀ (ਐੱਮਐੱਚਆਰਏ) ਦੀ ਚੀਫ ਐਗਜ਼ੀਕਿਊਟਿਵ ਜੂਨ ਰੇਨੇ ਨੇ ਕਿਹਾ ਕਿ ਐਸਟ੍ਰਾਜ਼ੈਨੇਕਾ ਵੈਕਸੀਨ ਨਾਲ ਹੋਣ ਵਾਲੇ ਫਾਇਦਿਆਂ ਦੇ ਮੁਕਾਬਲੇ ਬਲੱਡ ਕਲਾਟਿੰਗ ਦਾ ਖ਼ਤਰਾ ਬਹੁਤ ਮਾਮੂਲੀ ਹੈ। ਇਸ ਲਈ ਲੋਕਾਂ ਨੂੰ ਇਹ ਵੈਕਸੀਨ ਲੈਣੀ ਬੰਦ ਨਹੀਂ ਕਰਨੀ ਚਾਹੀਦੀ।

ਮਿਸਰ ਦੀ ਸਵੇਜ਼ ਨਹਿਰ ਵਿਚ ਫਸਿਆ ਵੱਡਾ ਕਾਰਗੋ ਕੰਟੇਨਰ ਜਹਾਜ਼ ਸੋਮਵਾਰ ਦੇਰ ਸ਼ਾਮ ਨਿਕਲ ਗਿਆ। ਇਸ ਦੇ ਨਾਲ ਹੀ ਨਹਿਰ ਵਿਚ ਆਵਾਜਾਈ ਆਮ ਵਾਂਗ ਹੋ ਗਈ। ਪਹਿਲੀ ਖੇਪ ਵਿਚ 43 ਜਹਾਜ਼ਾਂ ਨੂੰ ਮੰਜ਼ਿਲ ਵੱਲ ਰਵਾਨਾ ਕੀਤਾ ਗਿਆ।

ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜੌਨਸਨ ਲੋਕਾਂ ਵਿਚ ਵੈਕਸੀਨ ਦੇ ਡਰ ਨੂੰ ਲੈ ਕੇ ਪੈਦਾ ਹੋਏ ਵਹਿਮ ਦੂਰ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। ਉਨ੍ਹਾਂ ਨੇ ਖੁਦ ਟਵੀਟ ਕਰਕੇ ਇਸ ਦੀ ਜਾਣਕਾਰੀ ਦਿੱਤੀ ਹੈ।

ਪਾਕਿਸਤਾਨ 'ਚ ਤੇਜ਼ੀ ਨਾਲ ਵੱਧਦੇ ਕੋਰੋਨਾ ਇਨਫੈਕਸ਼ਨ ਕਾਰਨ ਕਈ ਸ਼ਹਿਰਾਂ ਵਿਚ ਲਾਕਡਾਊਨ ਲਗਾ ਦਿੱਤਾ ਗਿਆ ਹੈ। ਪਾਕਿਸਤਾਨ ਨੇ ਐਲਾਨ ਕੀਤਾ ਹੈ ਕਿ ਇਸ ਦੌਰਾਨ ਬਾਜ਼ਾਰ, ਸ਼ਾਪਿੰਗ ਮਾਲ, ਦਫ਼ਤਰ ਅਤੇ ਰੈਸਤਰਾਂ ਬੰਦ ਰਹਿਣਗੇ। ਕੇਵਲ ਖਾਣ-ਪੀਣ ਦੇ ਸਾਮਾਨ, ਦਵਾਈ, ਮੀਟ ਅਤੇ ਦੁੱਧ ਦੀਆਂ ਦੁਕਾਨਾਂ ਖੁੱਲ੍ਹੀਆਂ ਰਹਿਣਗੀਆਂ। ਪੰਜਾਬ ਦੇ ਸਿਹਤ ਮੰਤਰੀ ਯਾਸਮੀਨ ਰਾਸ਼ਿਦ ਨੇ ਦੱਸਿਆ ਕਿ ਲਾਕਡਾਊਨ ਗੁਜਰਾਤ, ਸਿਆਲਕੋਟ, ਹਫੀਜ਼ਾਬਾਦ 'ਚ ਲਗਾ ਦਿੱਤਾ ਗਿਆ ਹੈ।

ਕੂਟਨੀਤੀ ਦੀ ਬਿਸਾਤ 'ਤੇ ਆਮ ਤੌਰ 'ਤੇ ਜਿਸ ਅੰਦਾਜ਼ 'ਚ ਸਵਾਲ ਪੁੱਛਿਆ ਜਾਂਦਾ ਹੈ, ਉਸੇ ਅੰਦਾਜ਼ 'ਚ ਉਸ ਦਾ ਜਵਾਬ ਦਿੱਤਾ ਜਾਂਦਾ ਹੈ। ਕੁਝ ਅਜਿਹਾ ਹੀ ਭਾਰਤ ਦੀ ਸੰਸਦ 'ਚ ਸੋਮਵਾਰ ਨੂੰ ਉਦੋਂ ਹੋਇਆ ਜਦੋਂ ਬਰਤਾਨੀਆ 'ਚ ਨਸਲੀ ਵਿਤਕਰਾ ਦਾ ਮੁੱਦਾ ਚੁੱਕਿਆ ਗਿਆ। ਮੁੱਦਾ ਚੁੱਕਿਆ ਓਡੀਸ਼ਾ ਤੋਂ ਭਾਜਪਾ ਦੇ ਸੰਸਦ ਮੈਂਬਰ ਅਸ਼ਵਨੀ ਵੈਸ਼ਣਵ ਨੇ। ਉਨ੍ਹਾਂ ਆਕਸਫੋਰਡ ਯੂਨੀਵਰਸਿਟੀ ਸਟੂਡੈਂਟਸ ਯੂਨੀਅਨ ਚੋਣ ਪ੍ਰਕਿਰਿਆ 'ਚ ਇਕ ਭਾਰਤੀ ਵਿਦਿਆਰਥੀ ਨਾਲ ਨਸਲੀ ਵਿਤਕਰੇ ਦੀ ਗੱਲ ਚੁੱਕੀ।