ਨਈ ਦੁਨੀਆ, ਨਵੀਂ ਦਿੱਲੀ : ਇਸ ਵਾਰ ਅਧਿਮਾਸ ਕਾਰਨ ਇਕ ਮਹੀਨੇ ਦੇਰੀ ਨਾਲ ਨਰਾਤੇ ਸ਼ੁਰੂ ਹੋਣਗੇ। ਪਿਛਲੇ ਸਾਲ 17 ਸਤੰਬਰ ਨੂੰ ਪਿੱਤਰ ਅਮਾਵਸਿਆ ਦੇ ਅਗਲੇ ਦਿਨ ਤੋਂ ਸ਼ਰਾਧ ਨਰਾਤੇ ਦੀ ਸ਼ੁਰੂਆਤ ਹੋ ਗਈ ਸੀ। ਇਸ ਵਾਰ ਦੋ ਸਤੰਬਰ ਤੋਂ ਪਿੱਤਰ ਪੱਖ ਸ਼ੁਰੂ ਹੋਇਆ ਜੋ 17 ਸਤੰਬਰ ਨੂੰ ਖ਼ਤਮ ਹੋ ਗਿਆ ਸੀ। 18 ਸਤੰਬਰ ਤੋਂ ਅਧਿਮਾਸ ਲੱਗ ਗਿਆ। ਇਹ 28 ਦਿਨਾਂ ਦਾ ਹੈ। ਇਸ ਅੰਤਰਾਲ 'ਚ ਕੋਈ ਤਿਉਹਾਰ ਨਹੀਂ ਮਨਾਇਆ ਜਾਂਦਾ ਹੈ। ਇਸਲਈ ਆਮਜਨ ਨੂੰ ਪੂਰੇ ਇਕ ਮਹੀਨੇ ਇੰਤਜ਼ਾਰ ਕਰਨਾ ਹੋਵੇਗਾ। 17 ਅਕਤੂਬਰ ਨੂੰ ਸ਼ਰਾਧ ਨਰਾਤੇ ਸ਼ੁਰੂ ਹੋਣਗੇ। ਪੰਡਿਤ ਪ੍ਰੇਮ ਸ਼ੁਕਲਾ ਮੁਤਾਬਿਕ ਹਰ 36 ਮਹੀਨੇ ਯਾਨੀ ਤਿੰਨ ਸਾਲ 'ਚ ਇਕ ਮਹੀਨਾ ਅਧਿਮਾਸ ਦਾ ਆਉਂਦਾ ਹੈ।

ਨਰਾਤੇ ਇਕ ਮਹੀਨੇ ਦੇਰ ਤੋਂ ਸ਼ੁਰੂ ਹੋਣ ਕਾਰਨ ਇਸ ਵਾਰ ਦੀਵਾਲੀ 14 ਨਵੰਬਰ ਨੂੰ ਆਵੇਗੀ। ਜਦਕਿ ਇਹ ਪਿਛਲੇ ਸਾਲ 27 ਅਕਤੂਬਰ ਨੂੰ ਸੀ। ਅਧਿਮਾਸ ਹੋਣ ਕਾਰਨ 22 ਅਗਸਤ ਨੂੰ ਗਣੇਸ਼ਉਤਸਵ ਤੋਂ ਬਾਅਦ ਜਿੰਨੇ ਵੀ ਵੱਡੇ ਤਿਉਹਾਰ ਹਨ, ਉਹ ਪਿਛਲੇ ਸਾਲ ਦੀ ਤੁਲਨਾ 'ਚ 10 ਤੋਂ 15 ਦਿਨ ਦੇਰੀ ਤੋਂ ਆਉਣਗੇ। ਬ੍ਰਾਹਮਣ ਤੇ ਆਮਜਨ ਨਰਾਤੇ ਦੇ ਦੇਰੀ ਤੋਂ ਸ਼ੁਰੂ ਹੋਣ 'ਤੇ ਖੁਸ਼ੀ ਵੀ ਜਤਾ ਰਹੇ ਹਨ ਕਿਉਂਕਿ ਉਮੀਦ ਹੈ ਕਿ ਉਦੋਂ ਤਕ ਕੋਰੋਨਾ ਮਹਾਮਾਰੀ ਦਾ ਖ਼ਾਤਮਾ ਹੋ ਜਾਵੇ ਤੇ ਉਹ ਤਿਉਹਾਰ ਨੂੰ ਚੰਗੇ ਤਰੀਕੇ ਨਾਲ ਮੰਨਾ ਸਕਣਗੇ। ਆਮਜਨ ਤੋਂ ਇਸ ਗੱਲ ਤੋਂ ਵੀ ਖੁਸ਼ ਹੈ ਕਿ ਦੀਵਾਲੀ ਇਸ ਵਾਰ ਦੇਰੀ ਤੋਂ ਆਵੇਗੀ ਤੇ ਉਨ੍ਹਾਂ ਨੂੰ ਤਿਆਰੀਆਂ ਕਰਨ ਦਾ ਮੌਕਾ ਮਿਲ ਜਾਵੇਗਾ।

ਨਰਾਤਿਆਂ 'ਚ ਗਰਬਾ ਤੇ ਚੱਲ ਸਮਾਗਮ 'ਤੇ ਰਹੇਗੀ ਪਾਬੰਦੀ

ਇਸ ਵਾਰ ਨਰਾਤੇ ਤਿਉਹਾਰ ਬਿਲਕੁਲ ਵੱਖ ਤਰੀਕੇ ਤੋਂ ਮਨਾਏ ਜਾਣਗੇ। ਲਾਕਡਾਊਨ ਦੇ ਨਿਯਮਾਂ ਦਾ ਪਾਲਣ ਕਰਦਿਆਂ ਮਾਂ ਦੀ ਅਰਾਧਨਾ ਕੀਤੀ ਜਾਵੇਗੀ। ਮੰਨਿਆ ਜਾ ਰਿਹਾ ਹੈ ਕਿ ਨਰਾਤੇ ਤੇ ਗਰਬਾ 'ਤੇ ਕਿਸੇ ਵੀ ਤਰ੍ਹਾਂ ਦੇ ਚਲ ਸਮਾਗਮ 'ਤੇ ਪਾਬੰਦੀ ਰਹੇਗੀ। ਦੁਰਗਾ ਪ੍ਰਤੀਮਾ ਦੀ ਉਚਾਈ 6 ਫੀਟ ਤੋਂ ਜ਼ਿਆਦਾ ਨਹੀਂ ਹੋਵੇਗੀ। ਜ਼ਿਆਦਾਤਰ 10 ਗੁਣਾ 10 ਦੇ ਪੰਡਾਲ 'ਚ ਪ੍ਰਤੀਮਾ ਸਥਾਪਨਾ ਕੀਤੀ ਜਾ ਸਕਦੀ ਹੈ। ਗ੍ਰਹਿ ਵਿਭਾਗ ਵੱਲੋਂ ਬਾਜ਼ਾਰਾਂ ਤੇ ਦੁਕਾਨਾਂ ਦੇ ਸੰਚਾਲਨ ਸਮੇਂ ਦੇ ਸਬੰਧ 'ਚ ਵੀ ਦਿਸ਼ਾ-ਨਿਰਦੇਸ਼ਾਂ ਜਾਰੀ ਕੀਤੇ ਗਏ ਹਨ, ਜਿਸ ਤਹਿਤ ਮੈਡੀਕਲ ਸਟੋਰ, ਰੈਸਟੋਰੈਂਟ, ਢਾਬੇ, ਰਾਸ਼ਨ ਤੇ ਖਾਣ-ਪੀਣ ਨਾਲ ਸਬੰਧਿਤ ਦੁਕਾਨਾਂ ਨੂੰ ਛੱਡ ਕੇ ਬਾਕੀ ਦੁਕਾਨਾਂ ਰਾਤ 8 ਵਜੇ ਬੰਦ ਕਰਨੀਆਂ ਹੋਣਗੀਆਂ। ਇਸ ਵਾਰ ਵੱਖ-ਵੱਖ ਸੂਬੇ ਆਪਣੇ ਪੱਧਰ 'ਤੇ ਨਿਯਮਾਂ ਦਾ ਐਲਾਨ ਕਰਨਗੇ।

Posted By: Amita Verma