ਜੇਐੱਨਐੱਨ, ਅਯੋਧਿਆ : ਸ਼੍ਰੀਰਾਮ ਜਨਮਭੂਮੀ ਤੀਰਥ ਇਲਾਕੇ ਟਰੱਸਟ ਦੇ ਮੁਖੀ ਮਹੰਤ ਨਿ੍ਤ ਗੋਪਾਲ ਦਾਸ ਨੇ ਸੋਮਵਾਰ ਨੂੰ 28 ਵਰ੍ਹੇ ਬਾਅਦ ਰਾਮਲਲਾ ਦੇ ਦਰਸ਼ਨ ਕੀਤੇ ਤੇ ਮੰਦਰ ਨਿਰਮਾਣ ਕਾਰਜਾਂ ਦਾ ਜਾਇਜ਼ਾ ਲਿਆ। ਇਸ ਮੌਕੇ 'ਤੇ ਮਹੰਤ ਨਿ੍ਤ ਗੋਪਾਲ ਦਾਸ ਨੇ ਕਿਹਾ ਕਿ ਰਾਮਲਲਾ ਦੇ ਦਰਸ਼ਨ ਕਰ ਕੇ ਆਨੰਦ ਦੀ ਪ੍ਰਾਪਤੀ ਹੋਈ ਹੈ। ਸਮਤਲੀਕਰਨ ਦੌਰਾਨ ਨਿਕਲੇ ਮੰਦਰ ਦੇ ਅਵਸ਼ੇਸ਼ਾਂ 'ਤੇ ਕਿਹਾ ਕਿ ਰਾਮ ਮੰਦਰ ਪਹਿਲਾਂ ਤੋਂ ਹੀ ਸੀ ਤੇ ਅੱਜ ਵੀ ਹੈ। ਇਸ ਨਾਲ ਉਨ੍ਹਾਂ ਲੋਕਾਂ ਨੂੰ ਕਰਾਰ ਜਵਾਬ ਮਿਲ ਗਿਆ ਹੈ, ਜੋ ਮਸਜਿਦ ਦੀ ਮੌਜੂਦਗੀ ਦੀ ਗੱਲ ਕਰ ਰਹੇ ਸਨ। ਕਿਹਾ ਕਿ ਛੇਤੀ ਮੰਦਰ ਨਿਰਮਾਣ ਲਈ ਕਾਰਜਾਂ ਨੂੰ ਤੀਬਰਤਾ ਦਿੱਤੀ ਜਾਵੇਗੀ। ਯੋਗ ਤੇ ਤਜਰਬੇਕਾਰ ਕਿਰਤੀਆਂ ਨਾਲ ਹੀ ਸ਼ਿਲਪਕਾਰਾਂ ਦੀ ਟੀਮ ਬਣਾਏਗੀ। ਸੰਪੂਰਨ ਕੰਪਲੈਕਸ ਨੂੰ ਸੁੰਦਰ ਤੇ ਰਮਨੀਕ ਬਣਾਇਆ ਜਾਵੇਗਾ।

ਮਹੰਤ ਨੇ ਕਿਹਾ ਕਿ ਦੇਸ਼ ਦਾ ਹਰੇਕ ਰਾਮ ਭਗਤ ਸੰਕਲਪ ਨਾਲ ਮੰਦਰ ਨਿਰਮਾਣ ਲਈ ਸਹਿਯੋਗ ਕਰ ਰਿਹਾ ਹੈ। ਮੰਦਰ ਨਿਰਮਾਣ 'ਚ ਪੈਸਿਆਂ 'ਚ ਕਮੀ ਨਹੀਂ ਆਵੇਗੀ। ਟਰੱਸਟ ਮੁਖੀ ਦੇ ਕੰਪਲੈਕਸ 'ਚ ਪੁੱਜਣ 'ਤੇ ਟਰੱਸਟ ਸਕੱਤਰ ਚੰਪਤਰਾਏ ਨੇ ਉਨ੍ਹਾਂ ਦਾ ਸਵਾਗਤ ਕੀਤਾ। ਇਸ ਤੋਂ ਪਹਿਲਾਂ ਟਰੱਸਟ ਮੁਖੀ ਮਹੰਤ ਨਿ੍ਤ ਗੋਪਾਲ ਦਾਸ ਮਹਾਰਾਜ ਨੇ ਰਾਮਲਲਾ ਨੂੰ ਆਪਣੇ ਆਸ਼ਰਮ 'ਚ ਬਣੇ ਲੱਡੂਆਂ ਦਾ ਭੋਗ ਪ੍ਰਸ਼ਾਦ ਸਮਰਪਿਤ ਕੀਤਾ।