ਨਵੀਂ ਦਿੱਲੀ, Dhanteras 2022: ਹਿੰਦੂ ਕੈਲੰਡਰ ਅਨੁਸਾਰ, ਧਨਤੇਰਸ ਦਾ ਤਿਉਹਾਰ ਕਾਰਤਿਕ ਮਹੀਨੇ ਵਿੱਚ ਕ੍ਰਿਸ਼ਨ ਪੱਖ ਦੀ ਤ੍ਰਯੋਦਸ਼ੀ ਨੂੰ ਆਉਂਦਾ ਹੈ। ਇਸ ਦਿਨ ਨੂੰ ਬਹੁਤ ਸ਼ੁਭ ਤੇ ਮਹੱਤਵਪੂਰਨ ਮੰਨਿਆ ਜਾਂਦਾ ਹੈ ਕਿਉਂਕਿ ਉਹ ਇਸ ਨੂੰ ਸੋਨਾ, ਚਾਂਦੀ, ਭਾਂਡੇ ਅਤੇ ਇੱਥੋਂ ਤਕ ਕਿ ਯੰਤਰ ਖਰੀਦਣਾ ਵੀ ਸ਼ੁਭ ਮੰਨਦੇ ਹਨ। ਇਸ ਦਿਨ ਖਰੀਦਦਾਰੀ ਕਰਨ ਦੇ ਪਿੱਛੇ ਮਾਨਤਾ ਹੈ ਕਿ ਇਸ ਦਿਨ ਅਜਿਹੀਆਂ ਚੀਜ਼ਾਂ ਖਰੀਦਣ ਨਾਲ ਚੰਗੀ ਕਿਸਮਤ ਆਉਂਦੀ ਹੈ ਅਤੇ ਘਰ ਵਿੱਚ ਦੇਵੀ ਲਕਸ਼ਮੀ ਦੀ ਕਿਰਪਾ ਹੁੰਦੀ ਹੈ। ਇਸ ਸਾਲ ਧਨਤੇਰਸ 23 ਅਕਤੂਬਰ ਨੂੰ ਮਨਾਈ ਜਾਵੇਗੀ। ਧਨਤੇਰਸ ਦਾ ਸ਼ੁਭ ਸਮਾਂ ਅਤੇ ਮਹੱਤਵ ਜਾਣੋ।

ਕਦੋਂ ਹੈ ਧਨਤੇਰਸ 2022

ਇਸ ਸਾਲ ਧਨਤੇਰਸ ਦਾ ਤਿਉਹਾਰ 23 ਅਕਤੂਬਰ 2022 ਨੂੰ ਮਨਾਇਆ ਜਾਵੇਗਾ। ਇਸ ਦੇ ਨਾਲ ਹੀ ਦੀਵਾਲੀ ਦਾ ਪੰਜ ਦਿਨਾਂ ਤਿਉਹਾਰ ਸ਼ੁਰੂ ਹੋ ਜਾਵੇਗਾ। ਜਿਸ ਦਾ ਅੰਤ ਭਈਆ ਦੂਜ ਨਾਲ ਹੋਵੇਗਾ।

ਧਨਤੇਰਸ 2022 ਸ਼ੁਭ ਮੁਹੂਰਤ

ਕਾਰਤਿਕ ਮਹੀਨੇ ਦੀ ਕ੍ਰਿਸ਼ਨਾ ਪੱਖ ਤ੍ਰਯੋਦਸ਼ੀ ਤਿਥੀ ਸ਼ੁਰੂ ਹੁੰਦੀ ਹੈ - 22 ਅਕਤੂਬਰ 2022 ਸ਼ਾਮ 6.02 ਵਜੇ ਤੋਂ

ਕਾਰਤਿਕ ਮਹੀਨੇ ਦੇ ਕ੍ਰਿਸ਼ਨ ਪੱਖ ਤ੍ਰਯੋਦਸ਼ੀ ਦੀ ਸਮਾਪਤੀ - 23 ਅਕਤੂਬਰ 2022 ਸ਼ਾਮ 6.03 ਵਜੇ ਤਕ

ਪੂਜਾ ਲਈ ਸ਼ੁਭ ਸਮਾਂ - ਐਤਵਾਰ, 23 ਅਕਤੂਬਰ 2022 ਸ਼ਾਮ 5:44 ਤੋਂ ਸ਼ਾਮ 6.05 ਤਕ

ਪ੍ਰਦੋਸ਼ ਕਾਲ: ਸ਼ਾਮ 5:44 ਤੋਂ ਰਾਤ 8.16 ਤਕ।

ਵਰਸ਼ਭਾ ਕਾਲ: ਸ਼ਾਮ ਨੂੰ 6:58 PM ਤੋਂ 8:54 PM ਤਕ।

ਧਨਤੇਰਸ ਦੀ ਮਹੱਤਤਾ

ਧਨਤੇਰਸ, ਜਿਸ ਨੂੰ ਧਨਤਰਯੋਦਸ਼ੀ ਵੀ ਕਿਹਾ ਜਾਂਦਾ ਹੈ, ਪੰਜ ਦਿਨਾਂ ਲੰਬੇ ਦੀਵਾਲੀ ਤਿਉਹਾਰ ਦੀ ਸ਼ੁਰੂਆਤ ਨੂੰ ਦਰਸਾਉਂਦਾ ਹੈ। ਮੰਨਿਆ ਜਾਂਦਾ ਹੈ ਕਿ ਇਸ ਦਿਨ ਸਮੁੰਦਰ ਮੰਥਨ ਦੌਰਾਨ ਭਗਵਾਨ ਕੁਬੇਰ, ਦੇਵੀ ਲਕਸ਼ਮੀ ਅਤੇ ਭਗਵਾਨ ਧਨਵੰਤਰੀ ਸਮੁੰਦਰ ਤੋਂ ਬਾਹਰ ਆਏ ਸਨ। ਇਸ ਲਈ ਇਸ ਦਿਨ ਤਿੰਨੋਂ ਦੇਵਤਿਆਂ ਦੀ ਪੂਜਾ ਕੀਤੀ ਜਾਂਦੀ ਹੈ। ਇਸ ਦੇ ਨਾਲ ਹੀ ਇਸ ਦਿਨ ਖਰੀਦਦਾਰੀ ਕਰਨਾ ਵੀ ਸ਼ੁਭ ਮੰਨਿਆ ਜਾਂਦਾ ਹੈ।

ਦੀਵਾਲੀ 2022 ਕੈਲੰਡਰ

23 ਅਕਤੂਬਰ, ਐਤਵਾਰ - ਧਨਤੇਰਸ

24 ਅਕਤੂਬਰ, ਸੋਮਵਾਰ - ਨਰਕ ਚਤੁਰਦਸ਼ੀ, ਲਕਸ਼ਮੀ ਪੂਜਾ

25 ਅਕਤੂਬਰ, ਮੰਗਲਵਾਰ - ਗੋਵਰਧਨ ਪੂਜਾ

26 ਅਕਤੂਬਰ, ਬੁੱਧਵਾਰ - ਭਾਈ ਦੂਜ

Posted By: Sandip Kaur