ਥਾਣਾ ਝਬਾਲ ਵਿਖੇ ਤਾਇਨਾਤ ਰਾਤ ਦੇ ਮੁਨਸ਼ੀ ਨੇ ਕੀਤੀ ਖੁਦਕੁਸ਼ੀ, ਜ਼ਹਿਰੀਲਾ ਪਦਾਰਥ ਨਿਗਲਣ ਤੋਂ ਪਹਿਲਾਂ ਕੀਤਾ ਪੱਤਰਕਾਰਾਂ ਨੂੰ ਫੋਨ

ਦੱਸਿਆ ਜਾ ਰਿਹਾ ਹੈ ਕਿ ਥਾਣਾ ਝਬਾਲ ਵਿਖੇ ਤਾਇਨਾਤ ਰਾਤ ਦੇ ਮੁਨਸ਼ੀ ਹਰਪਾਲ ਸਿੰਘ ਨੇ ਡਿਊਟੀ ਤੋਂ ਬਾਅਦ ਕੋਈ ਜ਼ਹਿਰੀਲਾ ਪਦਾਰਥ ਬੁੱਧਵਾਰ ਨੂੰ ਨਿਗਲ ਲਿਆ। ਜਿਸਦੀ ਰਾਤ ਨੂੰ ਮੌਤ ਹੋ ਗਈ। ਉਕਤ ਮੁਨਸ਼ੀ ਨੇ ਕੁਝ ਪੱਤਰਕਾਰਾਂ ਨੂੰ ਫੋਨ ਤੇ ਕਿਹਾ ਕਿ ਦਿਨ ਦੇ ਮੁਨਸ਼ੀ ਦੇ ਕਹਿਣ ਤੇ ਥਾਣਾ ਮੁਖੀ ਵੱਲੋਂ ਉਸਨੂੰ ਝਿੜਕਿਆ ਗਿਆ ਹੈ। ਦੂਜੈ ਪਾਸੇ ਥਾਣਾ ਮੁਖੀ ਜਸਵੰਤ ਸਿੰਘ ਦਾ ਕਹਿਣਾ ਹੈ ਕਿ ਹਰਪਾਲ ਸਿੰਘ ਨੇ ਜਾਨ ਲੇਵਾ ਹਮਲਾ ਕਰਨ ਦੇ ਮਾਮਲੇ ਵਿਚ ਗਿਰਫ਼ਤਾਰ ਮੁਲਜ਼ਮਾਂ ਨੂੰ ਹਵਾਲਾਤ ਤੋਂ ਬਾਹਰ ਬਿਠਾਇਆ ਸੀ। ਜਿਸਦੇ ਚਲਦਿਆਂ ਉਨ੍ਹਾਂ ਨੇ ਵਿਭਾਗੀ ਕਾਰਵਾਈ ਕਰਨ ਦੀ ਤਾੜਨਾ ਜ਼ਰੂਰ ਕੀਤੀ ਸੀ,ਜੋਂ ਡਿਊਟੀ ਦਾ ਹਿੱਸਾ ਹੈ।