ਬਾਬਾ ਜੀਵਨ ਸਿੰਘ ਜੀ ਦੇ ਜਨਮ ਦਿਹਾੜੇ ਨੂੰ ਸਮਰਪਿਤ ਕੁਸ਼ਤੀ ਮੁਕਾਬਲੇ ਕਰਵਾਏ

ਬੱਲੂ ਮਹਿਤਾ •ਪੰਜਾਬੀ ਜਾਗਰਣ, ਪੱਟੀ ਸ਼੍ਰੋਮਣੀ ਅਮਰ ਸ਼ਹੀਦ ਬਾਬਾ ਜੀਵਨ ਸਿੰਘ ਦੇ ਜਨਮ ਦਿਹਾੜੇ ਨੂੰ ਸਮਰਪਿਤ ਗੁਰਦੁਆਰਾ ਬਾਬਾ ਜੀਵਨ ਸਿੰਘ ਦੀ ਪ੍ਬੰਧਕ ਕਮੇਟੀ ਦੁਸਹਿਰਾ ਗਰਾਊਂਡ ’ਚ ਕੁਸ਼ਤੀਆ ਕਰਵਾਈਆ ਗਈਆ। ਜਿਸ ’ਚ ਅਲੱਗ-ਅਲੱਗ ਆਖਾੜੇ ਛਾਲਾ ਭਲਵਾਨ ਅਖਾੜਾ ਪੱਟੀ, ਮੱਲ ਅਖਾੜਾ ਖਡੂਰ ਸਾਹਿਬ, ਰੇਸ਼ੀਆਨਾ ਅਖਾੜਾ, ਭਿੱਖੀਵਿੰਡ, ਆਖਾੜੇ ਦੇ ਭਲਵਾਨਾਂ ਨੇ ਭਾਗ ਲਿਆ ਅਤੇ ਝੰਡੀ ਦੀ ਕੁਸ਼ਤੀ ਵਿਚ ਪਹਿਲੇ ਸਥਾਨ ’ਤੇ ਰਹੇ। ਗੱਗੂ ਭਲਵਾਨ ਖਡੂਰ ਸਾਹਿਬ ਨੂੰ 5100 ਰੁਪਏ ਦੇ ਨਕਦ ਇਨਾਮ ਅਤੇ ਜਤਿੰਦਰ ਸਿੰਘ ਕਾਲੀ ਭਲਵਾਨ ਸੈਕਿੰਡ ਨੂੰ 5000 ਰੁਪਏ ਦਾ ਨਕਦ ਇਨਾਮ ਅਤੇ ਯਾਦਗਾਰੀ ਚਿੰਨ੍ਹ ਦੇ ਕੇ ਗੁਰਦੁਆਰਾ ਕਮੇਟੀ ਵਲੋਂ ਸਨਮਾਨਿਤ ਕੀਤਾ ਗਿਆ। ਬਲਜੀਤ ਸਿੰਘ ਬੁੱਢਾ ਭਲਵਾਨ ਤੇ ਪ੍ਮਜੀਤ ਸਿੰਘ ਫੌਜੀ ਵੱਲੋਂ ਰੈਫਰੀ ਦੀ ਸੇਵਾ ਕੀਤੀ। ਮੁੱਖ ਮਹਿਮਾਨ ਫੂਲਾ ਸਿੰਘ ਸ਼ਹਿਰੀ ਪ੍ਰਧਾਨ ਆਮ ਆਦਮੀ ਪਾਰਟੀ ਪੱਟੀ ਨੇ ਸਾਥੀਆਂ ਸਮੇਤ ਸ਼ਿਰਕਤ ਕੀਤੀ। ਇਸ ਮੌਕੇ ਇਨ੍ਹਾਂ ਮੱਲ ਅਖਾੜਿਆਂ ਦੀ ਸ਼ੁਰੂਆਤ ਸ੍ਰੀ ਗੁਰੂ ਅਮਰਦਾਸ ਜੀ ਵਲੋਂ ਖਡੂਰ ਸਾਹਿਬ ਤੋਂ ਕੀਤੀ ਗਈ ਸੀ। ਇਸ ਮੌਕੇ ਖਿਡਾਰੀਆਂ ਦੀ ਹੌਸਲਾ ਅਫਜ਼ਾਈ ਕਰਦਿਆਂ ਪ੍ਰਧਾਨ ਹਰਜਿੰਦਰ ਸਿੰਘ ਨੇ ਕਿਹਾ ਕਿ ਇਹ ਖੇਡਾਂ ਸਾਨੂੰ ਤੰਦਰੁਸਤ ਅਤੇ ਨਿਰੋਗ ਜੀਵਨ ਦਿੰਦੀਆਂ ਹਨ। ਸਾਨੂੰ ਹਮੇਸ਼ਾ ਆਪਣੀ ਧਰਤੀ ਨਾਲ ਜੁੜਨਾ ਅਤੇ ਨਸ਼ਿਆਂ ਤੋਂ ਦੂਰ ਰਹਿਣਾ ਚਾਹੀਦਾ ਹੈ। ਇਸ ਮੌਕੇ ਹਰਜਿੰਦਰ ਸਿੰਘ ਪ੍ਧਾਨ, ਗਿਆਨੀ ਨਿਰਭੈ ਸਿੰਘ ਹੈੱਡ ਗ੍ਰੰਥੀ, ਗੁਰਪ੍ਰੀਤ ਸਿੰਘ ਮੋਨੂੰ, ਮੁਖਤਿਆਰ ਸਿੰਘ ਪ੍ਧਾਨ, ਕੁਲਵਿੰਦਰ ਸਿੰਘ ਗਿੱਲ, ਸੁੱਚਾ ਸਿੰਘ ਸੂਬੇਦਾਰ, ਗੁਰਵਿੰਦਰ ਸਿੰਘ, ਹਰਪ੍ਰੀਤ ਸਿੰਘ ਹੈਪੀ, ਦਿਲਬਾਗ ਸਿੰਘ, ਮੇਜ਼ਰ ਸਿੰਘ, ਨਿਸ਼ਾਨ ਸਿੰਘ, ਸਤਨਾਮ ਸਿੰਘ, ਨਿਰਮਲ ਸਿੰਘ, ਬਲਦੇਵ ਸਿੰਘ, ਹਰਚੰਦ ਸਿੰਘ, ਦਲਜੀਤ ਸਿੰਘ ਚੀਦਾਂ, ਨਿਸ਼ਾਨ ਸਿੰਘ, ਰਾਜ ਸਿੰਘ, ਗੁਰਵਿੰਦਰ ਸਿੰਘ, ਬਲਜੀਤ ਸਿੰਘ, ਵਿਨੋਦ ਗੱਪਾ, ਬਾਬਾ ਅਜੈਬ ਸਿੰਘ, ਆਦਿ ਹਾਜ਼ਰ ਸਨ।